|
ليه رفع الأسعار بمقاصف المدارس وبكافتيريا الجامعات صار شي طبيعي عندكم ..؟!!
إذا مافيه رقابة عليهم أو الرقابة راضية باللي يصير ! قاطعوهم واتركوا بضايعهم تخيس هالغشاشين! والبقالات والسوبرماركات مابعد قفلوهن! ومحلات الجملة أفضل , اشتروا بالكراتين كل اللي يبغونه عيالكم بلى غش ولا انتظار وزحمة! ماتشوفون كيف الأجانب حاسبينها صح , يعطون عيالهم شنطة طعام : ) على الطاري العام نزل خبر عنوانه: «التربية» تحذر من زيادة أسعار المقاصف ^^^^ بس ماشفنا إلتزام ..! << ماأدري عدم إهتمام أو الخبر تسكيته للمعارضين ! |
دام المقاصف استلموها شركات تديرها عماله انتهينا
|
إذا كانت المقاصف يتم تأجيرها لمؤسسات أو غيرها
يجب على مسؤولي الكليات والمدارس متابعة الأسعار أولا بأول والأهتمام بجودة المعروض والاطلاع أولا بأول على نهاية المنتج |
http://im14.gulfup.com/2012-09-04/1346730874743.jpg ^ نموذج طازج أمس إشتريته من الجامعة الحبة بـ 4 ريالات !! وماخفي أعظم ! وياأختي قَصيّة مضطرين مضطرين بمعنى الكلمة إن وفروا لي أهلي اليوم ماراح يفرون لي مره ثانية بالنسبة للشكولاتات اللي بريالين عندنا بـ3 و4 والساندوتشات لازم زيادة ريال يعني الفلافل بـ2 و أحياناً 3 والمشروبات بعد زيادة ريال وأحياناً ريال ونصف وأكرر وأقول ماخفي أعظم ! شكراً قَصيّة :f: |
مساكين الصغار..بنتي تقول سلفت صديقاتي مامعهن الاريالين وماحصلن شي بريالين تقول سلفت صديقاتي على ريال ...طبعا صف رابع....انى عن نفسيءبسويءببيتي بقاله ولبغو يروحون للمدرسه بخليهم يشترون لانهم لازم الفلوس ...ابيع عليهم من البيت افضل ..من الغلاء الفاحش
|
+ قريبتي بالإبتدائي أمس بتشتري من المقصف وشافت زيادة بالسعر سألت المعلمة الشكولاته هذا برا بريال ليه عندكم بريالين وكان رد المعلمة بالحرف الواحد خليييه لا تشترينه يجي غيرك من يشتريه !!! |
اي والله صادقة يرفعونهن لان شايفين اللي ساكت لهم
|
فعلا لازم نقاطع عشان ترجع المياه لمجاريها
لكن من يقاطع معنا ؟؟أعتقد الجواب لا أحد .. |
جزاكم الله خير جميعًا .. وكل شخص ناوي يترك الشراء من المقاصف يتوكل على الله ولا يناظر غيره لأن المشكلة من اللي معطين الغشاشين جوّهم وراضين!! اقتباس:
^^ أنا ماأدري هالغير كيف يفكرون ..!! عمومًا الحل بإيديكم .. جاء الناس لعمر بن الخطاب رضي الله عنه يشتكون ارتفاع سعر اللحم فقال لهم (أرخصوه أنتم) قالوا وكيف؟! قال (اتركوه لهم) سووا حملة على التويتر مقاطعة مقاصف المدارس وكافتريات الجامعات |
| الساعة الآن +4: 03:20 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.