|
قصة المعرس وعروسته وهم جايين للقصيم اضحك على كيفك
قصه العروسه على طريق القصيم
السلام عليكم هذ1 واحدن توه معرس وخلصت الزفه وهل امور الي في القصر اخينا في الله شقل حرمته وطمرو في السياره ودعس للقصيم يعني اهل العروسه في الرياض وهو ساكنن بالقصيم والبنيه تستحي ومبرطمه طول الطريق الرجال يسولف وهي الرجال يئس من البنت انها تحتسي قال يا ولد مابدهاشي شكلها مسجل وامسك الخط في الوقت نفسه البنت كانت حسرانه ومتوهقه انها بس تتكلم عشان تقوله ابي الحمام الله يكرمكم عاد هي طمرت على المرتبه الي ورا عشان تنسدح عشان يخف عليها الوجع قالك توفر وقت الين يوصلون محطه المهم الرجال ما وعى الا هذيك محطه ويصفط عندها وينزل عند البقاله وياخذ له كيس فصفص وكم من ببسي حق الطريق هو كان وده يخذ له شريط لمحمد السليم عشان يسليه في الطريق بس خبركم توه معرس وبايخه مشغل محمد السليم الناس تشغل عبد الحليم ولا ام كلثوم البنت على نزلت زوجها الا وتقز هذيك الحمامات حقت الحريم الي عند المسجد الي جنب البقاله قالت ياولد بيمديني اطمر وخلص ورجع قبل لا يرجع هو من البقاله المهم المسكينه راحت واخذت وقتها اخينا في هل وقت قد رجع للسياره وعلى باله مرته في المرتبه الي ورا وخبركم عبايه سودا واخر الليل ما انتبه انها مهيب في السياره وشغل الموتر ودعس البنيه المسيكينه طلعت وهي مرتحه انو نقص من وزنها كم من كيلووووو وتناظر يا ولد وين السياره وتتلفت ما تشوف غير ابو هندل حق المحطه وابو يمن حق البقاله عاد تخيلو الصدمه يوم عرفت انو زوجها دق سلف ومشى والبنت المسكينه حتى في نفسها مهيب راضيه تصدق انو مشى جالسه تأمل انه يمكن راح منى ولا منى وبيرجع شوي ما وعت الا هذ1ك الجمس الي مقبل يوم وقفو عند البقاله الي جنبها وتقز الحريم الي في الجمس قالت زين عائله وتروح وترمي روحها على الحرمه الي قدام وهي ام العيله وتقول لها خالتي انا داخله عليس وهذي قصتي والعجوز مسكت راسه وقالت يابنيتي انتي تعرفين سيارت زوجس قالت ايه اعرفها قالت قومي اطمري نلحق على زوجس ويعبون بنزين ويدعسون وراه واخينا في الله مريح وماشي بعد ما لقوه في الخط على بعد نص ساعه عاد تخيل حبيب القارء انك على طريق القصيم و فجئه وراك جمس يكبس بالنور بشكل مخيف يبيك توقف وش رده فعلك اكيد الرجال دعسسسسسسسسس قال ياولد هذولا مهابيل بيضروني ومعي عروستي والجمس وراه داعس يحاول معه انه يوقف المهم الذهين الي يسوق الجمس عرف وش يسوي مار يولع نورا لجمس الي في الداخل عشان العريس يشوف انو الي في الجمس عائله وانتبه ومار يوقف قال وش عنده ذ1 ونزل وهو معصب عاد من الي متوهق في هل موقف راعي الجمس يقول في نفسه وشلون اقولها له انه مرته معنا يبي يجيبها بأسلوب تدريجي عشان العريس ما ينصدم خبركم مثل هل موقف وش بيقولون عنك اهل العروسه اخذت بنتنا وضيعتها ولله ان تلزق بوه السالفه طول عمره وهم العالم يتشمتون فيه المهم راعي الجمس سلم وقال له اخوي ما تسنك مضيعن لك شي قال له العريس لا ولله ما ضيعت شي كال له تأكد قال وشلون قال رح طل على موترك شف في شي ناقص لك العريس قام يوسوس حتى المشكله مرته ما جت على باله المهم راح ودخل خشته جوى الموتر وقال يا مره في شي طاح مننا وحنى في المحطه محد رد عليه ويويق على ورا ويناظر مار تطير عيونه