تشيز كيك مميز والسر بالداخل ياحلوات
 

طبقي اليوم رح يكون تشيز كيك فراوله
طبعا بتقولون شالمميز فيه اكيد بيكون مثله مثل اي تشيز كيك :rolleyes:
رح اقولكم المميز فيه انه باللبنه :d مو زي العدة بجبن الفيلاديلفيا
وطبعا طلعت معاي بالصدفه لاني اتورطت بديت بالوصفه وانا بنصها
اكتشفت ان ماعندي جبن وهنا جتني الفكيييييرة الخطييرة هاذي
وقلت يابنت جربي اللبنه ياتصي ياتخيب والحمدالله صابت وطلع
التشيز كيك طعمه مميز <<<<< طولتها ادري بس مومصدقه عمري
[IMG]http://up.arab-x.com/Sep11/oZq90097.jpg[/IMG]

المقادير بتكون عبارة عن
القاعده : بسكوت دايجستف مطحون / اصبع ونص زبدة / شوي فنيليا سائلة / ملعقة قشطه وممكن تستغنون عناه ..... نخلط المكونات ونرص البسكوت بالصينيه
[IMG]http://up.arab-x.com/Sep11/TWL90097.jpg[/IMG]
وندخل الصينيه بالفريزر نص ساعة والحركه هاذي تعطي نتيجة حلوة بعد الخبز

الحشوة بتكون عبارة عن :
علبه لبنه كبيرة / 4 ملاعق جبن سائل اوكيري او مثلثات / علبة حليب مركز / 3 بيض / علبة قشطة
نخلط المقادير ونحطهم علي قاعدة البسكوت وندخل الصينيه بالفرن نص ساعة على درجة حرارة متوسطة
[IMG]http://up.arab-x.com/Sep11/Cex90097.jpg[/IMG]

وهذا شكل الصينة بعد ماطلعتها من الفرن
[IMG]http://up.arab-x.com/Sep11/8DP90097.jpg[/IMG

نجهز صوص الفراوله وبيكون عبارة عن :
كيس فراولة مثلج نطحنه ونرفعة على النار مع اربع ملاعق سكر
او حسب الرغبه لين يتعقد الصوص نحط عليه كاس مويه مذوبين فيه كيس جلي فراوله
او ليمون او اناناس ونتركه على النار شوي وبعدين نرفع لين يبرد شوي قبل نضيفة على الصينيه

[IMG]http://up.arab-x.com/Sep11/oZq90097.jpg[/IMG]

[IMG]http://up.arab-x.com/Sep11/oZq90097.jpg[/IMG]

وعليكم بالف عافيه
اتمنى يعجبكم

الله يعافيك ويسلمك خيتو كل المشاعر رووووووعه بروعتك يابعدهم
ويالله شدي الهمه وأفشقي لي بصحن دام اني اول رد >> مير مآشتهي خخخخ
يعطيك الف عاااااااااااااافيه

وانا بعده افشقيلي معه 
بجد تسلم يدينك مبدعه ماشاءالله

من عيوني الثنتين والله تستاهلون يالغلا
شاكرة مروركم اسعدتوني
جزاكم الله خير

وااااو شكله شهي ودامه شغــــــــــلك بسويه وانـــــا مغمضه عقب اصـــــــابع البيتزاء
والكنــــــافه ,بس سؤال عشان تضبط المقـــــــادير اللبنه كم غرام؟؟؟؟؟
والفروله ماينفع استبدله بالفولنق الجاهـــز؟؟؟

ياملا العافيه تسلم الأيادي
جاري التطبيق بأذن الله

ياحبيلك رفعتي معنوياتي والله

اللبنه انا استخدمت العلبه الكبيره من اولكر بس والله مادي كم غرام
والفراوله ينفع تستبدلينها باي شي تحبينه
انا اصلا الطريقه الاصليه الي عندي كانت بالتوفي بس انا كنت مشتهيه فراوله :d

ام حمودي
مشكورة عالمرور حبيبتي
اسعدني تواجدك وتطبيق موفق ان شالله

ماشاء الله روعه

انتي الاروع عزيزتي
مشكورة عالمرور

يعل ايدينك ماتمسهن النار قولي امين وكل طبخات المنتدى تهبل

آآآآآآمين يارب وانتي وكل الخوات الكريمات الي معانا .....
بارك الله فيك

مشكورة عزيزتي
اسعدني مرورك
وحاولي تجربين تسوينها تراها سهله حيل
وخلي الفراوله من النوع الجاهز الفيلنغ بتكون اسهل عليك