وأنا بالإستراحة اليوم الجمعة .. خلص الغاز .. فاضطريت للتعبئة كما يفعله كل مخلوق على وجه الأرض ..

أتجهت لمحل "غاز بالنهضة " مغلق ..

ومن ثم اتجهت إلى محل " غاز بالأفق " مغلق ..

وبعد عمل إحداثيات مع البشكة بالإستراحة عن أقرب محل " غاز " شمال ..

قالو فيه محل غرب الشرطة الشمالية .. عند الدوار " < بدون ذكر أسماء عشان الدعاية > ..

وأخيراً .. وبعد جهد جهيد .. تم العثور على المحل .. ولكن المفاجئة وجود زحمة غير عادية بالسيارات والجميع ينزل بلهفة .. منظر الزحمة .. كأنه ..( نسخة تصويرية لمطعم البيك بمكة ) ولكن الفرق تنزل معك اسطوانات غاز !!!

وبعدما ما لبقت الموتر .. ونزلت .. أشوف الجميع في حالة استغراب واستفهام !! .. قربت أشوف الوضع

" سئلت بالحرف الواحد وقلت : هل يوجد غاز < .. قال وأحد أعرفه بين الزحمة .. أكيد أجل يوجد جبن .. قلت الربع مجتمعين هنا بعد شكل الوضع مزري ..!

المهم رد العامل وقال .. فيه بس تغير شكل الأسطوانة .. قلت كيف !! قال تضطر تأخذ معها ( محول ) ..

قلت .. طيب وغازنا المعروف الي نأخذه بالعادة .. قال هذا غير موجود ؟!!

وأروح أسوي أحداثيات للبشكة بالإستراحة عن " هل أجيب هذا " [ بحكم أني أول مره أشوف أبومحول ]
.. قالي الطباخ .. لا لا موجود عندي أصلاً وماينفع وضعيف وياثر عليه الشمس وسهل الفتح ..

قلت طيب ..والحل ..!! قال شف محل ثاني !!

قلت يالله أطلع لجنوب بريدة .. يمكن .. ألاقي .. طلعت للبصيرية .. قالي نفس الوضع !!

وحصلت مجموعة كالعادة يفكرون ومحتاارين وبعضهم أتصالات ( هاه زين موب زين ) .. يوم جيت أطلع .. قالي واحد لاتروح لمحل عند الأرياف لأني توني جاي منه مافيه .. قلت بعد أنت لاتطلع شمال لأني دايرها .. < ( تبادل مصالح ) ..

الزبدة .. أن اليوم راح .. على الغاز .. وأضطريت أرجع ونكمل على الدافور .. لين ألله يفرجها ..

ملاحظة : طبعاً زين أن بيوتنا موجودة " خزان غاز " ولا كان معاناة .. والله يعين الي ماعندهم أو بعض سكان الشقق والوحدات والمطاعم وغيرهم ، لأنهم يبي يعيشون تجارب مع شركة الغاز كل شوي منزله تجربة على حساب حياة المواطن ..!!

المحول الايطالي أقوى اما

المحول الجديد ردي بالحيل ووسيع صدر الغلاية أقوى منه

المشاركة الأساسية كتبها ـالتُفاحة الورديّة (المشاركة 3422407) هل تكرمت بتوضيح معنى هذه الكلمة ..؟؟ وأنتابني ورودها مرتين ..!!

+ هدف مادي وأخطر من الي قبل ..

من جدك .. طيب ليش ماسوت دعاية وتوعية قبل ماتفاجئ الزباين بالمحلات ، حتى الهنود الي يبيعون مايعرفون يربطونها أو على الأقل لوحة بمحل غاز وتعريف فيه .. إذا كان من أجل سلامة المواطن ..

كل عمر أبو جدي .. والغازات الحديد موجودة .. وتدربيها المطاعم وبالشموس وعند الخبابيز بعد .. وماشفنا الي شافوه محلات .. غازكو ..

وبعدين أسهل لهم .. هم عند التركيب .. عشان مايفك ويربط واجد .. ويرفعون السعر لمحلات الغاز بحجة أنه سهلنا لكم ..

ووين الغازات البلاستيكية الي جايبينها من أوربا .. قالو ايش عن سلامتكم .. وأخر شي بعد فترة تجارب .. قالو ماش ماتصلح هذي .. يالله نغيرها < شفت أن شغلهم تجارب على المواطنين وليس دراسات ..

ومع أحترامي لأكبر مهندس بشركة غازكو .. لو يفتحون موضوع هنا عن طرح أفكار لوسائل الحماية للغاز .. لعلق المنتدى من كثر الأفكار الموجودة والسهلة .. هه ويمكن بعد تتشعب الأفكار ونصير نستغني عن الغاز كله بكبره ..

عموماً .. فيه أزمة اليوم بالغاز ونصهم مقفلين والنص الثاني مالقى الا أبومحول .. ومايعرف له وأصلا خطر جدا ..

ملاحظة : المحول هذا خطر جداً جداً جداً .. ومدري وين عقولهم يفكرون ..

يكفي لو فيه بزر عمره 4 سنين .. فر الفرارة السوداء .. وأنفتح الغاز .. بتقولي فيه لي طيب فيه عائلة حاطه المحول بدون لي أو عندها أكثر من محول أو نزلت الغازات بمحول وطلعت من البيت وفيه بزران !! .. " وين التوعية يالشركة الواعية "

.. بعكس القديم الي ممكن تكربه وصعب فتحه لأنه يحتاج إلى قوة إضافية ..

كثير ماعندهم لأنه يحتاج إلى مساحة كبيرة .. ويمكن بعض المتزوجين يقول الغاز الصغير يجلس عندي شهر بعكس العائلة ، وبعض سكان الشقق والوحدات ، والمستاجرين ايضاً لايحتاجون إليه ..

صدقت وهالشركة ماغير عايشه .. تجارب .. على حسابنا ..


وضحها الأخ أبو وليد .. ولكن نضيف من عندنا .. " ألشلة + الأصدقاء + الأصحاب .....إلخ "

لا ماخلص .. بس المواطن يخاف يجيب لبيته قنبلة من دون مايعرف طريقة عملها في ظل شركات التجارب ..

كلامك صحيح .. ولكن المحول الجديد أو ماشابهه .. يكفي لو عندك صغير بالبيت .. شغله وهو يمشي لأن فتحه سهل مو مثل القديم إذا كربته ماقدر أحد يشغله من الصغار .. بل هذا الجديد راح يفتح لنا مشاكل في الجرائم .. بل حتى صناعتها رديئة ..

هذا وحنا نصدر الغاز ..

يسلموو .. ع التوضيح ..

الله يعين ياشيخ والله شي يرفع الضغط .. تخيل عندك ضيوف وصارت معك مثل هذا الموقف والمشكلة الجديد خطر أيضا ًاذا عندك أطفال لأنه سهل الفتح ،
القديم غير موجود ونص المحلات مقفلة وش معناته ( معناته الغاز في أزمة ) ، وعلى قولتك تجرب الزباين من دون أي توعية مسبقة أو حتى توجيه أو حتى طريقة التشغيل وتبغى الزباين والمواطنين يجيبون هالقنابل في بيوتهم ويحطونها عند عيالهم مقابل ماتدفع 19 قيمة المحول هه .. ويدعون أن الطريقة أسهل من الي قبل وبينما لو أقرب صغير يتعلق بالغاز لعب بالفرارة السوداء السهلة واشتغل .. ويالله عاد اذا اشتغل وانت ماحطيت لي ومعك بالسيارة هه وش موقفك !!!

+ سرقة جديدة مثل الغاز الفيبر قلاس