|
نداء عاجل .. لمن يهمه الأمر أهالي الشماسية والربيعية بالشرق يعانون من غزو!
السلام عليكم ورحمه الله وبركاته ارجو من سعادة الأمين يشوف لنا حل مع الكلاب الضالة ولكم الكرامة حنا اهل الشرق الشماسية والربيعية اوالربيعية والشماسية عشان ما احد يزعل وعشان ماتدرون انا من اي الفريقين:d ترى الكلاب غزتنا وذكر شهود عيان انهم شافوا سيارات دينا ثلاثة سيارات يطلقون كلاب كل سيارة به اكثر من 15كلب:i121 وش قالولكم حنا يا اهل الشرق عندنا مطاعم كلابه :mad: طبعاً السيارات اللي كبت الكلاب رجعت لبريدة ليش امانة القصيم ماتقضي على الكلاب الضالة هل الحل انهم يكبونهن عندنا بالشرق:oo ترى ياسعادة الأمين والله ترى الكلاب الضالة آذتنا هاجمت اغناما واكلت دجاجنا:eek5 وحنا طردي وراهن بالشوازل كل يوم نذبح من خمس الى ست كلاب والله تعبنا حتى القميري هالسنة ماتفرغنا لهن بسبب الكلاب الضالة ارجو القضاء على الكلاب الضالة بطريقة لاضرر ولاضرار وهذا من اختصاص الأمانة وارجو عدم حذف الموضوع فوالله إني انقل معاناة اهل الشرق ولم نجد غير هذا المنتدى الشامخ متنفس لنا لعل الله يجعل لنا فيه فرجاً وشكراً لكم جميعاً |
ههههه
اما انشغلتو عن القميري كان الله في عونكم اخي مالكم الا الشوزن ولا تدورون غيره تقبل مروري ··· |
يارجال عندنا وعندكم خير حنا بحي الضاحي الشرقي شرق مصنع الببسي
مانقدر نطلع بالليل منا الكلابة اغلبهن مسعورات |
واااااااااااي من جد كلاب عاد
|
أعانكم الله |
اذا جاء راعي الديناا يبي ينزل التسلابه يحسبكم الجمعيه الخيريه للكلابه :045:
المهم اذا جاء طلع الشوزن ثورربه علشان يصير عبرره لمن لم يعتتبرر :d |
حتى الكلاب ما سلمت وشلون تبون الله يرزقنا ولا يبلكم بمصايب ويجي مطر
ونتم ورا هالكلا ترمونهن وع قولتك اكلن دجاجنا بهيمه ذي وسكر علا دجاجك وغنمك يشبوكن زينه وشف هن ياكلنهن ولا لا اما انك حاطن دجاجك بالبر اكيد لا شافه بياكله وترا الكلاب بهن اجر اجر نصيحتي لا بقا من اكلكم شي وده حول المكان الي يجلسنبه والله ان لك اجر ولا قربن لم حلالكم الحقهن بالسياره من دون رمي مرتين ثلاث وخلاص يبدا ما يجن |
اقتباس:
ليش تبي الناس تشبك على الدبش ولا يخلونهن يرعن عشان كلاب وبعدبن الكلاب تلحق الاطفال بالشوارع وين انت عايش شكراً لصاحب الموضوع |
الله يجزاك خير عليك فيهن ولاتوفر ولاواحد منهن .. حتى بالخطوط السريعه ماسلمنا من شرهن ..
|
اقتباس:
الله يجعل هالتسلابه عند بيتكم عشان تسمعون وتحسون بازعاجهن :(:42 |
والله مشكله وقتلهن حرام
|
القتل ماهو الحل !
لو يجدعونهن بالبر ولا يحطون لهن محميه < تخيل خخخخخخخ |
المفروض يتعاقدون مع عزبة فلبينية <<< لعبتهم المقلقل |
حسبي الله على من يجيبهن يمكم
ان شاء الله المره الثانيه ينطلقن عليه شكرا لك |
| الساعة الآن +4: 04:02 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.