|
بسسسرعة الله يوفقكم،،بخصوص جدارة!!
السلام عليكم ورحمة الله وبركاته::
أنا قدمت على جدارة..الله ييسر لنا كل أمر عسير.. وأنا متخرجة عام 1427 على وقت كلية التربية والحين تحولت لجامعة القصيم... المهم الحين محتارة بالحيل لأني أنا أخترت( كليات البنات) بخانة المؤسسة التعليميه اللي تخرجت منه... بس كثير يقولون لي أكتبي جامعة القصيم.. بس إذا اراد الله وترشحت وعند المطابقه يطلع بالوثيقة اسم كلية التربية.. والمشكلة الثانية وثيقتي لها شهرين ضايعه واذا مالقيته احتمال اطلع بدل فاقد .. ومحتارة لأنه بيكتبون جامعة القصيم ع الوثيقه اللي بيطلعون لي .. بسسرعة وش رايكم قبل يخلص التقديم عشان يمدين أعدل.. الله يجعله في موازيييين حسناتكم.. |
ياساااااتر ياخواتي ولا رد
مو معقوله مافيه ولا وحدة قدمت ع جدارة..أو أحد من خواتكم.. |
انا مو من القصيم
بس بقول لك اختي مثل وضعك متخرجه من كليه 1425 بعدين تحولت جامعه... ونحط لها دايم كليات البنات بس شوفي انتي اذا في وثيقتك جامعة او ختم جامعه حطي جامعه واذا تبي آكد لك دقي على ادارة التعليم بديرتك واستفسري موفقه |
إسألي أحد بشؤون الخريجين
بالجآمعه ,.. واشرحي لهم وضعك وبيعلمونك ,.. الله ييسر لك امورك ,.. |
مشكورين الله يجزاكم خير..ويوفقكم بالدنيا والآخرة...
|
انا مثلك
بس حطيت جامعة القصيم اذا حصلتي خبر اكتبي هنا الله يوفقك عشان اعدل |
اسأل الله التوفيق
|
جدارة فاتح التسجيل للي معهم شهادة جامعية
وهو غير حافز اذا كنتي متخرجه من الجامعة سجلي قبل لايفوتك |
اتوقع اذا بتطلعين بدل فاقد تكتبين جامعة القصيم
عاد انتي تاكدي والله يوفقك.. |
اختي مثلك ومتخرجه عام١٤٢٥ وكتبت جامعة القصيم
|
الله يعطيكم العافية ....ماقصرتوا
خلاص أبعدله لجامعة القصيم لأني ابطلع بدل فاقد... |
يبون معلومات دقيقه واي خطأ محسوب عليك,, انتي تعتبرين من خريجات كليات البنات ليش تكتبين جامعة القصيم البنات اللي اعرف ومثلك كاتبين كليات البنات انا اخر سنه بالكليه تغير اسم الكليه الى جامعه وكتبت جامعه لان بالوثيقه مكتوب تخرجت من جامعة القصيم انتي لاجبتي بدل فاقد امشي على المكتوب فيها
|
| الساعة الآن +4: 01:40 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.