مالفرق بين بيوتنا الآن قبل رمضان وبيوت النمل
 

النمل بهالوقت تلقاهن سرداد مرداد <<<<<< هذا اسم باكستاني مبلط ..
قلبه مقاولات .. ايه ماعلينا ...

اقول هالحين النمل رايحات جايات ...
اي شي يلقنه بالأرض تشقله ام الشباب ( النمله ) وتسفطه بجحره ..
وياسلام .. اذا لقيت نملتين .. ماسكات حبة رز ,, وكل وحده تجره ..
وتقول .. انا اللي لاقيته قبلك .. وهذيك تقول انا شايفته قبلك ..

همن تجي نمله ذكيه وتكسره مع النص .. وتقول كل وحده تأخذ نص ... <<<< سي يو ..

وهذا حالنا حنا هالحين ..
الناس كله تلقاهم عند اسواق المواد الغذائيه ...
وماتشوف المحل من كثر الناس ...
وكل واحد مطلع ورقته ويقراه .. تقول يبي يقراء قصيده قدام امير والا ملك ..

كل هذاعلشان يملون هالبيوت من المقاضي .. استعداداً للصيام ..
وتشوف دعايات التخفيض عند التجار .. ويطلعون لك اللي مابيع من العام ...
ويمشونه على العالم ...

تصدقون ان التوت حق رمضان .. الين هالحين عندنا ..
هذا وامي تسوي لنا منه عسكريم ...
واحيانا اذا خلص الروج ... غطت شفايفه فيه ..

الله يهدينا بس للاستعداد الصحيح لرمضان ...

سي يو ..

زيت خيرا اخي ابي ابراهيم

والله انك صاز
هالحين الواحد منا

يحسب رمضان وحش

يبي يموته من الجوع

هالحين ابسئل سؤال
كم وجبة تأكل هالحين باليوم

الكثير منا =====معليش يا ابو عمرنت

ياكل اربع وجبات

يفطر بالبيت والمدرسة ويتغدا ويتعشاء

بس

وبرمضان لا خمس او ست
وجبات
وشلون
إذا أذن المغرب(1) احسبوا معي

همن يروح يصلي ويرجع ويضرب من هالشوربه لمين تاقف بسره(2)

ثمن يروح لصلاة التراويح

وإذا جاء ولا امه مولمه العشاء====اعنبوبليسه مهب عشاء ذا

ويضربه (3)

همن يروح لم ارفقاو بالأستراحه ويقد إلين الساعه 11أو12
همن يقول لأمه ماهنا شي ناكله قبل ما انام أخاف ما أقوم للسحور

همن تقوله إلى به بعض اللي باقي منا المغرب
ثمن يضربه
ايه يخاف مايتسحر
وياكل حق يومين(4)

ثمن تقومه امه للسحور

وعاد ذي مايبيله كلام همن يحط رجله لمين يروح ينام ويشاهق===اسه يخاف يجوع

واللبن بثمه

ثمن يضرب من هالرز والدجاج والشوربه والفول والجح والفندي والسمبوسة والفطاير
والجرو والتمر واللحم والكمثرى والكراث===كلاك

همن يختمه بحليب بارد وحوايف خبز تميز(5)

وينام

وإذا قام قال العصر الساعه 5,00بالظبط

قال توه الفطور همن يرجع ينام وعلى هالسيرة

ابو عمر نت ...

ياويلي يالنمل اللي ببيتكم ... شكله مايلقى عيشه يالدبي ... <<<< امون ياخلفهم صح ..
يعني النمله اذا بغت تدعي على بنته ..
قالت .. روحي ياعلتس تعيشين ببيت ابو عمر نت ...


سي يو ..

جزاك الله أخي كل خير
الله المستعان بدل ما يكون شهر الصيام والعبادة أصبح شهر الأكل والتخمة والشبعة
اللهم لا تجعل حضنا من صيامنا الجوع والعطش

المنخرش ..
اجل صار رمضان كله اكل ونوم ...

ولاتنسى الدوجان بالاسواق عقب التراويح..
وخاصه الحريم ... اللي مايهناه تقعد بالبيت ..

بالنهار صوم وعباده .. وبالليل تسرح باهالاسواق ...
كله كوم والعشر الآواخر كوم ..
سبحان الله كل مازاد فضل الشهر كل ماكثرت طلعاتهن للسوق ..
بالعشر الآوخر تلقاهن يسكنن بالسوق ... يطلعن بالعصر والليل ..


والرجال ياحبيلهم معتكفين بالمساجد وا لابالحرم ماشاء الله عليهم ..

سي يو ..

الاعصار ...
ماش مامدوحك هالسنه بأمريكا ... ماحستهم حوس ...


هلا بيك يالببي ... قسم ان ( التخمه ) تهبل ... كلمه رهيبه ..

الف الف الف شكرا لك على مرورك الكريم ... ويكفيني فخراً وجودك يالبي هنا ..

يالعجاج ..

سي يو ...

مشكور أخي مدحت على الرد الجميل
أبشر إن شاء الله الإعصار يبي يجى على إسرائيل