|
عنصرية مرور بريده بنقط التفيش في توزيع المخالفات
السلام عليكم ورحمة الله وبركاته
تم أستيقافي من قبل نقطة مرور بالفاخرية بعد النزول قلت للعسكري عسى ما شر قال ما ربطت الحزام تفاجأت ان كل الواقفين بسبب عدم ربط الحزام قال احدهم للعسكري هل أنت تربط الحزام لا سلمت ؟؟؟ سكت العسكري وتهرب من الإجابة وقال النظام نظام قال النظام ماتمشيه على الكل والدليل انك تمشي ناس ماربطوا الحزام وتوقف ناس الدعوه عنصرية لا أقل ولا أكثر ما هيب سالفة نظام وهذا الشيء صحيح أنا شفت هالشيء يجون شباب مراهقين ماربط الحزام ويمشيه وموقف كبار بالعمر ومخالفة عدم ربط الحزام وبرضوا موقف مراهقين لكن ناس وناس حقيقة انا لست معترض على تطبيقه النظام لكن معرض على العنصرية ناس وناس قال العسكري لأحدهم يوم قال مشنا تراه حزام قال العسكري تراها مية ريال سددها مو كثيره طيب الظلم والعنصرية ليش ناس وناس يقولك الرخصة والاستماره ومن اسمك تمنح المخالفة ؟؟؟ يعني المخالفة تاخذه على اسمك فقط يناظر عايلتكم ويعطيك المخالفة عليه وهالشيء ليس ظلم او كذب وافتراء انا امام الله مسؤول عنه لاني شفته بعيوني يوقف ناس ويمشي ناس وكلهم نفس المخالفة ولا منك أحتجيت قال النظام وتراها 100 ريال مو كثيرة :) والحل مع هالنوعية الخاينين للأمانه ؟؟؟ |
هذي مشكلتنا اللي موووب خالصين منها ابد كذب وافترا رجل المرور عدم احترامهم للانظمة تطبيق الانظمة بمزاجيه وعنصريه والله يصبرنا بس .... |
اقتباس:
عجبي هل ربط الحزام أو انتهاء الرخصة ... أهم من أرواح البشر .؟ قطع الإشارة ...!! التفحيط و إزعاج المسلمين أمره سهل ...!! السرعة الجنونية والغير مسؤوله أسهل بنظرهم ...! احزام الأمان أم المصائب ... يغصون بالشعير ويجرعون البعير هو لدية دفتر لازم يخلصه وإذا خلصه ينتهي دوامه كمكافأة له ... ويمكن أنت مسجل بحافز يبون يجمعون مبلغه ... يعني يبون يعطونك من لحم ثورك وطبعا هو حريص يعطيك مخالفة بأي شكل ولا تستبعد يعطيك مخالفة إنك لم تلبسْ كمامة عن الغبار ..!؟ ترانا من الدول المتقدمة بالنذالة ولا تستبعد أن رجل المرور يعطونه مخالفة إنه ما خلّص دفترين قبل الساعة عشر ... |
ما شاء الله
|
اقتباس:
صدقت تطبيق الأنظمة بمزاجية وعنصرية هذا اللي حاصل حنا مو معترضين على النظام لكن معترضين على عنصريتهم ناس وناس لو يمشي النظام على الكل ما شكينا أي والله الله يصبرنا |
اقتباس:
صادق من طريقة توزيعه المخالفات أمس تعرف انه وده يخلص الدفتر بأي طريقة :) مصيرك يوم يا ظالم وين بيروح من دعاوي الناس |
خذ مخالفتك واحتسب الاجر وانا اخوك
مالنا الا كذا |
ههههههههههه
|
والله هيك وهيك
لآزم الشده وماودك يتساهلون وآجد فلذالك هذي سياسات مرور والله يستر عليهم وعلينآ يارب |
بصراحه فوضى في نقاط التفتيش المروريه ولا تقدير لكل المتواجدين عصبيه وكان المخالف مجرم وخاصه كبار السن وعند مرور صغار السن وهو معروف يمشي يسلام وشاهدت شخص كبير في السن وهو قاطع الاشاره ولكنه يقول والله ياولد ماني مركز وتم توقيفه مع شباب صغار في السن والله مهزله مافيه تقدير ومن اوقوفوه هم المفحطين والاشاره وانواع المخالفات
|
اربط الحزام وعلى شحم
انا من مسكت سياره وانا ماكد جتن مخالفه طحت بالتظليل وبلونا بلوه لين عطون مخالفه وماقشعته من بكرا قشعته بالبيت قلت ناقصين مخالفات فلا تولف لو سمحت عزيزي :) والخطا خطا انت مسؤول عن نفسك وهو مسؤول عن شغله اما كونه لاسلم يربط الحزام ولا لا هذا حبيبي مب شغلك ادري نصكم بيحسبن سلتوح متلبس والله بتصدق صدق أنت غلطان وسدد ميه ولا يكثر |
الى كل عسكري او موظف حكومي قام بضياع المواطنين وقهرهم وتأخيرهم
اللهم اجعل راتبه لايكفي علاجه اللهم افضحهم وكدر عيشتهم اللهم سلط عليهم من هو اقوى منهم اللهم اجعلهم اذل خلقك اللهم شتت شملهم اللهم اقهرهم واخرهم انهم لايعجزونك اللهم أأأمـــيـــن يارب ياناس هل انا اخطاءت بالدعاء عليهم ؟ |
المرور والشرطة
بارك الله في جهودكم وبعدين وقفت العنصرية عند الشرطة اذهب الى جميع الدوائر الحكوميه وشف العنصرية على اصوله |
اقتباس:
الله يهديهم ويهدي جميع المسلمين لكن هذا الموظف عبدا مأمورا والله أنني على يقين أنه لا يريد مضرة أحد ولكن هناك من طلب منه ذلك ولا تجعلها تقف على ذلك العسكري , ولكن ذلك منتشر في جميع القطاعات الحكومية ( الواسطة مصيبة عضمى ) |
| الساعة الآن +4: 12:12 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.