|
أم الـــــــعنـــزيـــن جــابت تــيــســيــن &
السلام عليكم ورحمه الله وبركاته &&&&&&& يقولون ان واحدن من اللي يلقحون النخل هاك الوقت مشهور والعياذ بالله بالتسذب:) مثل سالفة الكثيرين من ربعنا, المهم جالس هو وراعي المزرعه للإتفاق على تلقيح وتشييف وتسريب نخله , سأله راعي المزرعه عن خبرته بالتلقيح والتشفيف....الخ قال سبق ونك اشتغلت هالشغله فأجابه ببدآهه قال نعم..قال وين؟ قال اصلا انا ما انزل للارض من نخله لنخله وتصدق احيانا اني القح نخل الجيران ما شوف حد مزرعه اللي انا اشتغل عنده..! استغرب ذاك وقاله وشلون والله انك حريف بعد.. رد عليه ابقولك شي ومعي علم انك منتب مصدق.. رد عليه وش دعوى..ماصدق واحدن مثلك..! قال عاد يوم جت السالفه ولا تراي ماودي احدن يدري اني رقيت لنخله بالاحساء وبتلت القح واقمز من نحله لنخله ويوم قصرت قلت خلن احول اتقهوى واكل لي لقمه ويوم حولت ولا القى العراقيين:i125قلت وش جابكم؟؟ قالو انت اللي وش جابك تدري انت انك بالبصرة؟؟:eek: &ورفيقنا ذا امثاله كثير& مثله واحدن اعرفه يقولي اني مسكت دآب طوله متر ونصف وتصيته مع راسه ونويت اشرحه وشوف وشو اللي ابطنه..:S لانه منتفخه ..يقول اني مالقيت شي اشق بوه بطنه اومير اربطه بثبات الخيمه وجيب الستسين وفرش لي منطالع الخيمه ومسطبه بالطول .. وفحج عليه رجل على راسه ورجل على اخره مناك.. وشقــــه بالطول وهي حيه:i125 وطلع منه 54دخله وقميريه .. اثره آكلتن صيدي كله ويوم قضيت اومير اذبحه.. وروح اغسل الدخل والقميريه ونتفهن وابلعهن .. &اللي عنده مثل هالعلوم لايبخل ويدعي لام العنزين...:d |
:i121 تراكم جبتولي المرض,,, لا تصيرون صدقتوا ان الرد بقروش.. تحومون التسبد الواحد لو عنده طاري ينهض بالقسم اللي به جلطة دمآغيه:42 تجيبون له الاحبآط ويدق ريوس..:( انا ودي بس تسوووون رحله لبعض المنتديات وتشوفون التفاعل والحماس..., : 12 |
هههههههه
بالبصره هالظالم والله يا بعض الناس ما ودك يسولف ذذ هذا واحد من الشيبان اللي أعرفهم يقول إني بهالفايت نظفت الفريز بالبيت ولقيت به 500 دخله مصيدينهن العيال لله يهديهم وحطوهن عاد نتفتهن وأكلتهن :113: هالكلاك ماله إلا ولد واحد والصيد من جهه وولده من الجهه الثانيه ذذ مشكور يا بعدي على الموضوع الفخم والله يجزاك خير :) |
ههههههه
اما بالبصرة ذا شكله مصري انا صادق ما اخاوي الا صدوقين اما الكلاكين مالي بهم فما عندي سالفة |
الله يسلمك ياروقآن اشوى انه جازلك :d الديزول اجل صدوق علشان تسذا مايخاوي الا صدوقين:i125 دن هناك انت المنبع حق التسذيبآت:eek: تتقولنا تسذبه وانت ماتشوف الجادة< ينفخ الحبيب:d & هذي وحدة من عجز العائله تتمدح ابوه عندنا تقول اننا مره رحنا لمكه ون ابوي طآف 17سبع ورى بعض:eek: يالتسذوبه تعرفين تعدينهن بس :d يعني 17×7= مادري كم |
