|
مطابخ : يا أهل الخبره
السلام عليكم معاي صورتين وياليت أحد يفيدني ب أنواعهم أيش مثلاص المنيوم ستيل صاج وكذا وياليت مايرد الا اللي يعرف وخبره لإن مابي أتوهق ، وماعندي أحد نفسه طويل عشان أغلط :d هذي أول صوره : http://forum.mn66.com/imgcache2/562035.gif وش نوعه ، وهل هو حق كرف وعمر طويل ؟ علما إن متره مايهم الثاني : http://fhomedesign.files.wordpress.com/2010/11/k1.jpg وهذا ايش لاتقولون صاج لاني رحت وشفته ماطلع كذا :oo و وش الأفضل أخذ الفرن منهم أو لا واذا لا أيش أفضل فرن وقز والأشياء هذي الله يسعدكم أنتظركم |
للرفع
|
اذا شركات معروفة وأيطالية أو أمريكية وعليها ضماناتها .. مو أبويمن .. فشي طبيعي كل شي يكو منهم عشان الضمان .. واغلب الشركات هذي تكون بالرياض واسعارها عالية .. أما اذا كان الي يبيع يماني وماتدرين عن وضعه .. فنصيحة لاتنصدمين بالواقع لأن الصور غير الواقع .. وبعدين أنا مالي خبرة بالاستيل ولكن بيخيرك هل تاخذين الصاج طبيعي أو صناعي فأكيد الصناعي أفضل وهو يوضح من الشكل .. والفرن خوذي المقاسات وجيبيه من عندك .. بس ياليت تنتبهين لمواقع مراوح الشفط والغاز والليات والبراده والأمور هذي .. ونصيحة لاتعطينه المبلغ كامل .. ترى بعد فترة تبي تفتحين موضوع وتقولين محل المطابخ هذا ماطل فيني .. وعلى فكرة الصورتين الي حطيتيها مستحيل أحد يسوي نفسها بالضبط ببريدة من الحين أقولك .. وترى أغلب الي هنا محلات ولا مصانعهم بالرياض وبالصناعية القديم .. يعني مو شركات عالمية .. فروحي لشركات كبيرة أفضلك .. فياليت هالموضوع يفيدك ، لانه نصيحة محلات المطابخ تخوف وتحتاج رجل وشدة .. http://www.buraydahcity.net/vb/showthread.php?t=311314 |
اقتباس:
الله يعطيك الف عافيه ، ويوفقك ويرزقك من حيث لاتحتسب شلت هم :eek5 |
شركات مثل أيش طيب ؟ هل فيه أحد ينصحني بمطابخ الأمين ؟ الله يسعدكم جميعاً |
اقتباس:
انا مدحولي المصنع الدولي وسويت عنده ماعليهم فاهمين وبموعدهم تقريباً بس المطبخ جديدتوي ماستخدمته لكن مادحينه لي كثيير وانتبهي ترى فيه المعرض الدولي هذا غييييير ماجربته |
المطابخ الدوليه بعنيزه روعه شغلهم سويت مطبخي عندهم ماشااا الله روعه
|
الله يوفقكم ويسعدكم |
لاتتعدي الدولي اللي قبال بندة شارع الملك عبد العزيز صلاحت عنده قبل 12 سنه جبت لهم صور من المنى اللي في الرياض عام 1420 وطلع جنان حتى الان مافيه ولا باب طاح(f)(h)
|
ودي اساعد بس ما اعرف اي شي
لكن برفع لك الموضوع واجري على الله ^_^ |
خوذي فورمكا أفضل من الصاج والاستيل ما أتوقع ينفع لان الاستيل الحين مو مثل أول يحتفظ بجودته ولمعة وغير كذا متعب بالمسح أبحثي بالنت عن عيوبه
وأنتبهي لسمك الامنيوم وخصوصا الارفف لانه أكثرهم يحط الابواب سميكة والارفف خفيف فما يتحمل وخليه يكتب بالفاتورة و أكتبي كل شئ طلبتيه بالفاتورة علشان لو مانفذه لك حق تطالبيه |
انصحك بمحل اسمة الدولية للمطابخ بطريق المدينة شغلهم زين ومواعيدهم مضبوطة وعندهم فرع بعنيزة
|
ي مال الجنه والخلد فيها ماقصرتوا الله يسعدكم |
| الساعة الآن +4: 08:41 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.