السعوديه امن وامان .. الا طل .. سلب ونهب ..
 

ثلاث قصص حصلت لي ولأقاربي خلال شهر بس ..
وتقدر المسروقات بقيمة ( 250.000 ) مائتين وخمسين الف ريال خلال شهر بس ...
وين الامآآآآآآآآن ..

القصه الأولى ,..,
البارح ..
احد اقاربي يسكن في حي المحمديه بالرياض ..
دخلوا على الرجل ووضعوا المسدس على رأسه ,,,
وارغموه بتسليمهم كل ثمين في بيته ..
( حشا بشيكاغوا )
واظطر انه يسلمهم كل شي ...
وقدرة قيمة ماأخذوه بحولي 120.000 الف ريال ...

((((((((((( امان طل ... قال امان قال ))))))))))

القصه الثانيه ..
حصلت لأقرب قريب لي ..
سياره بقيمة 130.000 ريال ... تسرق من امام مستودعه ..
العجيب انها ليست بسياره صغيره يعني ( تـريلــه )
قسم بالله انواع الاستهتار بالبلد .. ( سلم لي على من قال امن وامان )


القصه الثالثه ..
حصلت عندكم ببريده ..
لشايب من اقربائي .. ( مقعد حالياً )
انسرقت سيارته ... ايسوزو غمارتين .. بقيمة 20.000 ريال ...
( مير تشوفو لوه ... ينوبكم سواب )

اي امن واي امان ... يعني صار الواحد لازم يحط عند بيتهم ( سكرتي ) رجل امن
زي البنوك ..
والا الشرطه .. ماعندك احد ...
ومن وساعة الوجه .. اذا رحت تبلغ قالك .. ياخي مهوب انت لحالك ..
هذا والله من رداكم وثوارتكم ... والا كان قضيتوا على ظاهرة السرق ...
((((((((( لكن الظاهر ان القسمه بالنص ... )))))))))))



نحبك يادارنا بس الحق لازم يقال ...
شي يفرث الكبد قسم بالله .. ..

شف لوهو اللى انت خابر كان بيومه

لو أحد المجاهدين كان والله ما يجلس دقيقة الا هم طردي وراو

صبر برنامج الأمان بالسعوديه 100%

مطبق من جديد ومفعوله توووه

ولا زم تعذرهم لان البرنامج له ايام

ويمكن انت ما دريت عنه؟؟

برنامج اللملكه امن وامان 100%%

واول مفعلوه انطلق قبل ايام في تغير المناهج

وسلب العقيده من افئدة الزغاديد الصغار!!

أزيدك من الشعر صقعه...

قصه رابعه ماأبطت
عمي طلع بالليل يبي الصيدليه إلا يلقى السياره تخترش (( حرامي ))

على طول بلغ جو الشرطه وأمسكو واحد وثلاثه هجو...

الحرامي جاب محامي بالمحكمه والنتيجه (( كل يصلح سيارته )):(

المشكله السياره على بلك قسم بالله هذا اللي حصل...
الله لايكلنا لغيره...

................. هذي بسيطة
 

[gl]مدحت يا خلفهم أنا سيارتي الكامري من عند بيتنا مسروقة والساعة 9 قسم بالله العظيم إنه ما يخاف الله .... وكان وقت المبارة عاد تشوف أخوك زياد ومثلك عارف قبل العطلة صادم واليوم مسروق واااااووووووك شايبنا ما عااااد يتحمل ضغطه وصل لل H خصوصا إنها السيارة الثانية الي تسرق ولا حس ولا خبر [/gl]



[gl]الزبدة يابو ماني قايل .... احمد ربك حنا بأماااان ولله الحمد ولا يغرك ألي يصير من هالسرقات مصيرهم ماسكينهم إنشاء الله أجل كيف يالمصري لو تسافر لم الدول المجاورة ((((( يعني مثل سالفة المخطوفة بالأردن )))))))) قسم بالله مع أني حصل لي سرقات للسياراتي (((( أخص يالتجار )))) لكن أحمد ربي مليووون مرة إني بالسعودية ارض الحرمين أرض أفتخر إني فيها أفتخر إني سعودي وقبل كل شيء مؤمن... مؤمن بالله العظيم ولا تغرك الأراجيف لأننا بأخر الزمان الله يكفينا شره [/gl]

أخي المصري المحترم ..

