|
عاجل : سرقة سيارة الاستاذ صالح الدحمان.
تم سرقة سيارة الاستاذ صالح الدحمان نوع gxr 2005 رقم الوحه ب ا ط 5771 ارجو من الجميع مد يد العون ليتم القبض على السارق 🚓 بإذن الله.
اللهم رب الضالة رد الضالة |
الله يردها له
|
اللهم رب الضالة رد الضالة
اكتب معلومات السيارة بعنوان الموضوع |
لا حول ولا قوة الا بالله لا تخاف ان شاء الله ترجع لك ........ مشكلة من تزايد عدد السارقون ... مدري يلزمنا وضع اجهزة بالسيارة لمعرفة مكان من يسرق او يحاول سرقة سياراتنا |
هذه ثاني سرقه لسياره هذه الايام
هناك في بريده اكيد عصابه |
حسبي الله ونعم الوكيل على هالحرامية
وبعد الواحد الله يهديه يخلي سيارته شغالة عشان ينزل يشتري لبن ويعض اصابع الندم اذا انسرقت ليت بعد اللي يخلي سيارته شغاله يغرمونه الله يرد بضاعته اليه |
حسبي الله ونعم الوكيل
|
الله يرده له
|
الله يستر كثرة السرقات الله يردها له يارب يارب
حسبي الله عليهم بس ليتك معلمنا وشلون انسرقت هل وهي تشتغل عسى ربي يردها له ويقبضون رجال الأمن على المجرم اللي مايخاف ربه |
الله يرد ضالته إذاكان هو الأستاذ صالح الدحمان بمدرسه أبي هريره فهو والله مايستاهل.
الاكل خيير كثر الله من أمثاله وأطاال الله في عمره.. وحسبنا الله على كل مفسد .. وأن شاءالله هالحرامي يقع بشر أعماله. |
الله يردها له يارب للأسف سبب كثرة السرقات هو قلة اقامت الحد على السارق لقد سرقت سيارة اخي مرتين في بريدة وتحديدا با الشمال والحمد لله لقاه لاكن يوم قلنا للمرور قال ماهو بس انت ذي 6 بلاغات لا وبعد يقول وهذي جريمة قتل احمد ربك انه سيارة ماهو قتل وبعدين تعين اخوي بتبوك وسرقت سيارته للمره الثالثة له الان قرابة 4 شهور ومالقاه إلى الحين كامرته و محموله وكل اغراضه با السيارة للأسف وين الامان اللي يقولون الواحد يخاف يوقف سيارته برا لدقايق يعني احط موتري با البيت طيب اخوي وين يحط موتره واخوي الثاني وين يحط موتره والثالث وين يحط موتره ؟ والمحلات كل يوم تسرق محل بشارع عمر بن الخطاب حق جوالات سرق منه كم جوال وبعدين جابوهم قدام محل جيلكم وجلدوهم ؟ " وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالاً مِّنَ اللَّهِ وَاللَّهُ عَزِيزٌ حَكِيمٌ " (المائدة:38) الاية تقول اقطعو ايديهم وراه تجلدونهم ولا ذاك اليوم واحد اعرفه عند قاضي با المحكمه يقول جا واحد سارق سيارة ومفحط عليه وطلع يقرب لشيخ قاله الشيخ يافلان وراك تسرق وانت ماشاء الله عليك لاكن اكيد ان احد مهددك انك تسرق ولاشي لاكن لاتعود له ؟ غريبه لاتعود له !!!!!!!!! ودخل واحد قبيلي وسالفته متهاوش مع واحد وكسر قزاز سيارته قاله الشيخ : انت ماتستحي عيب عليك وانت ماتربيت ولازم تاخذ جزاك ويبدا يهوشه ويسبه وقعد يسب ابوه وعطاه حكم ما ادري كيف حكم ما ادري شلون جاي طيب الاول سارق ومفحط وراه ماقلتله شي والثاني من شان انه قبيلي تسبه وتسب ابوه وش الفرق بينهم يعني ذاك مخلوق من ذهب وذا مخلوق من طيب كلهم مخلوقين من طين قال الرسول صلى الله عليه وسلم ("إنما أهلك الذين من قبلكم أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد، والله لو أن فاطمة بنت محمد سرقت لقطعت يدها".) طيب ذا مثال ثاني القاء القبض على لاعب دولي كبير اساسي في المنتخب السعودي وهو يحيي ليله ماجنه مع عدد من الفتيات في مدينة الخرج ولم يمضي سوى سويعات قليله حتى اخرج هذا الاعب من القضيه بدون اي جزاء او عقاب وبتدخل اصحاب السمو والمعالي والمسئولين وكل من له يد طولا لانقاذ هذا الاعب . يخافون يروح اللاعب ويهزم المنتخب عاد ها المنتخب اللي دايم يفوز |
الصحيح عندما تقع سرقه على شخص يتم تعويضه من قبل وزارة الداخلية لانها هي المسؤوله عن حفظ الامن وتقبض على ذلك من وزارة المالية
|
| الساعة الآن +4: 05:35 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.