|
بنات بريده انتم : الاجمل ,, الامثل ,,الاحلى .
بسم الله الرحمن الرحيم
سلام عليكم ورحمة الله وبركاته اخواني اخواتي الحمد لله لك يارب على كل حال ان كان حالنا طيب يالله يارب تزيده وان كان حالنا فيه شي يالله انك تصلح لنا .. المهم انا بالامس جلست مع احدى الاشخاص من اورباء في العمل ومن السوالف انا وياه تكلم هو عن بنات السعوديه بالاجمال ثمن فصل على شوي شوي ولكم التالي : قال ان انتم بالسعوديه نظامكم الستر وهالاشياء . بس قالي ان الرياض وجده والشرقيه ماهو مثلكم قلت له انا ليه ؟ قال في الرياض تشوف اشياء من البنات يعني ماهو في نظامكم وجده مثل وكذا قلت له انا في كل مكان فيه الطيب والنجس . بس قال كلام عن بناتنا صراحه يعني اثلج صدري بصراحه : قال بس انا عشت ببريده اكثر من ثلاث سنوات واذا رحت لم مكان 90% كويسين بالستر وحتى مالهم دخل فيك ولا لك دخل فيهم . وقال كلمه ضحكت فيها الصراحه قال انا عشت بجده حوالي ست شهور وحقين جده قالو ان الزين (يقصد بالجمال في القصيم عامه وبريده خاصه )) قلت اول شي الحمد لله لك يارب اهم شي الستر جمال او اي شي من كذا مايهم كد مايهمنا في بريده الستر . الصراحه ماحبيت اقوله انه صدق جميلات وهيك اخاف على بناتنا او يلعب على الشيطان حاولت اسكر الموضوع في وجه يعني اذكره انهم محافظات والحمدلله هذا الي اشوفه منهن بس مهب الكل . وحاولت اقوله انه فيه هيئه الله يعزهم لان الاجنبي اذا شاف السعودي يساعده على كل شي انبسط . وصدق انتم الاجمل .. والامثل .. والاحلى بس ملاحظه : بسيطه وارجو الافاده ماهو كانه بناتنا على شوي شوي بدو يخربون ولا انا واهم ؟؟؟ وطبعا ماصارو البنات كذا الا وراهم رجال ولا يهونون الرجال الي في المنتدى بس حبيت اعرض الموضوع هذا عليكم بس بوصل اننا الحمد لله الى الان يضرب بنا المثل في الاخلاق والطيب قبل الجمال واسف على الاطاله |
اقتباس:
|
يا رجال صرنا نروح للسوق مع الشيبان الصبح، حتى يأمن الواحد على قلبه ما يرجع آخر النهار يفكر باللي شافه : )
هو صح أن اللي عندنا اقل مشاكل من غيرهم، بس للأمانة الشر موجود. ش |
... بغض الطرف عن بعض ما يقال صحيح هناك حياء في بريدة كبير وأنا خالطت فتيات من جدة ومن المدينة ومن غيرها لكن لن أحكم على مجتمع بأفراد وبريدة فيها من المميزات وفي غيرها مميزات أخرى لكن الذي أحيانا يقف العاقل عنده هو التركيز على سلبيات مجتمع بعينه . مثل مايقال : ( عقدوك القصمان ) ( سوو القصمان ) والمرء يبني نفسه موليا ظهره لكل خطأ يوقف مسيرته . ثبت الله الصالحات في بقاع الأرض جميعا وقاعدة لايهمني قصيمي وغيره فالحياة تغيرت والدين هو المقياس ... |
اقتباس:
بس ماحبيت ادخل في العميق . المهم يعطيك الف عافيه على الرد |
اسمعـــوااا ياللي ماتعرفون بنـت القصيم
