|
ابي احد يساعدني :)
سلام عليكم شخباركم اخواني ان شاء الله كويسين بصراحه شفت مواضيع المنتدى حسيت انكم فاهمين مرره فياليت تساعدوني بموضوعي امم حبيت اخذ رايكم بعدسات انا عندي كام كانون 550دي مرره احب التصوير بس اني فاهيه نوعا ما فيه يعني بدايات الحين ابي اشتري عدسه لان اللى عندي عدسه الكام نفسه 18_55 وسامجه بصراحه الزوم مرره قليل حابه اشتري عدسه يكون الزوم قوي وتشمل جميع انواع التصوير مثل قريب وبعيد وطبيعه واشخاص وكذا يعني < اتشرط فياليت الله يعطيكم العافيه تنصحوني بعدسه حلوه وشكرا لكم :d(h) |
مممــ طيب وش تصويرك انت يعني تصوير طيور تصوير حياة صامته تصوير بورتوريه ام ماذا اما العدسات اللي تصير زووم وعادي فلن تفيدك بالدقه اعني اما بالزوم ايظا ليس هاك الزوم اللي تتمنينه فيه 18-200 كانون ب1400 لاكن حددي لي ما هو تصويرك او اكثر تصويرك |
اهلييين اخوي اول شي مرره شكرا على الرد ماقصرت والله بالنسبه للى احبه بالتصوير احب اصور الطبيبعه و بورتوريه بس فيه شي ببالي اتمنى تفهمني يعني ابي اعرف وش العدسه اللى اقدر اصور فيها النمل يعني الاشياء الصغيره تصير كبيره وشكرا لك |
السلام عليكم ,, تقريباً فهمت ميولك للتصوير .. أنتي أحببتي تصوير البروتورية .. وتصوير المايكرو (( الأشياء الدقيقة )) أنصحك بشيئين أولاً : للبروتورية أنصحك بعدسة 50 مم (( ماراح تتخيلين نتايجها رااائعة)) وبسعر 400 عند عبدالواحد أشبع أقولك رائعة دقة وعزل وفتحة عدسة حتى 1.8 . الشيئ الثاني المايكرو : توجد عدسات خاصة للمايكرو ولكن سعرها غالي أقل شي تحصلينة ممكن بألف (( مستعملة)) أنصحك بطريقة رائعه وتوفر لك فلوس ولو أنه متعبة شوي وهي التصوير بعدستك 55-18 ولكن بالمقلوب تطلع نتائج مرضية وتحتاج طريقة معينة . http://www.a7tajk.com/vb/a7t-t104143.html هذا الرابط به شرح * العضو MEHWAR يفيدك بالطريقه لانه عنده نتائج رائعه بفلكرة بهذة الطريقة |
اقتباس:
البورتريه انصحك مثل ما نصحك اخوي وهي رائعه جدا ورخيصه ايظا كانون mm50 -f1.8 ب400 ريال اما تصوير الطبيعه ففيه الكثير اسمها (وايد انجل) رائعه جدا للطبيعه وسعرها مرتفع شوي ابتداء من 1700 اما الماكرو ففيه العدسات جيده ابتداء من 1300 اما اذا كنتي ما تقدرين على الماكرو فيه طريقه رهيبه سراحه قلب العدسه الرابط اللي حاطه اخوي فوق وايظا انا عندي حلقه عشان تركب العدسه على الكامرا بدون ما تمسكين العدسه واريح لظبط الفوكس لاكنها طريقه صعبه شوي هذي احد نتائجي بها http://farm7.static.flickr.com/6154/...b948a57f_b.jpg العنكبوت صغير جدا جدا (اصغر من النمله بشوي) عفوا |
أخوي ياليت تدلني أبي أشتري الحلقة اللي تركب العدسة بالمقلوب وكامرتي هي نيكون دي 3000 شاكر ومقدر لك . |
اقتباس:
الحلقه تجدها بموقع سعود الهليل عنده اكسسوارات جيده ورخيصه هذا رابط الحلقه http://saud-p.com/market/index.php?r...product_id=129 لك رساله على الخاص |
اقتباس:
وكل عام وأنت بخير وصحة وسلامة قاعد لي ساعه أكتبلك رد بالخاص يوم خلصت ارسلك يرفض يقول لازم مية مشاركة :d:42 الرابط اللي عطيتني حق اللمبات يقول : لم يتم العثور على منتج ! وياليت ترسلي رقمك بالخاص عشان أتواصل معك . أتشرف بمعرفتك كثيراً. |
|
عبدالمجيد و mehwar مرره مشكورين ويعطيكم الف عافيه الله لا يحرمكم من جنته مرره افدتووني اخوي mehwar ابي اعرف الله يوفقك محل سعود الهليل وينه فيه بالرياض ولا وينن وماقصرتوووو الف شكر لكم |
اقتباس:
اما بالنسبه للاخ سعود الهليل موجود بالرياض لاكن ما له محل .. له موقع فقط نتمنى منه ان يتطور ويفتح محل لاكن بضاعته اللي يجيبه من ارخص البضاعات اللي بالسعوديه اضاءه وفلاشات وشنط فخمه جدا وبعض الاشياء التي قد لا توجد في السعوديه وايظا عنده خدمه شراء اي شي من برا تطلبين مه يشريه وجيبه بعموله 30 ريال على ما اعتقد او 50 :) وسعود الهليل هو مصور جيد اي خدمه احنا حاضرين |
اخوي mehwar
امم فيه شي حيرني بين تحويل العدسه الى ماكرو والاكستيشن تيوب ابي اعرف الفرق بينهم ووش الافضل وشكرا الله لك والله لا يحرمك من جنته |
| الساعة الآن +4: 08:41 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.