عااااااااااااااجل //////////// صندوق الموارد البشريه
 

تكفووووون دقوا علي الموارد البشريه وقالو احنا رشحناك للوظيفه بمستلزمات نسائيه
بس الله يخليكم سؤالي هو بيضل طويل العمر حافز يصرف لي او خلاص بيوقفونه عني
وتذكرت فيه سؤال ما سألت المتصله هل فيه اجازه او لا؟؟:p
ياليت اللي عندها خلفيه بتقولي اكون شاكره لها وممنونه

حافز يصرف لمدة سنه وآحدة فقط

الله يعافيك انا عارفه انوه بيصرف لمده سنه
بس هل بيستمر يمشي لي حافز اولا
وهل فيه اجازه بالعمل او لا
ياليت اللي عنده خلفيه ينورني

الي أعرفه انه اذا قبلتي الوظيفه يمشي لتس راتب الوظيفه واذا اشتغلتي عندهم ثم تركتيهم ما جازت لتس ياقف عنتس حافز خلاص

اهم شي الستر

وحافز مايطول اعتقد سنه بس

انا وافقت على الوظيفه رغم اني جامعيه حسبي الله عليهم
محتاجين وظايف واخر شي يحدوني على القطاع الخاص
عشان كذا حابه اعرف حافز يمشيلي وانا موظفه او بينقطع
اخاف مثل ماقال اخوي اذا ماجازتلتس الوظيفه بينقطع
وانا بحاجه ماسه للراتب آه بس قهر قهر

الله يجزاك خير اخوي انشاءالله بكره راح امطرهم بالاسئله
ابالي مية سؤال وسؤال ،،،،،، مدري ليش ما سألتهم من البدايه
بس كان اتصالهم بوقت مو مناسب يالله بيعين الله

لاوالله ماستانست لاني طماعه ابي على حسب مؤهلاتي
لان عندي خبره تدريس وفوق الشهاده الجامعيه دبلوم حاسب
و4 دورات غيرها واخرتها بائعه ملابس
ليش ماقالو لنا من الاول ترا مالكم وظايف
عشان الواحد مايتعب نفسه بالدراسه
ويصير بايع

ولامفكره اني بكمل ماجستير بس خلاص طابت النفس من شي اسمه شهاده

اللي انا اعرفه ان الاعانة لمدة سنة ، سواء كانت متواصلة ام منقطعه ..

اما بالنسبة للوظيفة فهناك فترة ثلاثة شهور تدريبيه لك ويصرف لك حافز ، ولا ادري هل هناك راتب للوظيفة ام الاكتفاء بحافز ..

الاكيد انه مجرد ان يتم تسجيل اسمك في التامينات تنقطع عنك اعانة حافز ..

واي مؤسسة او شركة يسارعون بتسجل الموظف في التامينات لانه من صالحهم ..

اما الاجازة فهذا امر مفروغ. منه لك اجازة سنوية شهر واعتقد يوم في الاسبوع ايضا ( بالنسبة ليوم في الاسبوع مو متأكد منها ) وهناك عدد محدد لساعات العمل في اليوم لاتتجاوز 8 ساعات .. طبعا الاجازة السنوية مدفوعة الراتب انتبهي ، واحتمال مايكتبون عن الاجازة في العقد عشان يمررونها عليك لكن مهما يكن النظام يكفل لك الحق بالاجازة ومدفوعة الراتب غصب عليهم ..

انصحك انصحك انصحك ان يكون هناك عقد بينك وبين من تعملين لديهم ، وانصحك بقراءة نظام العمل والعمال وبامكانك تحميلة من موقع وزارة العمل ، لمعرفة مالك وماعليك

وبالتوفيق

الله يرزقك من فضله

الله ينور دربك مثل مانورتني قول امين
بس الغريب انهم ماجابولي طاري الدوره الثلاث شهور
قالولي فقط المقابله بعد بكره وهم يعلمونك طبيعه العمل
وتستلمينها فوري .....عالعموم بكره بشوف وش بيقولون لي
لاني وافقت عليها وبنفس الوقت متردده بس حاجتي للمال اهي
اجبرتني ومشكورين يالغوالي ماقصرتوا عزالله كفيتوا ووفيتوا
بيض الله وجيهكم وبالتوفيق للجميع