ألمقادير جمعتني مع فتاةٍ حيّرتني قلت له من وين انتي ؟! ... قالت من أرض القصيم☺ قلت أنا :إن مآخاب حسي يآمنى روحي و أنسي اعتقد هالڝوت رسـيّ ياقمر أهل القصيم❤ قالت إن الرسّ كبيره ديرتن ولا أي ديره بس أنا ما عشت فيها وديرتي بـ أرض القصيم❤ قلت أعطيني حنانك بس لايكذب لسانك يمكن ( عنيزه) مكانك أجمل ديار القصيم قالت عنيزه جميلة في لياليها العليلة بس انا ما عشت فيها وديرتي بأرض القصيم❤ قلت ياحلو الطبايع ياعسى ماني بضايع ظني إنك ( بالبدايع ) ديره في وسط القصيم❤ قالت بدايعنا بديعه في خريفه مع ربيعه بس آنا ماعشت فيها ❤ومسكني بـ أرض القصيم قلت له يكفي جرآح معك يا سيد الملاح كأنك م̷ـ♡ـڼ ٲهل ( الأسياح ) قولي يابنت القصيم❤ قالت أحلفلك بـربّي ياهوى روحي وقلبي آني ماقد عشت فيها وعايشه بـ أرض القصيم❤ ❤ قلت يالعين الفريده ديرتك ماهي بعيده يمكن أهلك في ( بريده ) ! عا صمة كل القصيم❤ قالت انت اليوم عالم وبالمحبه صرت فاهم ياعساك اليوم سالم ياكفو يا ابن القصيم(h) ☺☺ |
اقتباس:
الا دخلت بالعميق من ناحية اتهامك بالتحرش او الكلام " و من الناحيه هذي حطموا الرقم القياسي اللهم لا شماته |
طببه مره بالنخيل بالليل .. ويعرف ان الله حق شرط ان يغير كلامه .. ~> طبعا مقصدي عن الستر وهكذا -------- بالنسبة للزين والجمال .. على قولة المثل السوري .. ما حدى بيئول عن زيته عكر .. |
اقتباس:
... الاخوان جابوا العيد الله يصلحهم ترا فرق الحمدالله: اللي يبي يطلع برا يشوف تبرج صريح واشياء تشيب الرأس لكن اللي يجي لبريده يقول انتم بنعمه حتى ولو كان فيه بعض المخالفات والتبرج لكن مايقارن باالمناطق الثانيه الحمدالله. ... |
الله يهدينا ويثبتنا على الطريق المستقيم
|
لآ أعتقد ان الفتيآت كثير منهن الجميل (في الشكل) ,..
فالجمآل في البنآت قليل في بريدة ,.. ولكن .. لأن الشبآب يرون في الاسوآق من الفتيآت .. لون البشر+العيون ,.. لذلك من الطبيعي ان يرآها جميله .. حتى لو كآنت أم 45سنه ,.. ولكن الفآهم يعرف ان ليس كل من كآن مظهرهآ بالعبآءة جميلاً أنهآ جميلة وذآت حُسن,.. ولكن لآنختلف ان بنآت ونسآء ديرتي وعزوتي ونآسي .. جميلآت في الروح والدين والعشرة..وهذآ هو الجمآل الحقيقي للمرأة ,.. الله يهدينآ الى سوآء السبيل,.. |
بنات بريده ماتخلى فيهم التبرج لكنهم احسن من باقي المناطق
والا والله العظيم فيه بنات قمه في قلة الادب وخاصة با الاسواق وشكرا لك على رفع معنويات بنات بريده الاجمل والاحلى صح والامثل قليل |
عندمآ يتحدث رجآلنآ . . عن جمآلنآ
لا أدري هل رآيت جميع بنآت بريدة أم مآذآ !! |
* أنا أشهد أنو جدة غير . * واللي تقول أن جدة ماتظن أنهم يقولوا كذا لا تحطي في ذمتكِ شيء ‘أفضل لكِ ولـ غيرك !‘ * أما البنات اللي أعترضوا على كلام البعض أقول لهن أرتاحن لأن اللي يقول بنات .ريدة فيهم جمال قليل لا تواخذنهم ع كلامهم لأنهم يمقن يشوفوا مجتمعهم ويعمموا على القلّه ! * وبـ الأخير : جمال بنات نجد الطبيعي معروف من بد كل دول الخليج ! من دون طبقات ميك أب ولا عمليات تجميل ؟!! * ومضة : الجمال الحقيقي جمال الروح لا جمال الشكل الذي يزول غالباً . تقبلوا رأيي المتواضع بـ رحابة صدر شكراً صاحب الموضوع |
| الساعة الآن +4: 02:40 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.