|
استفسار دبلوم التربيه العام
بالنسبه لدبلوم التربيه العام بكلية خدمة المجتمع
هل فيه تطبيق بالمدارس ؟ وكم راح يكون ترم اوشهر ؟ الله يجزاكم خير اللي قد درست او عندها خلفيه تبلغنا شكراا |
حسبي الله عليهم
انا سجلت بدبلوم الارشاد الاسري وارسلوا لي رساله يقولون تعالي كملي بيانات القبول ولما رحت لهم والا تقولي وحده من الموظفات للاسف صار الدبلوم بفلوس تبون تدفعون عشرة الاف اولا قلت والسبب قالت ماندري هذا القرار جاء من فوووق الي قاهرني ليش من البدايه ماقالوا انه بفلوس ليش يحطون عندنا امل بس ياله لعل في الامر خيره |
اقتباس:
دراسته تكون ترمين ( سنه دراسيه ) والتسجيل مجاني اعداد معينه ويكون التسجيل مع بدايه الترم كل سنه دراسيه الله يوفقك ،،، |
جزاكم الله خير
ننتظر بقيه الاخوات |
ام لين انا تخرجت العام منهم
ترمين بعشرة الآف تدفعينها أقساط ٢٥٠٠ مع بداية ترم ونهاية ترم داومهم العصر اربع ايام بالاسبوع من ٤ الى ٩ تزيد نصف ساعه او تنقص علا حسب المحاضرات الدراسة الحمدلله كانت حلوة ولاهي ذاك الصعوبة الدكتورات مره متعاونات مبناهم مقابل القصور الملكية بالشمال بالنسبة للتطبيق الترم الثاني وانتي تختارين مدرستك ومشرفه لك تقريبا اسبوعين التطبيق انا كان عندي ظروف ولا اخترت مدرسه فاختاروا لنا مدرسة واشرفت علينا استاذة عبلاء الله يجزاها الجنة عطتني ممتاز ربي لايحرمها كثر مادعيت لها سهلت لي وتعاونات معنا حتى انها قيمتني من ثالث مره وقلصت فترة التدريب لما شافتنا اجتزنا السنة هاذي قبل رمضان رجعوا لي العشرة الآف قالوا مكرمة ملكية الدراسة مرة كانت ممتعة وسهلها ربي أهم شي واظبي على الحضور عشان تفهمين واهتمي بالمشاركات والأنشطة ربي يسهل لك احرصي على أخذه عشان تكونين تربوية وتعيين على الوظايف التعليمية اختي غير تربوية وتعينت السنة هاذي على وظيفة ادارية لإنها غير تربوية.. ربي يرزقنا من أوسع أبواب فضله ويكتب لنا التعيين بأقرب وقت |
لا مو بفلوس انا اعرف قريبة تدريس الحين فية
|
.................................................. .....
|
السيده نانا
الله يجزاك خير الجزاء ويفتح لك ابواب الرزق ويحقق لك كل ماتتمنين بسألك التطبيق اسبوعين كامله ومتواصله والا أيام متفرقه ؟ وكم حصه بالاسبوع وهل يعطونك جدول معلمه تعطين بدالها ؟ الله يسعدك ويرزقك ويانا التعيين اذا فيه خير لنا |
هلا بك أم لين
متساهلين بالمره اخذت حصة في اليوم نفس الدرس لفصلين طبعاً الايام متتابعة اخذت انتظار مايعطونك جدول تتفقين مع المعلمة اي حصة واي فصل اهم شي احضري الطابور عليه درجات لاتتواكلين سهل بالمره ومتعاونين المدرسة معنا والمشرفة كنت متواكلة لما رحت قلت ياخسارة التعب النفسي بس اقولك بعض البنات اسبوع طبقوا وبعضهم ايام متفرقة علا حسب المدرسة وحصصها بالتوفيق اختي |
اللي اعرفه انه تدفعين فلوس بس ترجع لك اذا تخرجتي
|
السيده نانا
الله يجزاك خير الجزاء ويرزقك من واسع فضله مشكووووره ماقصرتي وشكراا لجميع الردود جزاكم الله خير |
| الساعة الآن +4: 12:03 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.