|
الله يخليكم ساعدوني
السلام عليكم ورحمة الله وبركاته أخواني و أخواتي صديقتي و رفيقة عمري أصابها بلاء أسأل الله أن يأجرها عليه حبيت أطرح مرضها لكم لعل فيكم من يساعدني على مساعدتها قبل سنتين كانت تبي تنام بعد صلاة الفجر فجأه حست بشيء مثل الصدمه القويه على جسمها بالكامل تقول فزيت بسرعه و قلبي يدق بسرعه يحس فيه اللي جنبي و أصفر وجهي وأبيضت شفايفي و نشف حلقي و حسيت ببرد شديد و رجفه في كل جسمي تقول بدأت أرتخي و بنفس الوقت أقاوم الهزل اللي جاء فجأه لجسمي وكأني لي أسبوع ما أكلت تقول بديت أدور و أصيح أحاول أتنفس و الكتمه تاكه صدري تقول جزمت وقتها أنها سكرات الموت تقول حتى زوجي صحى من نومه و يدور وراي ما يدري أيش يسوي يومها أخذها زوجها للمستشفى و كانت حالتها صعبه حتى الدكاتره قالو لزوجها أيش صاير معها كل تحاليلها و فحوصاتها سليمه صارت ما تنام و لا تأكل و أذا جاء المغرب أو الفجر جتها نوبه خوف و فزع و هلع شديد نفس اللي صار معها أول مره رفضت الرقيا لما يرقيها أحد تفزع و تمتنع حتى زوجها أذا قرأ عليها وهي نايمه تقوم و تفز و تبعد عنه حتى القرآن الكريم لما تحاول تقرأ تعجز كانها تنخنق الحين لها سنتين على هذي الحال تخاف خوف شديد من الموت و ما تبي تجلس لحالها تقول أذا جلست لحالي أتخيل ملك الموت في كل جهه أهملت زوجها و جزاه الله خير صابر أهملت بيتها و أعيالها نحفت و صارت كئيبه بعد ما كانت السعاده ماليه أيامها خفت نوبات الفزع بس للحين تجيها من فتره لفتره و ترفض الرقيا و القرآن و ترفض تتعالج نفسيا لأني سمعت عن مرض مشابه لأعراضه أسمه فوبيا الموت الله يجزاكم جنات عرضها السموات و الأرض دلوني على حل هي صديقة عمري و لنا مع بعض 20 سنه وهي كتومه مره أهلها ما يدرون عن مرضها أبد بس أنا وزوجها و الحين أنا لي سنتين و أنا أحاول أساعدها وما لقيت حل تتوقعون اللي فيها حسد أو سحر و الله أني تعبت تكفون ساعوني |
والله مادري وش اقول لك
والله اعلم وش الي فيها ولكن اقرو عليها حاولوا تكثرون وترصون عليها في البدايه راح تتألم لكن كلها فتره قصيره باذن الله مع القران تتطيب (تجربه) والله يشفيها ويعافيها ولاتنسينها بالدعاء هي الان بأمس الحاجه للدعاء |
الله يجزاكي خير على مساعدتك لصديقتك بس باين من كتاباتك انه والله اعلم فيها مس بس لازم تحاول وتجتهد لان علاجها بالقران وعموما سواء حسد او عين او سحر او مس العلاج واحد وحاولي قدر المستطاع انها تروح لمشايخه يرقونها
واهلها لازم يدرون باللي صاير بنتهم عشان يوقفون معاها ويساعدونها ويمكن الله بيشافيها الله يفرج عنها ويعافيها .... • بسم الله أرقيك من كل داء يؤذيك- من كل بلاء يؤذيك- من كل شر وشقاء يشقيك- من كل نفس أوعين حاقد أوعين حاسد- من كل نفس أو سحر ساحر أو كيد كائد • بسم الله أرقيك من شر النفاثات في العقد- من شر حاقد إذا حقد- من شر حاسد إذا حسد- من شر ساحر إذا سحر- من شر ناظر إذا نظر- من شر ماكر إذا مكر. • بسم الله أرقيك والله يرعاك والله يشفيك- والله يشفيك والله يبرؤك- والله يجيرك والله يجبرك والله يعيذك- والله يعصمك والله يحفظك. • بسم الله أرقيك من وساوس الصدر وشتات الأمر- من الأمراض والأوهام- من نزغات الشيطان ومن الأسقام- من الكوابيس ومن مزعجات الأحلام. |
اٌختي : حينما تنجرح القلوب ويتدمى الفؤاد. نُقر ونثق ان هذه الدنياء دار ابتلا ومحن .. فالمؤمن من تبصر بحال تلك الدنيا وزهد فيها، وأنها كدر ونصب! فلا يسعني إلا أن أقول شفا الله مبتلاك وجعل ثوابه بالأجر والعافيه..وجميع مرضى المسلمين.... وأرجو منك أن تبحثي عن ذلك الشيخ اللذي حضرت له مع مصاب جلسة قرائة وعجبت لما أراه من المصابين.وهو بعون الله سبب مبارك لما حل بصديقتك..(الشيخ المنصور) ..وان لم تستطيعي الوصول إليه سوف ابحث عنه واُخبرك. تحياتي. |
لا حول ولا قوة إلا بالله أحزنني والله ماقراءت من كلماتك وشرح حالة صديقتك المرّة كنت سأقول أرى أنها عين قوية وحين تمعّنت في كلامك وشرحك عنها أقول: والله أعلم سحرت في وقت المغرب ربما لم تقرأ أذكار المساء شفاها الله وشفى كل مصاب أنصحك بشيخ في بريدة يدعى بالشيخ: السنيدي لا أعلم موقعة أو بالأصح بيته ولكن أتمنى أن تبحثي عنه أصرّي عليه الذهاب مره وأُخرى أصرّي عليها أصرّي وفقك الله لعمل الخير |
الحين يجونك اللي مطفين النور ويقولون خليها تاكل عسل ومعه خروع !!!