عمىىىىىىى وين راحت المره ورجع لراعي الجمس وقال هات السالفه قال يا ولد مرتك لقيناها عند المحطه انا واهلي وقالت لنا انها نزلت للتوليت وانت مشيت ولا دريت عنها عاد العريس كل انواع النفاضات نزلت عليه تلعثم ولا قدر يحكي المهم راعي الجمس راح وقال للعروسه يلا طسي لم زوجس شوفيه مخترع عليس المهم العروسه ركبت مع زوجها في السياره وانطلق لسانه الي كان مربوط وقامت تتعذر له وتقول لا تزعل مني انا كنت مستحيه اني اقولك اني طول الخط وانا حسرانه وانت مشاءالله عليك ركبت الموتر وانطلقت هههههههههه عاد انقلب الوضع صار العريس هو الي مبرطم طول الطريق والعروسه الي قاعده تبربر ما بقى الا انها هي التسوق عشان اخينا في الله مرتاع من الي صار وبس هذي السالفه اتمنى النها تكون سلتكم والسلام عليكم منقوووووووووووووووووووووووووووووووووووول |
هههههههههههههههههههههههههههه
تنسيم ... هالمهستر نسى البنت ... لعنبوا ابليسك لو انا ... كان فتحت مخباتي وقلت زغلي به ... وراح وتركه ... اجل ماسمعت عن اللي طلع وهو وزوجته يتمشون ثاني يوم من عرسهم ... قالت لوه تكفى نبي شي نشربه ... وقف عند برادة مسجد ... سي يو .. وع وعات الوع ,,, |
هههههههههههههه
تدري إن القصة ذي مرررررررررررررة حلوة
لكن الأحلى رد مدحت عليها |
X
|
يؤؤؤؤؤؤؤؤؤؤ
هالحين انت يا نهار القايلة
من طلب منك تبدي مشاركة؟ هاه لكن ما اقول الا الله مير يحبط بك قل آمين عساك ما تكتب مشاركة الا ويجيك مشرف نذل ويحذف مشاركك <<<<<<<<<<<<<<<<<<<<<<<<<<<< حاقدن على المشرفين قووووووووووه يالله لا ازحلق عليك ،، |
هههههههههههههههههههههههههههههههههههه
والله حلوة |
هههههههههههههههههههههههههههههه
هههههههههههههههههههههههههههههه مشكور وما تقصر بس ما ودك تراجع السطر العاشر آخر كلمتين لو ما جبتهم ازين تحياااااااااااااتي |
هههههههههههههههه
انواع التنسيم اعلمك بعض الناس ما يمسكون حريم لا صار بغى يضيع مرته هالشكل وش يبي يسير على عياله باكر والله ما ازوجه ولا عنز له قرون |
هههههههههههههههههههههه
ههههههههههههههههههه ههههههههههههه ههههههه هههه هه ه قسم بالله هباااااااااال القايلة هذا حلووووووووة بالحيل مت من الضحك مشكوووور أخوي فياجرا على هذه النقلة الحلوة >>>>> على بالة مبارات النصر ههههههه وتحية أسير الصغير |
اقتباس:
أعجبني هذا الرد ...مع سلامي لصاحبه : 12 |
اعاعاعاعاعاعاعااعاعاعاعاعاعاعاعاهاهغهعهعهاهعاها
والله انك منسم حسيت انك تبي تخلي منتدى الطرائف وباقي الاسم عليك ::...هههه
مشعلل :D :D :D |
كم مرررره اسمع هالقصه ... وكل شوي تبهر ....
اسف اخوووي بس هذي الحقيقية |
أنا سمعت فيها أكثر من مرة لكن الفايدة حقيقة منها وهي : أن يكون الشخص عنده حسن تصرف ولباقة في التصرف مع العائلة فمن خلال الأسفار المتكررة مع العائلة أحرص جداً على الوقوف كل فترة قصيرة عند مسجد فيه مصلى نساء ودورة مياه من دون إحراج للنساء بسؤالهن عن حاجتهن لدورة المياه أم لا ؟ بل أتوقف تلقائياً وأذهب إلى دورة مياه الرجال وأقول انزلوا في المصلى نرتاح شوي لأن النساء تستحي من الكلام في مثل هذه المواضيع ثم نستمر في المسير ويكون الجميع مستمتع في الرحلة
|
| الساعة الآن +4: 07:30 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.