يااخوان اهل الايجارات ببريده ممكن استفسار بخصوص الدور الارضي
 

ابي دور ارضي بحي محترم لامشاكل لايحزنون

ماابي اطلع من البيت السياره مزلوغه او مسروق منها او ورع يطق الجرس وينحاش او اذية جيران

ابي حي محترم

واباجره بالسنه اهم شي دور ارضي وفي شمال بريده يعني

من حي الاسكان وانت طالع فوق

الايجارات غاليه
شقة دور ارضي بمدخل سيارة بالاسكان ب16
بس صراحة الحي نظيف والسكان محترمين

يا بلاش

الشقة متاكده ان هذا سعره ؟

اخوي تبي الهدوا دور الاحياء الجديدة مثل الريان والراشد والافق وهيك شي ( اذا كان السعر مايهمك ولابد من مدخل سيارة )

اما الاحياء الي فيها شباب مراهقين لا تقربهن

والله ييسر امرنا وامرك

أيه والله يابلاش 16

الاجآرات تبدأ من 20 الف دور علوي مو ارضي بعد !
طبعاً افضل الاحياء الاسكآن 2 و 1 ، الريان ، الافق ، النهضه ، الراشد

عندك كم مكتب ف طريق عمر بن الخطاب
و عندك في طريق عثمان بن عفان بعد دوار القيروان وانت متجه شمال
الشارع كله مكاتب

حلو القصيميه يابلاش 16 الف دور ارضي

انا ابأجر من بعد رمضان هل راح القى او غير متوفر بالسوق

لان ابأجر لجل الدراسه علي ماابني بيت ببريده


بس عجبني حي السلطان او سلطانه حي جديد وحلو ومافي احد

لاني كنت زاير واحد من الربع الصراحه حده مافي ازعاج

ممكن احد يقولي كم ايجاراته ووين مكاتبهم

حي سلطانه حلو لكن انتبه لبعضهم السكان يختلفون =)
عندك المكاتب الي عند اسوق الجوزاء و الي خلف محل الخضار عند الجوزاء
كلهم يأجرون

انصحك في حي الافق هادي وكامل الخدمات من اسواق ومطاعم افضل من سلطانه
اذا كان يهمك توفر الاشياء لآن سلطانه ناقصه اشياء كثيره

حي الافق بامتداد طريق الملك خالد افضل حي بالنسبة لي