بريدة ستي - وآعذاباه مات ابوي .. قصيدة بالوالد محمد الشريدة "أبوفهد"

بسم الله الرحمن الرحيم
هذه قصيدة "مرثية" بالوالد والصديق والرفيق والفقيد والطيب الأخلاق والسليم الصدر00
محمد بن عبدالله بن محمد الشريدة "أبوفهد" الذي توفي مساء يوم الجمعة الموافق
1433/1/21 هجري
رحمه الله وغفر له وأسكنه فسيح جناته00آمين0

يابوي أنا عيني من الحزن
تبكيك00
وقلبي طوال الليل تسمع
عويله00
مانيب أنا يابوي ما عشت
ناسيك00
وشلون يسلي عن خليل
خليله00
يابوي أنا من روحتك دايم
أبكيك00
والقلب لو يخفي دموعي
دليله00
أول نعيت أمك وهلحين
ننعيك00
ياويل قلبي كيف أبحضر
غسيله00
لو يفتدى بالنفس والروح
نفديك00
مير القدر مافيه لحل
حيله00
منساك أنا يابوي لو غاب
طاريك00
حتى ولو حطوا عليك
النصيله00
والله منسى خوتك لين
أخاويك00
حتى تصير الروح عندك
نزيله00
والله أنا يابوي ماعشت
لبكيك00
لمى جروح القلب تروي
غليله00
ياأبوالفهد وشلون ترحل وانا
أبيك00
وروحي عقب فرقاك دايم
هزيله00
خليتني ضمن اليتامى
المهاليك00
من عقب ما صارت عيوني
كحيله00
والقبر من عقب الترف صار
طاويك00
والخام عقب الثوب لبس
بديله00
ودعت يوم إن الدكاتر
تداويك00
ولا لدكاتر في علاجك
وسيله00
خمسة شهور والمرض عاثي
فيك00
واللي كتب للعبد ربي
يجي له00
ياقبر سلم لي على من سكن
فيك00
قله تراى نفسي عليكم
عليله00
ياقبر وزع دمعتي في
نواحيك00
وبلغ سلام الشوق في كل
ليله00
عسى الولي من حلو الأمزان
يسقيك00
ويجعل سحايب فوق قبرك
هميله00
عسى الولي من نور الإحسان
يكسيك00
ويالع على قبرك سراج
وفتيله00
يمه عسى ربي يحفظك
ويبقيك00
ويجعل حياتك بالسلامة
طويله00
أنتي عماد البيت مافيك
تشكيك00
وابوالفهد ودع وصرتي
بديله00
ياأبوالفهد كلن غدا اليوم
يرثيك00
حتى طيور البيت تسمع
هديله00
ياأبوالفهد محدن بقلبي
يساويك00
ولو يفتدى نفديك بكبر
قبيله00
عسى الولي يأبوالفهد عنا
يجزيك00
روح وريحان وحور
جميله00
في جنة الفردوس ربي
يحييك00
بجوار من حلت عليه
الفضيله00
وصلاة مني للنبي عد
مبكيك00
وإعداد ماهلت من السيل
سيله00
وإعداد دمع سال من عين
مغليك00
وإعداد دمع هل من عين
هيله00
ابنك/عبدالله "أبوسلطان"