|
طاش 18 والتطاول على المحاكم الشرعية !
بسم الله الرحمن الرحيم كل عام وانتم بخير , ساقتني اقدار الله عز وجل الى متابعة بعض حلقات المسلسل الهزلي ( طاش 18 ) مكرها اخاك لا بطل , نزولا عند رغبة من كنت ضيفا لديه في ايام الشهر الفضيل , فاصبح العبث بالدين والمقدسات والتطاول على اهل العلم والفضل طبقا لاغنى للاسر العربية ان تتناوله في شهر رمضان كل عام وبايدي سعودية , من الحلقات التي التهمتها وغصصت بها : حلقتان تتحدثان عن قصتين حقيقيتين لاثنين من القضاة في البلد , الاول :في المدينة ومتهم باختلاس 200مليون ريال . قيل انه تعرض للسحر وافرج عنه وتم تكريمه من جامعة طيبة . والثاني : اتهم بتطليق احدى النساء من زوجها ليتزوج بها وهوقاض سابق في مدينة الطائف . وكانت الطبخة الدرامية بشعة في تصوير فداحة الفعلتين . الله اعلم بحال كل منهما . والمتهم بريء حتى تثبت ادانته . اعزائي : هل يحق للمجتمع انتقاد السلك القضائي بطريقة او باخرى ام ان القاضي والحاكم الشرعي له حصانة من النقد واخطاؤه يمكن تبريرها ؟ حفظكم الباري |
ماعتقد انه في احد له حصانه بالنقد او غيره انا اسمع ان بعض كبار القضاه بالسعوديه لا يمكن ان يخرج لك صك ارض او مادري صكوك لعدة اراضي يعني مشروع ولا مخطط كبير الا اذا عطيته احد الاراضي الي هو يختارها وإلا تكون معاملتك حبيسة الادراج .. الي اقصده ان القضاه والمشائخ لابد ان يخطؤن ولكن المصيبه والطاااااامه الكبرى ان يخطأ وهو يعلم والادهى والامر اذا كان قاضي او شيخ . ولكن الغير مروووغوب فيه ان يستهزء بالدين او يستهزء باي شي بدون وجه حق .. . |
لا مو محصنين .. فيه قضاه قمة في الوقاحه وسعة الذمه .. وهذا ما اثبته الواقع . |
سبحان الله على روسهم ريشه
اصلا المحاكمات المفروض تكون علنيه علشان الناس تشوف وتعرف وش يصير بالمحاكم |
يا اخي الناس هذي استغلت الدين من اجل شهوات الدنيا وهذى أمرها عندالله عظيم واذا لم يجدو من يفضحهم سوف يهوي المجتمع الي الهاوية فما بالك بمن يدافع عنهم ،اتقو الله فينا وارحمو عقولنا قال صلي الله علية وسلم (انما اهلك من كان قبلكم ........،) ومعناها ان القاضي اذا فسد هلك الناس |
والله انا جربت المحاكم ولويتها مافي انصاف ابد... ابي الطلاق لان زوجي مدمن مخدرات ويسكر وعندي اثباتات على كلامي وتقارير بس لاحياه لمن تنادي ماغير يرجعوني له يقولون نصلح بينكم ياعالم اي اصلاح واي خرابيط يكفي انه يدخل البيت من دون وعي والحين الى الان معلقه حسبي الله على كل ظالم اللي رجله بالماي مو مثل اللي رجله بالنار كلن راز حاله بمكتبه مايدرون على عن اللي ماسكه قلبها بيدها ليل ونهار من جنونه ويقولون بكل برود نصلح بينكم يمكن الله يهديه الى متى الى متى الى متى.......يامحاكمنا انصفوا المرأه حرام عليكم كرهتوني بحالي والسبب الزوج والمحاكم الظالمه حسبي الله ونعم الوكيل وكلت امري لله عسى ربي يفرجها علي
|
القضاة مو معصومين من الخطاء وعادي انهم يسوون اي شي والي قالوه طاش عنهم اتوقع عادي يسوونه وعلى فكره القصه حقيقه الي عن الفاضي وياما انظلم ناس في المحاكم بسبب احكام غير عادله والنقد مطلوب |
ما فيه احد معصوم,, بس تراه كلامكم تعميم على كل القضاه والصحيح ان اللي تهرجون عنهم ذولا اقليات والأغلبيه أنهم عادلين ويخافون الله أرجوا عدم التعميم ---------- أما قضية طاش ما طاش فإنهم تطاولوا جدا على المحاكم وعلى المشائخ ( طاش كبرت القضيه فوق الازم جدا ) |
ليش هاذي قصص حقيقيه من مجتمعنا وبعدين مايعرضن الا معروضات على التفتيش والرقابه وقصه انه طلقه من زوجه وتزوجها هاذا بعد عندنا واحد من اهل بريده سواها والبنت من الباحه
|
لا والله ان قاضي المدينه اكبر حرامي والا شلون ينهب 200 مليون ريال ويمنهم كفشوه قالوا انه ممسوس مدري مسحور بس عشانه قاضي ومعه حصانه والفالح الثاني يحكم بالطلاق زورا وبهتانا عشان يتزوج المراه او ان القاضي خلاص اخطائه يغتفرلها ومسلسل طاش يعالج قضايا بطريقة فكاهيه ولم يستهزوا بالدين البته ارجوكم حكموا عقلكم
|
حسبي الله هو نعم الوكيل على طاش ومخرجهم و العاملين فيها لماذا اهل الدين تعمم عليهم الأخطاء طيب يمكن اللي حصل لقاضي المدينه صحيح ليش سوء الظن ودليل أن ما عندهم سالفه القاضي ما تحقق معه هيئة الرقابه أقرو النظام لعبو فينا لعب علشان نصدقهم و اللي طلق الزوجه من زوجها وتزوجها مو أغبياء للدرجه هذي فيه بالنظام عقوبات صارمه للقاضي اللي يسوي كذا ويا ويله لو يثبت عليه و ترى هم مو منزهين مثل ما يظن الأغلب عليهم رقابه و صارمه بعد حتى على أرصدتهم بس مو لازم ينعطى مرسوم مفصل للعامه هم عليهم حصانه صح لطبيعة عملهم و مجبرين على السريه الله يهدينا و إياكم
|
الصراحه انهم قالو الحق وحكو الواقع للاسف محاكمنا لم تقم العدل
|
الى الامام يافريق النقد العظيم الاستاذ ناصر والاستاذ عبدالله
الحمد لله لايوجد في طاش مناظر فاضحة او فاحشه ولكن هدفهم اخراج الفساد واظهاره للناس وقد خسروا امان انفسهم وابنائهم من اجل اظهار الحق نعم قصدي من التهديدات اللتي يتلقونها حال تسجيل اي حلقه سوف تخرج الفساد والمحاكم لابد ان يكونو معصومين عن الخطاء ليس بمعنى ماقلتله ولكن بجوهريه المعنى وكل مكان لايخلو من الاخطاء ولكن من المحاكم يكون خطاء فادح اكرر شكري لفريق طاش والى الامام وفقكم الله |
اقتباس:
|
| الساعة الآن +4: 02:21 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.