رسالة من احدهم ..

مساء الخير . السلام عليكم .
اكتب وكلي حسرة وندم على سنين ضيعتها في شوفة هالقناة والدفاع عنها كنت اقول ليش هالمطاوعه يهاجمونها صدق انهم معقدين حتى شفت مسلسل خليجي يعني ممثلينه منا وفينا فيه دعوة للدعاره عيني عينك وكان منه هالمنظرين ..

بنت في غرفتها تتكلم مع امها والام تقول : حنا وحنا صغار كان العيال يلعبون مع البنات في الشارع وكنا نحب بعض بدون تعقيد وثقافات بالية ؟؟

تطلع الام من غرفتها وتتصل البنت على صاحبتها تقول :. هاااااااه جبتي ايميله وتكتب ثم تسكر الجوال وتطلع المحمول وتضيف الولد وتسولف معه بكلام خالي من الحياء والقناة يقالها يعني ما تبي الصغار يتأثرون جايبه كلام الولد والبنت بالانقليزي والترجمة تحت ثم يطلب رقمها فترد : خل اعرفك زين واعطيك رقمي ؟

موقف آخر وفي نفس المسلسل : بنت تروح لواحد في شقته وتاخذ معها امها وتنتظر الام البنت في السيارة !
تروح البنت وتدخل عالولد في شقته والله اعلم وش صار .
سبحان الله هالموقفين في خمس دقايق ..

هالموقفين خلوا الدم يثور في جسمي كيف لو شافوه خواتي .

نعم انا ضعيف في صلاتي لكن انكم تعرضون هالاشياء .......... لا

وش خليتوا لافلام السكس والله اني اللي تعرضونه اشد منها وللاسف ان القناة سعودية وصاحبها سعودي ..

الله .......... و ............ اللي سمح لكم تعرضون هالاشياء حسبي الله عليكم

=======

عرضت هذه الرسالة على احدهم فقال لي : كيف لو رأيت ما يعرض في عرب ايدل وفي mbc2 و mbc4 و mbc دراما ..

اسألك بربك الذي خلقك واعطاك كيف بتقابله وانت تسمح بهذه الاشياء تعرض في قناتك وكما قلت لك اشياء اتحداك ترضاها لاهلك ..

حاولت الوصول اليك مرارا فلم استطع لذا اسمح لي ان اخاطبك امام الناس عل رسالتي تصل اليك من غيري ..

لن اهاجمك بل ساحدثك حديث الاخ لاخيه المشفق عليه فانت مني وانا منك ورابط الدين الذي يجمعنا هو الدافع الاول والاخير ..

ورسولنا عليه افضل الصلاة والسلام يقول [ لا يؤمن احدكم حتى يحب لاخيه ما يحب لنفسه ] فانا احب لك الجنة كما احبها لنفسي ..

هل ترضى لاختك ان تشاهد هذه المناظر ؟؟
لا حول ولا قوة الا بالله ..

الله يستر ويرحم الحال

المشاركة الأساسية كتبها leader.20 (المشاركة 3410780) أخبث خلق الله آل إبراهيم أسأل الله العلي العظيم أن يهديه إلى طريق الحق ووإذا لم يرد الله له هداية أن يأخذه أخذ عزيز مقتدر هو وباقته الخبيثة شكراً لك يالحبوب ..