أفضل ورشة لفحص السيارات
 

تحية للجميع

حبيت استفسر عن أفضل الورش في بريدة لفحص السيارات ( اليوكن ـ التاهو )

بأمانة وتجرد لو سمحتم :) كعادتكم دائما في هذا المنتدى

ولكم خالص التقدير والشكر سلفا

الوكالة شغلهم كويس
وفيه ورشات متخصصه بالامريكي مثل القرعاوي
وفيه ايضا القافله

عزيزي الفاضل
البيان الجديد
فاتح له ورشه عند الصاله حقته
الي قبال مجمع لامير سلطان من الغرب
والله شغلهم حلووو ويفحصون اسياره
وعندهم القطع موجوده
او القرعاوي في صناعيه السليم
او القافله
ـــــــــــــ
هذا الي اعرف

سألت اخوي قال عندك ورشة التركي اللي لوحته فيها علامة بي ام
لانه فيه محليين اللي ورا مخبز الارياف الرئيسي ..~

الغالي كوكتيل
صدقت الوكالة شغلهم زين لكن حبيت أعرف بعض الورش الثانية
بارك الله فيك ياغالي وشكرا لك على سرعة تجاوبك وإضافتك
وفقك الله لكل خير


عزيزي شنتر بن عداد
جزيل الشكر لك على سرعة تجاوبك وعلى إضافتك الرائعة
وأراك تتفق أيضا مع الأخ كوكتيل على القرعاوي والقافلة
وفقك الله لكل خير ياغالي


الأخت الفاضلة نظرت عتب
شكرا لسعيك في تقديم المساعدة
إضافة رائعة وفقك الله
والشكر موصول لأخيك


إذن / ( الوكالة + القرعاوي + القافلة + البيان + التركي )

وللجميع أكرر الشكر والتقدير ووفقكم الله لكل خير

القرعاوي جدا شغلهم نظيف انا مصلح الشفر(جمس ) حقي عندهم

مرحبا اخوي
انا اشوف اغلب الناس تروح لمركز القافله الي بصناعية السليم يقولون متخصص امريكي وشغله حلو

نصيحة مجرب تشكر عليها أخي الفاضل الأمير الحزين
وفقك الله للخير دائما
ولك أعطر التحايا وصادق الثناء


مرحبا بك أخي البرهي
وشكرا لك من الأعماق على مشاركتك
وفقك الله لما تحب ولما فيه الخير
لك من الشكر أجزله ومن الود أصدقه