|
هذا غداي بدون دجاج
بسم الله الرحمن الرحيم
الاخوهـ الكرام واخص منهم المقاطعين للدجاج:d السلام عليكم ورحمة الله وبركاته حاب اعرض عليكم اول غداء اتناوله في اول يوم من المقاطعه وانا اعتبره البديل المميز والخفيف والمريح لمن جررربه ومريح في المقادير وفي التحضير ويوفر في الغاز بعد اترككم مع الصوره http://almoazin.net/attachment/images/1902940580.jpg http://almoazin.net/attachment/images/665759627.jpg بساطه ياعيني على البساطه |
بالهناء والشفاء لكن اتوقع التجار الطماعين راح يرفعون اسعار الضبان والجراد اذا الناس اكلوا منها حسبي الله عليهم
نطالب حكومتنا الرشيدة بوضع اسواق حكومية تبيع في اسعار اقل من الجملة حتى التجار الي مايخافون الله يسون عروض مجانية وايضا كرتون مجاني مع كل كرتون |
ههههههههههههههههههههههههههههههههههههههههههه
تطالب مين ؟؟؟ الله يرضى عليك الكل نايم في العسل مالنا الا مقاطعة الدجاج مقاطعه جدية وارجوا تكملة المقاطعه ( لانه لو نرجع عن المقاطعه راح يزود السعر اكثر واكثر ) والشق اكبر من الرقعه |
الله يجزاك خير وبالعافية أهم شي نستمر في المقاطعه |
عليك باالعافيه
بس انا اقترح المقاطعه وقت الرواتب لانه هالحين بعض الثلاجات موجود فيها الدجاج لان بعض الناس تشري باالكرتون والله يعين |
الله يجزاك خير يا ناس وااصلوا لا توقفنون ترا الدجاج حده اسبوع بعدين يعفن ان شاء الله كلها اسبوع و لا تنسون الرسول اشرف الخلق اكله تمر و ماء ترا فيه بدال كثييرة للدجاج |
يا سلاام و اللي يقول ما اقدر اصبر على الدجاج اقوله اشتري بـ 4 ريال تونة و حطها فوق الرز و بالعافية الله يعطيك العافية و الله يقويكم ان شاء الله ياليت تنشرون علشان نكون يد وحدة |
انا مقاطع ..
عندي سؤال .. بدل شركات الاسهم اللي ما من وراها خير مثل شركات التأمين والبنوك .. ليه مايصدر تصاريح لشركات مساهمة في المواد الأساسية مثلا شركة دواجن مساهموها هم نحن الشعب .. ولا نجعل بن فقيه وغيره يتحكم فينا .. بس الجواب عندي .. لو صرحوا لمثل هذه الشركات اغتنى الشعب وخسر الهوامير وربعنا ما يبون هالشي .. يبوننا شعب تحت بساط الفقر وننشغل بتأمين لقمتنا وحسبي الله ونعم الوكيل |
اقتباس:
يا رجال تبي الاسعار تثبت خلوكم يد وحدة ابقولكم قصة هالقصة وين حصلت بامريكا المهم معروفين الامريكان هاذي القهوة الصبح لازم مستحيل يقوم الصبح ما يشرب قهوة و معروف ان افضل قهوة البرازيلية اييه و يجي ذاك اليوم و رفع البرازيل السعر دولار 1 يعني زارد 3.75 >>>> شف يا من تقول 3 ريال ما تضر المهم على حبهم للقهوة اللي قسم بالله تقول علاج لهم قاطعوا و صارو يد وحدة و بدوا ينشرون الانترنت عن المقطاعة تكدست القهوة بالمحلات و المحلات رجعت القهوة للمورد و و بعد 3 ايام و يرجعون السعر زي اول لكن هل تركوا الامريكان المقاطعة لا استمروا لين ينزل السعر للنص و الى يومكم و هم يشترون القهوة بنصف السعر السابق.. |
ماشاء الله الله يثبتكم ويكون بعونكم
|
رغم المقاطعة ، فإن هناك أناس من المقاطعين للدجاج ، وتجده يرسل رسائل بالجوال عن بدء المقاطعة وهو واقف في محل بيع الدجاج يشتري >>>>>>>>> التناقض |
بارك الله فيكم
|
اقتباس:
فعلاً صدقت...!! |
بدائل الدجاج: 1- الأسماك وخصوصاً الفيليه وفيه أنواع وأشكال طازج ومجمد وبأسعار متفاوته وفي متناول الجميع. 2- اللحم ( عادي لو تشتري ذبيحة تيس أو هرفي ... الخ أصلاً الأغنام غالية خلقة ). 3- أكلات شعبية مثل الجريش القرصان المرقوق... الخ 4- خبز + زبادي + فول + عدس + حمص ... الخ. 5- بعض مأكولات المطاعم التي لا تحتوي على دجاج مثل الفلافل + المطبق ... الخ 6- المعلبات. 7- الشوربه , المعكرونه , المحشي إيدامات الخضار ... الخ جرب يوم يومين لا تاكل ولا تشتري دجاج بداية الأيام كل سمك ونقطة الدعم إلي بتنفعنا هي إن عيد الأضحى على الأبواب , والناس في العيد ما ياكلون دجاج , بعضهم ياكل لحم الضحايا لمدة 7 أو 8 أيام أو أكثر |
| الساعة الآن +4: 09:13 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.