|
ماهي الأسباب في تأخر الزواج
بسم الله الرحمن الرحيم الحمدلله وحده والصلاة والسلام على أشرف الانبياء والمرسلين نبينا وحبيينا وقدوتنا محمد الهادي الأمين وعلى أصحابه الكرام وبعد : من أسباب تأخر الزواج لنتحدث نحن وإخواننا الشباب والشابات من ناحية الزواج وماهي الأمور التي تعقد في الزواج من جميع النواحي سواء كان الرفض من البنت أو من الأب أوالأم فنلأحظ في مجتمعنا الآن تأخر الزواج فصار الأبن يتزوج وعمره من 29 وما فوق والبنت تتزوج وعمرها من 25 وما فوق وليس التعميم على الكل لكن الذي نرى في هذا العمر كثيرا للبنات هل البنت تريد الإنتظار وعدم تحمل المسؤولية وهل تريد زوجا صاحب دين وخلق وبيده أموال أم تريد البنت زوجا بيده أموال لكن متفتح نوعا ما ومن الملاحظة أن بعضا من البنات نسال الله لهم الهداية لاترغب برجل الدين للشباب ما الذي يدعؤك للتأخر بالزواج هل السبب المادة أوالرفض أم ماذا وفي الأخير أن سبب تأخر الزواج التعقيد بين الطرفين.. وصلى الله وسلم على نبينا محمد وآله وصحبه أجمعين |
*. السبب مآدي بحت .... أنا عمري فوق الـ 30 سنه ,,, وللحين ما تزوجت ... بـ سبب الماده و المهور والـ تكاليف المرتفعه لـ الزوآج ... *, |
اقتباس:
..... .. ..اما الشباب الاغلبيهـ.. ..يضنون ان الزواج صندوق.. ..يحبس فيهـ.. ..او سبب غلا المهور والتكاليف... |
كـــانت فكرتي مــــاديـــه للأســـف.. ولكـــن الآن أنتظـــر وأســأل مالك الملك أن يرزقنـــي وكل أخية مسلمه بصاحب الديــن... الذي يعينني ويعين نفسه على أمور الدين والدنيـا.. |
بالبدايه الزواج قسمه ونصيب
أكيــــد أي بنت تريد صاحب أخلاق ودين ومــال وحسب ونسب وقد يتقدم لكن الأهل يرفضون بحجة أن البنت صغيره ثم تكبر البنت ويكثر الخطاب لكن الأهل يبون المتقدم يكون كامل فيه جميع الصفات وصعبه هالصفات تجتمع بشخص واحد وهذا مما يؤدي إلى تأخر زواج البنات أسباب تأخر زواج الشباب منهم مايبغى يتحمل المسؤليه ومنهم غلاء المهور.. |
شكرا لكم وجميع الردود فيها من الفائدة كما ذكر العضو شميساوي السبب المادة وصار الأمر فيه من التردد لدى الشباب بالزواج ويكبر بالعمر وهو لم يتزوج وكذلك العضو ملاذ السبب فكرة المادة تراود البنات وهي ما تسبب بي تأخر الزواج وقد لا يحصل بسبب المبالغة بزواج الرجل الغني واخيرا نحن لانريد شابا يتزوج وهو ليس بيده مقابل مادي أو وظيفة للزواج لكن المبالغة لدى بعض العوائل بتزويج بناتهم للأغنياء وهذا مايسبب بالتعقيد بالزوجات |
شوف مسأله ان الشاب يعلق تاخر زواجه بالماده فهذا عذر اقبح من ذنب
بنسبه للمجتمع اللي انا فيه اعرف كذا واحد ماشاء الله الخير كثير بس اذا ضغطوا عليه اهله قال ما ابي اتزوج او يجيب مواصفات ما ادري وش يحس فيه :d ونصهم الا يبغا وحده وتاقف امه بطريقه او يرفضونه اهل البنت وبعدها يتعقد :confused: ويرفض الزواج بس هالفئه اذا حست فعلا انها كبرت وراح عمرها يعني بيدشون الاربعين تلاحقوا على انفسهم ويقبلون اي وحده يشيرون عليه اهله اما بنسبه للبنات فوالله من اللي اشوفه ان البنات ودهن بستر والاستقرار لكن الاهل هالايام يخافون على بنتهم تطلق فوق كذا ترجع ومعه طفل او طفلين :42 فصارت الشهاده عندهم اغلى واضمن لمستقبل بنتهم وبعض الاهل يرفضون الخطاب لاسباب تافه مو من قبيلتنا ما يناسب مستوانا خاصة اذا كان ولي امر البنت الاخ وبالاخير كلها ارزاق بيد الله انا اقول هذا راي الخاص قد اصيب وقد اخطىء ووجه نظري ابديتها بما اراه امامي |
اكيد مادية
لو الحكومة تقدم قرض عاجل لكل شخص يتجاوز عمر 23 وقدره 250 الف ريال كان ما اتوقع والله العالم يبقى واحد ما اعرس |
اقتباس:
ويرزقك ويسعدك تزوج ومالك الاتتيسر الأمور لك |
المواصفات
|
اقتباس:
حبيت اعلق على عمر 23 ... .. عمر 23للحين شاب صغير .. .. قول اللي يتجاوز 32 هذي صح .. |
اقتباس:
لكن لازم يتزوج وهو صغير لسببين الاول هو موضوع الشهوة لازم يستر نفسه ببنت الحلال والشي الثاني عشان يكون العمر متقارب بينه وبين ولده ويقدر يربيه ويربي باقي ابناءه |
وبحكم أني شاب وقد أكون من ضمن عمر الي بسن الزواج
ومن علاقاتي حتى لا يكون رأي أنا شخصياً فيه اسباب تعقد الزواج وهي مصاريف البنات الحين يعني الواحد لو فكر يتزوج حتى لوهو موظف ويمر جنب العثيم أو النخيل وهو يدري وش أسعار الملابس اللي داخلهن يارجل تكميلة الوحدة الحين بحدود الألف والبنات الحين ما يساعدن على أنفسهن الوحدة تبي مثله مثل غيره الشيء الثاني هونت منب قايله بس يوجعن قلبي لا دشيت عالم النت |
تأزّم الوضع الآن .. الشّاب وأهله " تيبس عروقهم " قبل أن يرى زوجته
ثم إذا استقرّ بقيَت ملازمات البيت تخنقه مع الغلاء الفاحش ! بعض الأسر للأسف تضيق الخِناق على الشباب فتريد مهراً كبيراً بالإضافة لبيت مستقلّ . ( وهذا حقّ ) . لكن خففوا عن الشباب المهر . أرى أن الشاب الملتزم الخلوق محظوظ جداً ! فهناك عوائلْ لا تريد إلاّ الودود المحافظ , حتى لو كان ساكناً مع أهله وبدون أي عملْ ! " وهذا أراه كثيراً والله " ونصيحة لكل شاب : اعزِم أمرك وتوكل على الله , واجعل النيّة أن تعفّ نفسَك وربّ العزة سيسر الله لكَ أمرك وسيأتيكَ رزقك من حيث لا تحتسب . |
| الساعة الآن +4: 11:54 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.