|
هُنـا نبني خُطى المستقبل معـاً ( تجمع كليات بريدة ) ~
مسائكم , صباحكم توفيق , وفـلاح ~ هنا نبني خُطى المستقبل , بإستفساراتنا عن كليات بريدة .. [ الإقتصاد , التربية , التأهيل , التقنية , العلمية , جامعة القصيم , كلية القصيم الأهلية ] الشروط : • للإستفسار عن الجداول , الدكاترة , المناهج , القاعات , المكافأت ... إلخ .. • للإعلام بالأخبار الجديدة .. • تمنع الدردشة أياً كانت , ويمنع السؤال عن مكان الطاولة خصوصاً .. أعانكم المولى حبيباتـي (h) |
أتمنى أن يكون لكم مرتعـًا خصبا للإفادة والاستفادة , وامانينا لكم بالتوفيق والنجاح (f) |
اقتباس:
ضحكت من أول طاولات الحين سجادة وأجلسي بالأرض :( بناااااااات أنا عندي تربية ميدانية مدري تربية عملي مادري وشي المهم أنه تطبيق :d وقالوا لنا العام تعالوا سجلو أسمائكم كل صديقات يسجلن أسمائهن وهم يحطون لنا المدرسة ولا رحت المزيونة كل مارحت مالقيت المشرفة وأنشغلنا أختبارات ووو وش يصير الحين هم يحطون لي المدرسة ويحطون لي بنات معي ؟؟ أو نكتب أسماءنا إذا فتحت الكلية ؟؟ ياليت اللي عنده خلفية تجاوب علي الله يوفقه |
يسعد صباحك أخ ـتي (h) المتفائله (h).. موضوع راائع كروعتك .. لا عدمناك ولا عدمنا جديدك المميز .. أمممم أبدأ بإستفساري وأتمنى أحد يفيدن قبل لا تجي الكليه :d .. أنا مستجده اول سنه لي بالكليه بقسم إنجليزي _دوره مكثفه_ وبروح للكليه يوم السبت اول يوم إن شاء الله .. لكن ما عندي اي معلومه .. ووش اسوي إذا رحت غير توقيع المباشره وتوقيع المباشره عند أي دكتوره وش اسمه؟! وبأي مبنى ؟! وقسم الانجليزي هل له مبنى خااص؟! ووش اسم المبنى اذا كان له خااص؟! ..والجداول موحده ؟! ومتى ينزلن ؟! .. امم ما عليش كثرت الاسئله :p,تحملون والله ماعندي احد أسأله ويفيدن غيركم :eek5,وتراي متفائله بكم جداً ,وهي المره هذي اسأل به وبس إن شاء الله ... واللي بترد علي له هذي (f).. تح ـيااتي .. |
قال رسول صلى الله عليه وسلم - "والله في عون العبد ما كان العبد في عون أخيه" |
ّ~~ قسم التغذيه ~~
السلام عليكم ورحمة الله وبركاتة بنات ابي مساعدتكن اللي تعرف اي معلومات عن قسم التغذيه تجاوبني وش المواد اللي ندرسهن ؟ وكم من سنه ؟ واذا تخرجت وش الوضايف او المجالات >> يارب فهمتو :eek5... اللي اقدر ادخله يعني وش يوضفونن وهل اقدر اكمل بعد ما اتخرج ؟ واللي عنده اضافه يضيف اللي عنده:d تكفووووون محتاجه ضروووري اللي يعرف لايبخل : 12 |
أفصل تحطين استفسارك عن الكليات و الأفسام هنا مدة الدراسة : ثمان مستويات يعني أربع سنين و أول مستوى عشر مواد من ضمنهن إنجليزي و كيمياء عضوية و مواد ثانية وفيه مواد عملية من ضمنهن تطبخون و إذا تخرجتي تصيرين مدرسة إقتصاد منزلي و إذا كملتي دراسات عليا تصيرين أخصائية تغذية بأحد المستشفيات وفيه يمكن شيء ثاني هذا اللي عندي وإن شاء الله البنات يفيدونك أكثر (h) لا تنسينن من دعواتك |
اقتباس:
أنا مثلك بالضبط اِقالي بروح أسجل أسمي وكل يوم هاليوم وخلصت الاختبارات ولا رحت بس أتوقع هم راح يحطون لك المدرسه ويحطون معك بنات لأنه مايمدي تكتبين أسمك وتختارين لأن التطبيق بيصير مع بداية الدراسه والمشرفه أتوقع أنه مزينه الأسماء ومخلصه عاد أنتي تأكدي مع بداية الدراسه الله يوفقك (f)(h) |
اقتباس:
وفقك المولى باذن الله اذا بدأت الدوامات تقدرين تضعين اسمك مع صديقاتك وبالمدرسة الي تبين لانهم ما يوزعونكم على المدارس ويسجلون الاسماء الا الاسبوع الاول والثاني كمان... بس بشرط روحي من الاسبوع الاول,,,,, |
اقتباس:
هلا بك .. أول شئ مبروك قبولك بالجامعة .. وثاني شئ واعدي أحد من البنات يروح يوسع صدرك ولادخلتي الكلية روحي للشؤون ولا لرئيسة قسمك واسأليه وش المطلوب منك تسوينه وكم يوم لازم تداومين وجمعي كل الأسئلة اللي ببالك واسأليه ..:d .. |
مشكورررين لـ إتاحه لنا هالموضوع خصوصآ حنا يالمستجدات:eek5
سؤالي انا مقبوله النصف الثاني ان شاء الله تاريخ كم يبدأ النصف بالضبط ؟! :bad وعندي اقتراح ياليت تلبونه :p تفتحون موضوع لتجهيزات الجامعه وتسذا موفقييييين :f:(h) |
سؤال آخر تحملونا :p
أنا أبد النصف الثاني هل أروح الاسبوع ذا أطلع البطاقه الجامعيه والا أخليه اذ بدا النصف الثاني وحده قالت لي روحي الحين طلعي البطاقه أفتونا :d |
بناااات ..انا معدلي مرررره قليل ..وفكرت احول بس الاقسام تبي معدل مرتفع سؤالي .. قسسم الفنيه يقبل معدلات قليله ولا على نسبه الثنوي ولا زيه زي الاقساااااااااااام تكفوون ابي رد موثووووق لاني سمعت ان قسم الفنيه اقدر احول على نسبه الثنوي مب على معدلي ....تكفوون سااعدون ....والله يعين الجمييع |
اقتباس:
اللي حصل لبعضض خوياتي العام حطوهن بالمدارس اللي ماسجل بهن احد ومعروف ان البنات يسجلن بدري يختارن المدارس الزينه من ناحية الادارة والمعلمات وانتي روحي باول الدوامات حاولي تلفزين اسمك بمدرسه كويسه وترا مادري يمكن يختلف من كلية لكلية موفقه |
| الساعة الآن +4: 12:40 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.