نحن في حماية الله ولا نحمل رجال الأمن التبعة كلها ..

نحن مقصرون ورجال الأمن ( الغالبية ) والله ما يقصرون
وأنا والله أتكلم من خلال حوادث أعلمها وأعلم أصحابها
ولكن قد يكون التقصير منك اولاً مثلاًَ :

واحد ينزل من السيارة وهي مشغلة وش تبي يصيرله
والله أنا إذا شفت واحد مسوي كذا ( يخالجني ) شئ
أنني أريد سرقة هذه السيارة نكاية به لانه مستهتر ..

بعدين إذا إنسرقت السيارة وبلغت المرور تبي المرور
بساعتها يلقونه .. هم يبلغووون والباقي على الله ...

بعدين مهب ذنب المرور إنه يكون فيه حراميه
وكلامك إن النص بالنص هذا هو عيبنا وهو
عدم التوازن في الطرح وإلقاء العبئ على الطرف
الآخر مباشرة ..

إحمد ربك على العافية وناظر الدول اللي حولك والله
ما تآمن على جرس البيت اللي ملزقه بالجدار

والله لو يصير شئ بالبلد إن تعضون أصابع الندم
على كلامكم هذا وإفراطكم بالتهم وعدم إعطاء
الموضوع حقه من جميع الجهات ..

بعدين يالمصري ليش تحط تنكة الطرشي عند
الباب يالدب وراك ما شلته معك ..

وإلا تجرب الكاميرا!!!

أقووول الحمد لله على نعمة الأمان والأمن
ونرجو من الله ان يديمها علينا ولا يرينا في أحبتنا
سوءاً ..

وهذا إمتحان من الله وتكفيرذنوب ..

والله يعوض عليكم ..

والحرامي جايبينه جايبينه ..

أكلملك واحد مسؤول أعرفه بمرور الشرق
وهو برتبة :









































جندي أول (((((((( شريطة من قده ))))))))))))))



ويا مدحت حنا بأرض الحرمين والله
هو اللي يمتلك الأمن وهو المؤمن
وهو الذي سخر رجال الامن والهيئات
للحفاظ على الأمن ..

خاص :

أبجي يوم الاثنين بدوريه !!!!

سلام

جيدا
ابو عاصم
ابو مالك ..

كلامكم صح ..
والضحيه حــنــا دائماً ..

سي يو ..

اسمع عاد

أكبر

دليل أن الشرطة هم اللي يسرقون

وهذا مؤكد مية لامية

واسمع السالفه

وش ترجي

واحد سيارته محجوزه بالحجز بالمطا

يوم جاء يبي يستلمه

وإذا بالكفرات مسروقات

شف الطبالة بهم

يقولون ماندري

يعني بوسط الحجز وجاء من باتسر ولاهن على البلك

والسالفه الثانية

واحد شاف حرامي يبي ينطل محل اتصالات

وبلغ عليهم

وجاك راعي الربع مسرع

ولا يلتفت

مع انه اوضح من الشمس سيارتهم والحرامي

إيقاله يرن الجرس

وجاء مرة ثانية وثالثة

وعلى سرعته وش ترجي
من هذا ونطلوا
وهجوا

امر يجي ياقف الشرطي
بالمحل

ويشوف
المحل بعد ماسرق توهه يفطن يجي

أقال هذا تطبيق الشريعه

هذا

سلب ونهب
بالهبلاد


ولا تقولي شف الدول الثانية

لو تبي تشوف الدول الثانية كان ضعنا

لكن نقول صبر جميل والله المستعان

مشكور أخوي مدحت


ياشيخ قسم بالله قهر


تسيف يسوون تسذا


الله اعد الحق لأهله

وافضح من سلبها

وجزاكم الله خيرا

للاسف نحنو نشهد تطوير في الحجر وليس البشر ..............
اهم شيئ بنيان شاهق اما امن علم و حقوق لا مكان لها من الاعراب ............

بلادي وإن جارت علي عزيزة ..

اللهم أخلف لهم خير مما سرق من أحبتنا في المنتدى..

آآآآآآآدر ياكريم.