ياناس ياعالم خافوا ربكم ياألله ماأحلمك على عبادك ..
 

السلام عليكم ياشباب وياصبايا بريده ستي كأعضاء وزوار
ياأخوان أعذروني على سؤ الإسلوب فأنا سوف اتكلم بعفويه تامه وبساطه وسأسمي الأشياء بأسمائها لعلها تصل وتجد آذان صاغيه.
أحبتي كلنا نحب ننبسط ونعيش حياتنا لكن بحدود صح ولا أنا غلطان ؟!!!
انا عندي استراحه تأجير يومي وبصراحه ضيق صدري مايحصل من بعض المستأجرين الله يهديهم والله العظيم وربي بيسألني عن ماكتبته يوم لاينفع مال ولابنون ويوم يجعل الولدان شيبا من هول الموقف , نسأل الله العفو والعافيه
بصراحه بقدر مايوجد مستأجرين يخافون الله تجد هناك فئه قليله ولله الحمد لاتقدر نعم الله واني حزين لأمرهم أشد الحزن
اليوم صبيحة هاليوم المبارك يوم الجمعه خفت ربي ان ينزع نعمته ويسخط علينا .
رحت الأستراحه وشفت شي يهول شي ماهو طبيعي ابدا.
النعمه منثوره ومحيوسه بكل مكان من الإستراحه , قسما بالله كيستين من اكياس النفايات الكبيره مليانه خبز وقطع لحم مشاوي وفاكهه وسلطات بحوش الاستراحه من كثر ماهي مليانات تشققن وانتثرتنعمة ربي بالأرض لا وقطع الكيك بكل زاويه ومديوسه بالأرض وتحت المراجيح وعلب مشروبات مفتوحه ومليانه , والفرن عليه قدور مليانه رز ماأخذ منها الا القليل وواضح عبث الصغار فيها لأن ارضية المطبخ مليانه رز مكبكب:oo:oo وللأسف أشد الأسف حاولت اشيلهم وأوصلهم لأقرب مزرعه فيها أغنام لكن انصدمت يوم شفت أعزكم الله ان من بين بقايا الأطعمه حفائظ أطفال وفوط صحيه نسائيه وأشياء يندى لها الجبين :i121:i121, والله العظيم شي يضيق الصدر , شلتهم ورحت لنفود قريب ودفنتهم بالرغم اني حاط بالإستراحه ارقام تلفونات فقراء محتاجين بناء على طلبهم والله يعلم بحالهم ماكلف واحد من عقلائهم نفسه ودق عليهم؟!!! .
انا ماأبي اتكلم عن الأشياء الخاصه بالإستراحه ومدى تلفياتها خشية انكم تقولون القصد من مقالك هذا المحافظه على الإستراحه لاوالله قصدي التنبيه والنصيحه والخوف من الله .
خافوا ربكم واللي نظيف ببيته يبقى نظيف بكل مكان , كيف عيالكم يشوفون سواياكم وانتم قدوه لهم !!!
امحق من قدوه !!!
الله يهدينا وياكم ويصلح امورنا جميعا , فحذاري من غضب الله
طولت بالسالفه واتمنى انها وصلت الفكره واله المستعان .
والله يحفظكم ويرعاكم
وأعتذر من سؤ تعبيري
ياناس ياعالم خافوا ربكم وتذكروا جياع المسلمين
قسما بالله العامل يقول ( هذا نفر خربان ) استحيت منه والله
دمتم بود,,,,,

الحمد الله ع النعمه
ايوه والله انك صادق اخوي الله يهديهم يارب

كيف تكون التربية الحسنة , وهم يفعلون هذا بما أنعم الله عليهم..
أم كيف نأمن العقاب من الله؟ ونِعَمُه تُداس تحت الأقدام!
اللهم ارزقنا شكر نعمتك ..
بوركت أخي الكريم

جزاك الله خير

الله لا يبلانا ولا يواخذنا بما فعل السفهاء منا

هذي الله يسلمك هي التربية والقدوات السيئة مع الاسف الشديد

وقاعدة ( خلن نحلل اقروشنا ) :)

الله يعينكم

وشدخل تحليل القروش باللعب بالنعمه ؟؟؟


حسبي الله ونعم الوكيل عليهم

فعلا اوخيتي بعض الناس الله يهديهم له نظره غريبه جدا وقاعده يمشي عليها ويعلمها لأبنائه ومن تحت يده بكل أسف وهي قوله ( هو معطينياها بلاش خربوا وحوسوا لو بأثمن شي عنده ) ويتناسى ان صاحب الإستراحه لم يضربه على يده لكي يستأجر .
رحم الله والديكم جميعا

بارك الله فيك أخوي المقصل وجزاك الله خير على دعواتك

نسأل الله انه يديم علينا نعمه

صدقت والله اني اشوفهن باالسوق وانقهر تلقاه تجلس تاكل وتقوم تخلي النعمه باالارض يوطونه البزران او تسحب بزره وهو معه اكل وينكب منه والناس وراه توطي الاكل ولايهمه النعمه ولاتخاف من الله
الله بس لايسخط بنا ولايحرمنا شكر النعمه