|
يامرورالقصيم الى متى تجاهل دوار الأنتحارهذا ؟!!
السلام عليكم ورحمة الله وبركاته حقيقة كلما مررت بهذا الدوار ( دوار ميدان الهديه ) ترتعد مفاصلي وينتابني خوف شديد لخطورة العبور من خلال مساراته وخصوصا الداخل عليه من جهة الشمال أومن جهة الجنوب وأحمدالله على السلامة أذا أجتزته بسلام حيث لايمكنك الدخول لهذا الدوارمن هذه الجهات الا بالمخاطرة والمجازفه بسبب تواصل السيارات القادمه من جهة اليسار وسرعتها الغيرطبيعيه وعملية العبور أشبه ماتكون بالأنتحار وأنني أرثي لحال سكان الأحياء التي تضطر لعبوره يوميا كحال سكان حي البساتين كان الله في عونهم فهلامن نظرة لمعاناتهم يامرورالقصيم وألا تكفي الحوادث التي وقعت بهذا الدوار لتحرك مشاعركم وتجاهلكم فقد طالت معاناتهم وانتظار الحل ولو بمطبات صناعيه تساعدهم على عبور هذا الدوار بأمن وطمأنينه 0 [IMG] |
أتوقع لو يشيلونه يبي يطلع عندهم مساحة حي كامل مكان الدوار
|
بحل يالدوار هاذا
انت ما شفت الدوار الي يربط بين الافق والفايزيه كل ضهر مر من عنده اذا مالقيت حادث تعال لمي ببيتنا اغديك اول مره اشوف دوار مربع وشلون تجي لا والارصفه الي حوله لو تمر طياره من فوقه ضربته من رفعهن والي يبين اغديه يحترين بالمطعم الي يبي ولا طلب يدق علا 998 :d :d :d |
اغلب دوارات بريده غلط
وش فرقت |
يا مالك من الدورات والشوارع اللي غلط وخاصة الشوارع اغلبها ما ينفذ تلاقيه شارع 40 او 30 او 20 نص كليو ويوقف حرف تي او مسدود وهذي مير بالكوم الشوارع هيك .. وياقلب لا تحزن .. ودي... |
اقتباس:
أتفق معك أخي الكريم بخطورة الدوار الذي أشرت اليه ولكن لايمكن مقارنة خطورته بخطورة دوار الهديه شكرا لمرورك ومشاركتك |
أنا أرى انه دوار عاااااادي..
اللي صدز خطيير قووه تقاطع الربوه.. مشكوووووووووووووووووووووور ما قصصرت.. |
أنا من سكان حي البساتين ولاأرى فيه أي مشكله ماعداء مخرج الوسيطى فقط هو المشكله الرئيسيه وخاصه ساعات الصباح الأولى !!!
وجهة نظر |
صدقت اخوي انا والله مره بغى يدخلبي واحد مطفووووق لاكن الحمدلله الله ستر ونا اطالب بأزلته :(
|
ودي اكب ديزل عشان الواحد يحرم يسرع به مره ثانيه :(
|
لاتخافون من دوار الهديه رايح يتحسن بعد اضافة كبري
الدائري الدخلي من الشمال الى الجنوب |
أي والله دوار سيء :42
جزاك الله خير |
والله انك صادق عند بيتنا الدوار كل مادخلنا الدوار امي تسكر عيونها تخاف نصدم الصراحه امس جاي راعي لكزز يمشي يمكن 100 دخل الدوار فكه الله سحب فرامل تقريبا بقي مترين بينه والسياره الثانيه
|
| الساعة الآن +4: 06:57 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.