الله يشفها من الممكن ان يكون مس والحل هو بالرقية الشريعة ... ولاحظي قلت يمكن |
هل لديها معصية خفيه . . تخاف زوجها أو أحد يطلع عليها . . ممكن مسويه حاجة لا زوجها ولا أنت تدرون عنها . . تأكدي من هالنقطة . . |
. . من خلال قراءتي للأسطر التي كتبتيها أتوقع والله أعلم أنها بحاجة إلى قراءة لإن امتناعها عن الرقية ربما لوجود مس اسأل الله أن يشفيها وأن يشفي مرضانا ومرضى المسلمين جزاكِ الله خيراً أيتها المباركة على حرصكِ على أختكِ .. . . |
اقتباس:
صحيح مامتنعت عن الرقيه الا به مس داوموا عليها بقراءة القرآن الله يشفيه وجميع مرضى المسلمين |
الأخت التي أرسلت رسالة خاصة . .
لم أستطع الرد . . لأنك حجبت ميزة استقبال الرسائل . . |
الله يشفيها ويشفي مرضا المسلمين
|
لاااازم
لاااازم يدرون اهلها موبس عشان يحثونها على الرقيه و العلاج عشان زوجها الحين صابر عليها بس مايندرى بيصبر زيادة اولا فالحقي على حياتها الزوجيه اذا دريوا اهلها بيخافون عليها من الي جاها وبعد يخافون عليها ان زوجها يمل منها او ينزوج عليها(بعيد الشر) واذا دريت انك معلمتهم ماراح تحمق لان حبك لها اكبر من انك تراعين رغباتها حبك تراعين سعادتها وحياتها الزوجيه الله يعينها العشق من الجن اوالحسد اوالسحر كلهن واحد كله شيطان يدخل الانسان ويبغى يتمكن منه ولا يبي القران الله يشفيههههههههها |
/
اعـرف كـثـيـرا من مـنـهـم عـلى شـاكـلـتـهـا او قـريـب من حـالـهـا .. وطـابـوا بـحـمـد الله ورجـعـوا بـأحـسـن حــال .. وكـأن لـم يـكـن شئ اصـابـهــم .. وبـمــاذا : بــالــقــرآن ( بالـرقـيـة الـشـرعــيــة ) .. اخـتـي ..... حــاولي ان تـجـدي مايـكـون مـعـروف عـنـد اهـل الـخـيـر بـحـسـن رقـيـتـه وطـيـب نـتـائـجـهـا .. وبـإذن الله سـيـزول مـا اصـابـهـا من مـكـروه .. اسـأل الله ان يشفيها شفاء لا يغادر سقماء .. |
مع الأسف أهلها ما بيقدمون لها شيء الأم عجوز مريضه و الأب متوفي من سنين الله يرحمه و ما عنده خوات و
أخوانه أثنين يدرسون بالخارج و أثنين أصغر منها يعني لو دريو ما راح يقدمون لها شيء بس يتضايقون و ما بيديهم حيله و هي أبخص بمنعي و منع زوجها من معرفة أهلها على العموم الله يجزاكم خير على وقفتكم معي و الله يرزقكم جنات الفردوس الأعلى و يناولكم الخير دنيا و أخره و لا يحرمكم ما تمنيتو و أسألكم بالله العظيم أن لا تنسوها من خالص دعواتكم |
| الساعة الآن +4: 09:08 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.