|
مأساة | حسبي الله ونعم الوكيل [( مستشفى القصيم الوطني )]
بسم الله الرحمن الرحيم السلآم عليكم ورحمة الله وبركاته " خير الكلام ماقل ودل .. حدت [ حادثه في مستشفى القصيم الوطني ]في تاريخ 1433/8/8 هـ مأساة كبيرة عاشتها زوجتي بمولدوه الجديد في هذا المستشفى الفاشل الذي سبب عواقب كثيره ونخص الدكتوره (سميه) سودانية الجنسيه على ماحدث من اضرار اثناء الولاده من خدوش وضرب الام على يد الدكتوره اثناء التوليد واصابة زوجتي في وجهها , هل من دكتوره تعمل هذا العمل اثناء عملها وفي مجالها ؟ قُدمتَ شكوىَ للاداره ولكن : متوقع النتيجه من هذه المستشفى من فعل هذه الدكتوره .. شي اكيد ان يكون بصفها .. لان تعبتر من افراد هذا المستشفى , ولكن لانقول الا حسبي الله ونعم الوكيل إلى متى ونحن في غفله .. مصيبتي تهون عن مصائب غيري ولكن الساكت عن الحق شيطان اخرس يجب بل يلزم محاسبتهم ( الطاقم الطبي والمستشفى ) عاجلا ودن هواده . لينالو جزاؤهم الرادع ويكونون عبرة لغيرهم على مافعلو . يجب وضع لجنه الكشف عن الشهدات المزوره وظهور حقيقتهم سواء سباكين ليس اطباء لانقول الا حسبي الله ونعم الوكيل .. هذه الرساله لأوصلها للصحه وانما اوصلها لعقول البشر , لان الصحة مهتمه في التستر .. عليكم مراجعة هذا الصفحه الذي يتكلم عن المستشفى ولاتنسون انه موظف .. ( http://www.buraydh.com/forum/showthread.php?t=190722 ) :eek5 |
حسبي الله عليهم ونعم الوكيل المدير سوداني والدكتوره سودانيه الله من العجز الي بهم الا من رحم ربي فساد واضح بعد الرابط واصل الشكوى والله معك
|
الدكتور السودينه اللي كانه موسودينه وتحط مكياج
اذا هي مانصحكم فيها بصراحه ماذكر اسمه بس شكله |
الله يستر في المستشفيات والجامعات انواع الكوارث والسبب هو ان تكون السلطه في يد اجنبي حسبي الله ونعم الوكيل |
حسبي الله ونعم الوكيل
تسلط بعض الدكاتره على المرضى وقد حصل معي في أحد المستشفيات لكن هو دكتور |
لو كنت صادق قدم بهم شكوى للشؤون الصحية وخذ حقك وحق غيرك من المسلمين وحتى لايتكرر الخطأ مع مسلمه اخرى من اخواتك ... ويكفي هياط بالمنتدى
|
اخي الكريم
لابد لك من ذكر التفاصيل كاملة حتى نكون منصفين لم تذكر دوافع ضرب الدكتورة لزوجتك؟ |
وأنت وش موديك لهذا التشليج الله يهديك وش فيه مستشفى الولادة والأطفال عموماً الحمد لله على سلامة زوجتك وضيفكم الجديد ويتربى بعزكم |
اقتباس:
مافيه دافع بالدنيا يخليها تضرب وحده في حالة ولاده، سبحان الله قبل قرابة 30 سنه امي تعرضت لتعامل مشابه وهي تولد من قبل دكتوره مصريه |
الحمدلله والشكر لو بمكانه أنا كان يوم ولدت ولقيت أني الحمدلله طيبه.
قلت خلوه تجي بقدم له هديه . وأذكره باللي سوت وأعطيه كف وأقول مره ثانيه تتأدبين مع المرضى, |
لايضيع حق وراءه مطالب
|
اقتباس:
اولاً انا أنثى ولست ذكر ثانياً الله ما شفناه بالعقل عرفناه بعيد عن العواطف ب العقل مافيه احد يضرب ويخدش ويسبب إصابة بدون سبب خصوصاً انو سبق وولدت عندهم وما احد تعرض لي ولنفرض ان السبب نفسية ومزاج سيئ من الدكتورة هنا الحق مع المريضة تقدم فيها بلاغ وشكوى للشرطة او للإمارة الدنيا مو سايبه حنا في بلد يكفل للمواطن حقوقه انا ماني مع اي طرف عشان انحاز له لكن بغيت تقصي الحقيقة كاملة ودي |
ايوالله انا مولدتني سميه السودانيه وانواااع البروووود بحيث انها تتصل بالجوال اثناء الولاده يعني احر ماعندي ابرد ماعندها ولافيه اي احترام للمشاعر
لا وأزيد من الشعر بيت تفاجأنا يوم طلعت بنتي من الحضانة الى البيت تفاجئنا بابره المغذي موجوده في يدها وعند اتصالنا بهم ردو بابرد اسلوب اي ناسينها تعالو نفكها الى متى الاستهتار بارواح المواطنين ألواحد منا جاي يدفع عشان يلقى ناس كفؤ ولقينا العكس |
المستشفى هذا ما أدري ليش إذا مريت من عنده يهيأ لي إني أسمع صوت غربان وخفافيش تطير مستشفى كريه
|
| الساعة الآن +4: 01:42 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.