أقتراح للأمانه العامه ,, والمسؤولين جميعاً
 

السلام عليكم ورحمة الله وبركاته .. مساء الرضى ..

وكل عام وأنتم بخير وتقبل الله منا ومنكم صالح الأعمال ...

أقتراحي انا اعتبره مهم جداً جداً وأتمنى أن يلاقي فرصه على الساحه
ويطلع عليه أحد المسؤولين ..

وهو إنشاء جسر مشاة في طريق الملك خالد ( شارع الشاحنات )
بصراحه الأمر جداً خطير والشارع تشبّع من الحوادث .. وآخرها وفاة أختنا المصرية مع طفلتها

وقبل العيد برضه كان فيه حادث لأحد الأطفال وهو بيقطع من الغرب الى الشرق متوجه الى كارفور ..

الجهه الشرقية فيها .. الشامل .. وكارفور .. واكسترا ..والعبيكان .. والسنيدي .. ومركز يابلاش
وحلويات نفيل وو وو
الجهه الشرقية ماشاء الله تبارك الرحمن على قدم وساق
والحريم يا أخوان كثيررررر يقطعون الشارع .. من المطار القديم والتغيره ..
وبعض الناس يلبق سيارته بالجهه المقابله ويقطع الشارع

ليش مايكون فيه جسر مشاة يخدم المراكز ويحافظ على سلامة المشاة .. وخصوصا انهن " حريم "

يا أخوان والله العظيم اني امسك راسي اذا جت الحرمه تقطع الشارع .. تقطع الشارع ماتبالي ابدااااا

وتلقى السيارات بريكات عشانها .. عاد معروفه الحرمه وقفوا لي .. الله يستر عليهن يارب
ومعهن أطفال ..

والله أتمنى أتمنى أتمنى أن يصل هذا الإقتراح بفكرته الى أحد المسؤولين بالأمانه وتنفيذه بأسرع وقت ..

والمعذرة على ركاكة الكلام .. ودمتم بخير

كلام سليم

انا معك 100%
الشارع يحتاج جسر باسرع وقت

جزاك الله غير على مشاعرك

وتمنى وضع لوحة على الشارع مكتوب فيها هنا نحتاج لجسر مشاة

واتوقع ان الشركات قادره ومن مصلحتها عمل هذا الجسر فاذا كانت البلديه بليده تجاه المواطنين فيمكن تبادر الشركات بطلب من المواطنين لعمل الجسر .

جزاكم الله خير وبارك الله فيكم جميعاً تفاعل جميل

والله يا اخوي فيه منتديات وفيه طرق اجمل من اني اكتب لوحة بهذا الخصوص بالشكل اللي قلت
ان شاء الله راح يكون فيه تجاوب لهذا الإقتراح .. وعمل جسر مشاة واتمنى مايكون بعد حادث او حالة وفاة
مثل ماصار بالحادث اللي كان عند العثيم وبعدها حطوا جسر مشاة ..
ياليت يعتبرون .. وعلى كلاً الجسر إن شاء الله راح يقوم لكن ياليت قبل يقع الفأس بالرأس ..

ودمتم سالمين .

والله مشكلة ... واللي يرفع ضغطك هالمنعطف اللي مدري وش يبي ..

1- وجود مثل هذه الشوارع والأماكن التجارية سبب حوادث كثيرة
2- وش حضرت المسؤولين ما يسحبون على وجيههم ويحقق معهم ... لأهمالهم جانب السلامة للمواطنين
3- ما يحدث في هذا الشارع دليل على سوء التخطيط في بلدنــا
4- هذه الأخطاء من المسؤول عنهــا في عدم توفير جسور أو عازل للشارع يمنع العبور
5- ليس الحادث الأول ولا الأخير في ظل وجود مسؤولين لا يخافون الله .... حراميــة تفكيرهم بالميزانيات كل واحد يبي يسرق وبس أقل شئ اسرق لكن لا تجيب الطعة بالمواطنين

لالماذا شوارعنا مستقبلا لايكون هناك نفق لايكون عريضاً تحت الأرض بدلا من تعب الصعود

مشكورين وجزاكم الله خير

يارجال لا يسمعونك ترا مو ناقصين حفرياااااااااااات