أين أجد محلات لوزام الخطاطين والمطابع في بريدة ؟ أرجو المساعدة
 

السلام عليكم ..... أنا من خارج بريدة الجميلة
وين ألقى تكفون محلات بيع مستلزمات الخطاطين ومستلزمات المطابع

اخوي مسافات

مستلزمات الخياطة تلاقيها بشارع الصناعة إشارة العطارين تاخذها باتجاه الشمال مع شارع الصناعة وبعد ما تعدي مواقف الليموزين تبدأ المحلات على إيدك اليمين فيه اكثر من محل هناك واتوقع شارع المشاغل بالصفراء ما يخلا من محلات بيع هالمستلزمات.

أما مستلزمات الطباعة فما فهمت وش المطلوب يا بعدي..

دعواتك..

جزيت خيراً يابو ماهر المقصود ياغالي محلات لوازم وأدوات الخط والخطاطين ومستلزمات الدعاية والإعلان والمطابع وجزاكم الله خيــــــــــــــــــر

السلام عليكم

ادوات الخط البسيطة بالعادة اشوفها عند جرير

اما باقي الأدوات التي تريد لا اعلم .

لكن اللي اقدر أساعدك به هو هذا الرقم وهو لجمعية الثقافة والفنون ببريدة وعندهم اعضاء مهتمين بالخط قد تجد عندهم إجابة شافية ٣٨٤٠٦٢١

ولو تتصل على محلات الدعاية والإعلان وتأخذ العلم منهم افضل ويختصر عليك الوقت