تنسيم عزيزي .. .:d
لا تشره إذا تأخرت الردود لإن العلم بها الفايت يبي يسيرن بقرووش عاد خبرك مسوين تثقيل بها المنتدى بسبب الضجة والضوضاء ..فا قررو يسوون تنازل بمعيار دراهمي + مشكور الدختور .. :) |
بسيطة =119
عادي انا في اليوم 700 بس ولا ودي اكثر خبرك العيون ما تلعب تصك الواحد بسرعة |
^^^ متابع للتنسيم بصمت:113: |
ايام قبل الاهل كلهم بغرفه وحدة امي تنام بيننا يعني اني استحي انا عارفن الوالد لابغاه يجدع عليه حصاة ثم تروح لمه جا هاك اليوم ابوي تعباان مضيعن له تيوس وطول اليوم وهو يدورهن جاي تلفان حط راسه ونام جيت انا من الشطانه جدعت علي امي حصاه جت راحت عند ابوي وما تسمع الا هواش ابوي عليه قومي اندزلعي عن وشتبين انا تعبان منب فاضي لك ههههه الله يغفر له ويرحمه
|
بليدر << ماودك تكمل تقل انه جآزتلي سويلفآتك ~~;)
ويآ الهلي يالظالم.. وش هالعلوم اللي عندك ههههههههههههههه:cool: ما تلعب مراقب ممتاز:41 :d |
بليدر:113::113: والله انت قلتلك كلام مشاء الله عليك لا بعد تقول نكمل بعدين لا لا لاتكمل ماتدري ان عندنا مشفح هنا يعني منا او منا ماعنده مشكلة بس اهم شي هذا وشسمه ذاك :d:d شف ربعنا كلهم اتركوا الموضوع وردوا على ردك . اقولك مشفح هالشهبان:113::113: |
ههههههههههههههههه أجل شكله هو راعي سالفة الي يقول . . . . . . رحت أكشت ذيك المره للبر ومعي جيب السزوكي الصغير وولو الجيب يترتر وأحس أن البنزين يبي يقضي قلت ياشيخ يمدينا نستانس ونطلع قبل مايقضي ونا أطعس ولا الجيب بدا يترتر ترترة جيب مابه بنزين ولا هذاي اشوف مطار وبجنبه طرمبة وقود وأجي وأقرى على وقود طائرات قلت ياشيخ مايخالف عب وأجي أطفي السيارة المهم ويسرح بالي مادريت الى الوقود يسورب من الفتحة ويضيق صدري وأطلع منديل وأمسحة وأشغل السيارة ياولد ولا هذا الأنبير كل ماله يرقى والله تمام وارتفع الأنبير وطلع فل ياسلام وناضر الجيب صافي وادوس بنزين((وقود..ذذ)) والله تمام ماعندك أحسن منه وأعشق الأول وتمام راسي ونشاط وأحطها بالثاني والثالث يوم دريت الموتر أقلع هاه ياشيخ و الله الطارة مابها سنع تلعب لحاله مابها فايدة ويوم دريت أثري فوق الربع الخالي ياولد ياشيخ ماأمدانا طالعين من نفود شمر وألمهم وأفرمل وأدقها ريوس ويوم دريت أثري فوق البحر الأحمر وأفرها بجلنط وأوقع بخراسان.. يرحم أمك والله تسذبه ماتنبلع ههههههههههههههههه هكذا سمعت القصة .. ويبدو أنه خويك هو راعي القصة ....!!ذذ |
ههههههههههههه اجل الطاره مابه سنع <<والله لو انت معبي مراوح يالنصاب..*~ تصدق ان القصه مهب غريبة<< تحريه خويي:d:d |
يازين هالسواليف بالطرق والسفريات .. شكرا لك.. |
| الساعة الآن +4: 02:47 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.