|
سؤال حيرن ليش البنوك تطالب العميل بتجديد بطاقة الصراف
انا استغرب من وضع تاريخ انتهاء لبطاقة الصراف احس انه اجراء ماله اي داعي . وانا اقولكم ليش هذا الاحساس : جميع البطاقات الي نتعامل معاها يوجد اسباب مقنعة لوضع تاريخ انتهاء عليها ماعدا بطاقة الصراف وخلونا نذكر هذه البطاقات واحدة واحدة .. اولا : بطاقة الاحوال المدنية يتم وضع تاريخ انتهاء عليها بسبب تغير ملامح الشخص مما يستوجب وضع تاريخ انتهاء لتجديد الصورة وكذلك لاسباب امنية . ثانيا: رخصة القيادة تقريبا نفس الوضع اضافة الى تحصيل رسوم التجديد والتأكد من الحالة الصحية للسائق . جواز السفر : على اساس اعتباره وثيقة ثبوتية يتم التجديد لتحصيل الرسوم وتغيير الصورة وكذلك لاسباب امنية مثل التوقيع على تعهد بعدم السفر لدول معينة . بطاقة العمل او بطاقة الطالب : وهذي تم وضع تاريخ صلاحية عليها لانه من المحتمل انتهاء الغرض الذي استخرجت من اجله مثل تخرج الطالب او انسحابه او استقالة الموظف او احالته على التقاعد .اضافة الى انها غير مرتبطة بنظام آلي من الممكن ايقافها عن طريقه مثل بطاقات الصراف . نئتي اخيرا الى بطاقة الصراف : تلاحظون معي ان مافيه ولا سبب من الاسباب الي ذكرتها تنطبق عليها . بمعنى الكثير منها لايوجد عليها صورة علشان تجديد ملامح الوجه . وهي مرتبطة بالحساب متى ما التغى الحساب التغت معه تلقائيا وحينها لايمكن الاستفادة منها بأي حال من الاحوال . امر اخر وهو اذا كان هناك اي اسباب امنية فأنه يتم ايقافها عن طريق النظام وتكون وقتها هذه البطاقة معطلة ووجودها كاعدمها وكلكم يعلم انك اذا جددت البطاقة لا يتم سحب البطاقة القديمة لانه تم تعطيلها وتفعيل الجديدة ( تعطيها واحد من اخوانك الصغارين يشخص به ان معه بطاقة صراف ). حتى الرسوم بالامكان استحصالها من خلال الخصم من الحساب مباشرة بدون تغيير البطاقة اذا كان القصد من تغييرها هو استحصال رسوم عليها . بحيث لايجمعون عليك خسارة مادية وضياع وقت في مراجعة البنك اذا ياجماعة الخير اقنعون ليش خدمة العملاء في البنوك دائما زحمة والسبب ان كل الموجودين جايين يجددون بطاقاتهم !!!!!!!!!؟ |
كانت البنوك تضع مدة البطاقة 5 سنوات
ويمكن تجديد نفس البطاقة مرة اخرىولكن تعليمات مؤسسة النقد بان تكون مدة البطاقة 3 سنوات كحد أعلى وان تنتهي ويت تغييرها لا تجديدها . فالسؤال موجه لمؤسسة النقد . |
أتــوقــع مثلاً شخص سرقت بطاقته أو ضاعت حلو أنه تجلس مُدة وبعدين تنتهي صلاحيتها حتى لو كان فيه رقم سري بإمكانه أنه يدّعي السارق أرقام من باله : ) |
اقتباس:
يا اخي بغض النظر عن صاحب هذا القرار سواء كان البنك او مؤسسة النقد السؤال هو ماهي الفائدة المرجوة من تغيير هذه البطاقة واعطاء العميل بطاقة اخرى مثلها تماما لمجرد انه تم تغيير التاريخ الذي كتب عليها فقط ؟ ربما نجد نحن معشر الرجال ان الامر سهل ويسير لكن تخيل وضع المرأة وصعوبة مراجعتها للبنك لهذا السبب او لغيره ويزيد الامر تعقيداً اذا كان لابد من رجل معرف للمرأة حتى تستلم بطاقتها الجديدة |
اقتباس:
في حالة سرقت البطاقة او ضياعها بالامكان ايقافها عن طريق الهاتف المصرفي خلال لحظات من فقدانها . ولعل سرقة البطاقة تعطينا مبرر لمراجعة البنك لاخذ بطاقة جديدة |
.
الجواب سهل جداً من أجل أن تدفع ( 50 ريال ) وحسبها مثال على 20000 عشرين ألف عميل شف كم يطلع الناتج |
اقتباس:
طيب ليش ماتسحب الرسوم بدون تغيير البطاقة ووجع الراس . مثلها مثل بطاقة الفيزا . عليها رسوم كل سنة مائة ريال ويتم سحب الرسوم بدون تغيير بطاقة ولا هم يحزنون اللهم رسالة تصلك على جوالك تفيد بسحب المبلغ امر آخر وهو سحب الرسوم يتم على الضعوف الي رصيدهم متدني اما الموظف والتاجر ماعليه اي رسوم . |
اقتباس:
هه ترى مب كل الناس يحبون الدعدعة :| ؟! |
مشكور اخوي هيغل على طرح هالتساؤل اللي يدور فبالي إذا رحت أجدد البطاقة وعلى نياتي أقول ايه يمكن عشان احتكاك البطاقة ماتدخل بالمكينة ! واثاريهم يشفطون دراهمنا ! مايكفيهم الـريالين كل شهر ! ( مشكور اخوي الحزين ) |
| الساعة الآن +4: 10:39 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.