|
وش صار على مساهمة الايفونات ؟؟؟؟؟
سلام عليكم. جميعا.
انا من ضحايا النصاب. راعي مساهمة الايفونات الي سرق قروش العالم ولحس عقولهم والمشكله انه معلم بمدرسه بالضاحي وملتزم الله يهديه ولهط قروش العالم باجهزة الايفون والله اعرف ناس لحقهم الدين من وراء هالنصاب انا اولهم. واعرف اناس وقفت عمايرهم بسبته بس سوالي اذا احد عنده اخبار وش صار عليه سمعت انه مسجون وانه ماعنده نيه يرد قروش العالم. الله يجزاكم خير الي عنده خبر عن هالرجال او فيه جديد يفيدن لاني انا اعمل خارج بريده ولاأدري وش صار |
اول مر اسمع فيها ولكن الله يعوضكم خير والعيب فيكم تركضون وراء جمع المال بدون تثبت |
موجود الان بسجن بريده وطلع كم مره جلسات للمحكمه للي يبون منه فلوس
ووعدهم بالسداد وانا مثلك اخي الله يرد دراهمنا هذا كل شي حتى الان اذا سمعت خبر عنه علمناك |
اسأل الله العافية
|
به احد يصدق الخرافات
|
قلعتكم عساهن مايرجعن قروشكم عشان تصير درس لكم
هذا الطمع شوفوا إيش يسوي تبون الربح السريع وبس ماهمكم شرعيتها أو نظاميتها وين عقولكم لحظة مارحت بقريشاتك وتعطيها رجال ماتدري كيف يستثمرهن الحين جاي تشهر فيه ووين يشتغل وهل هو ملتزم ولا لا ؟!!!! الله يهديكم الله يهديكم الله يهديكم |
تمنيت لو انك لم تتكلم عن الرجل بهذه الطريقة
اقسم بالله انني لا اعرفه ولم اشاهده في حياتي مع اني مساهم بمبلغ كبير لكن الحمد لله على ماقدر اسال الله ان يجبرخسارته ويعيننا واياه |
وراكم تقل ساب ابوك والا امك انفجرتو علي وانا ماذكرته بشي شين مجرد قلت المظهر الي انا انغريت فيه وبعدين دعيت له بالهدايه وانت يالعضو manedl عسى الله يبلاك ويلحقك الدين وانا قايلك عوضن عن خسارتي يوم انت ترد الرد وانا قلت للي عنده خلفيه بموضوعه ماقلت ياناس عوضون من جيوبكم عن خسارتي الله يهديك عموما وللمعلوميه الي سمعت عن المحقيقين الي معه يقول اني من حيني ناوين اسرقهم بس سويت لهم طعم مرتين إلى يوم كبرت وكثرو المساهمين وبعدين نكبت الخلق من حيني مخطط لهذا الشي لانه يدري إنه النظام يحمي الحراميه الي مثله وش تبين اسميه الشيخ المظلوم هو اعترف بنفسه يقول من حيني ناوين اسرقهم لكن العوض على الله والواحد الي عنده علم عن المساهمه او ضحيه يدخل ويرد والي ماعنده ماحنا محتاجين لنصايحه يحتفظبهن لنفسه وياخذ درس انه مايوثق بأي شخص مهما كان يكيفنا من الي يشوف الموضوع يدعو لنا بالتعويض ورجوع دراهمنا
|
وانا مثلك خسرت شي كثير:eek5
لكن عندي احساس انه لعب عليه مثلنا وفي احدى الجلسات معه قال اذا طلعت اعلمكم باني مثلكم لعبو علي اللي كلفون بذلك نحن لانعلم من هم الى الان عجزت اتحسب الله عليه الين يطلع ونسمع منه السالفه:confused: وبالنسبه للاخ اللي يدعي على الناس /يمكن الله يبلاك بغيره وتدري ذيك الساعه انك انغشيت مثلنا ويالله التوبه سمعنا ان مصدره موثوق وفيه كذا شيخ قالوا لنا ادخلو وحتى هم دخلوا وساهموا مايدري الانسان وين رزقه فيه اللهم ردهن بهالساعه المباركه |
كثر الله خيرك يامروه على الرد الراقي بعس بعض الناس الله يهديهم
وعسى الله يعوض خسارة الجميع ويرد فلوسنا الي ضاعت |
واضح وضوح الشمس عندما كان يتعامل مع الناس والناس على علم بس كل يقول اغدين الحق على هالطعم وفيه ناس استفادو منه مكيفات وايفونات وشاشات والغريب المضحك انه عيني عينك يحولك على اكستر والفاتوره بسعر غالي ويعلم كل من دخل معه انه نصب والا معقول يبيع عليك ايفون ب1500 ارخص من المصنع وشاشه سوني قيمته 5000 يعطيك اياه ب1800لكن العتب على الامن اللي يشوفون الجريمه ولا وضعو حد له وساكتين .. الحمد لله والشكر على نعمة العقل والله لا يبلانا باكل اموال الناس بالباطل ويهديه وكل من تسول له نفسه غش الناس والغرر بهم.. |
عوضكم الله
المفروض الإنسان مايتسرع على أشياء لايثق بها وغير معقولة ! زميلي قال لي وش رايك عندي واحد يبيع الآيفون ب 1500 اشتري منه لأن أكثر من واحد من الزملاء اشترى منه بهالسعر قلت انتبه لاتشتري منه هذا يا إما نصاب أو حرامي أو يبيع صيني خاصة إن الآيفون وقتها ب 2800 ! أنا بنفسي بحثت عن أسعار الآيفون بكل العالم عن طريق الشراء بالنت فلم أجد أرخص من 2600 ! فكيف يجيب هذا ب 1500 ؟! سألت رفيقي وش صار عليه قال اللي طلب منه 3 واللي طلب 2 ولا جاء شي ! أخي لاتكن صيدا سهلا للمحتالين وقسها بنفسك . يكون فرق السعر 100 أو 200 معقول لكن الفرق 1200 هذا مايصير ولا بالأحلام ! المسألة تلبيس طواقي على قولتهم ياخذ منك ومن الثاني والثالث ويجيب للأول ويصدق الباقين ! أما اللي ينتقد المسؤولين عن هذا التصرف ابسأله هل بلغت ان فيه واحد يجمع فلوس بدون مستندات ؟ هل كتبت معه عقد اتفاقية ؟ لنفرض أنه رجال تقي وورع ولكنه تورط غصباً عنه هل هذا يرضيك بعد ماراحت فلوسك ؟ |
بيض الله وجيهكم
|
مشكور عالموضوع
|
| الساعة الآن +4: 04:19 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.