|
لجميع المدرسات - الخير ما هنا خير والشر عاجلاتن بوه
- السلام عليكم ورحمة الله وبركاته اعزائي الشباب دون البنات مشاهدي نشرة فيتامين كالسيوم،،،،،،،،مدخل: يا حبيبي الدنيا حلوة و خلنا نعيش العمر رايح انقز و وروق تزعل ليش ما بدي كبسة تطبخ لي ولا بدي تيس الهوى محرول و حبنا حب الدراويش .................................................. .................................................. .................................................. ..................... اخواتي المدرسات المتبطحات في البيوت توالي الليل والمتعجرفات علينا في كل صباح سلام عليكن ورحمة منه وبركات اخواتي المدرسات اخواني اولياء امور المدرسات اخواني اولياء امور الطالبات معالي وزير الدفاع الامريكي رامسفيلد السادة المكرمون صقور نايف اعزائي المباحث انني احبكم حركه مزعلتنا عليكن نحن اولياء امور الطالبات بجد والله يا اخواتي المدرسات ترا الوضع صار ما ينطاق قسم بالله صرت العن اليوم الوطني عشرين الف مره كرهتنا بيوم الوطن كرهت شي اسمه اليوم الوطني كرهت شي لونه اخضر يا خواتي خافن الله ترا الوضع صار ممل ومنرفز يا خواتي كل وحده مصوره طالبات مدرستهن وحاطاتهن هنا تتوقعون اخواني ليش؟ حتى يقولون الناس waw حاجه فنتااااستك اومي قااااد التانوية التالتة والتالتين بعد الاربعمية عاملين حفلة يوم وطني بتقنن حلوه اوي اوي اوي والصبايا الله عليهن بيجننوا يا نبويه بس والله ما راح احد يقوله خلوني اكون صريح معكن يعني مصدقات ان الناس يبون ينبسطون؟؟؟ لان عليكن طلبات تغث تزعجك المشكلة تحسبن كل الناس مثلكن عندهم رواتب وكل واحد مخلص من الاساسيات بحياته وجالس يشتغل بالثانويات ترا قسم بالله اللي حياتكن وموته بيديكن اقسم بالله اللي بامره ينادي عزرائيل يقول له اقبض ارواح المدرسات كلهن اقسم فيه اني اعرف واحد عنده تقريبا 5 بنات وحالته الله يعلم فيها وولده واحد متزوج يشتغل سيكورتي ياشيخه حنا ما قلنا شي بالطلبات المهمه بس الطلبات جيبوا صور الامير فلان وصور الملك عبدالله والبسن اخضر وفيه شياتن مربعات عليهن دوائر بعلب معدنيه تحصلونهن عند محلن هناك بالمكان الفلاني وخذ من التوصيف اللي يدبل التسبد انا الحمدلله ما عندي الا اخت وحده الحمدلله والشكر والله لو تطلب عيوني ما قصرت عليها بس حاز بصدري الناس اللي ما يقدرون والله حرام لاتقولون لي دامك تقدر خلاص لا والله الكلام هذا ما يصير المساكين هذولا من يبي يتكلم عنهم ويوصل معاناتهم؟؟؟؟؟؟؟؟؟؟؟؟؟؟ يعني خلن عندتسن بعد نظر مثل ما يقولون فكرن انكن يوم تطلبن من البنات لا تقولن اللي ما تقدر لا تجيب لان اللي ما تقدر تبي تقلد صديقاتها تنقهر يوم صديقاتها يجيبن وهي لا انا اذكر يوم كنت بالحلقه طلب منا مدرس الحلقه اننا ما نجيب اشيا فخمه ابدا قال اللي يبي يجيب يجيب اشيا خفيفه واللي ما يجيب يكون افضل فعلا جابوا الطلاب اشيا خفيفه يعني كان فيها متعه لان الغني والفقير كلهم اللي جابو حول بعض ونفس بعض لكن انتن وين ومدرس حلقتنا وين انتن يوم يجي اليوم الوطني كل وحده تجتهد من جهه تقول خلاص فيه مسابقه ازين وحده تنظم طالباتها الملك من بكره يبي يجي يخطبها وهي والله ما احد دري عنها بس اشغلتنا واشغلت نفسها حتى مواضيعكن اللي منزلات بالمنتدى ما احد دري عنهن يا خواتي اذا عندكن ولا للوطن شوفن البويات بمدارسكن حاولن الجهد والازعاج هذا تخلنه على موضوع البويات اللي عندنكن وتحلن مشكلة كثير من البنات حاولن تخلنه باشيا فظيعه تصير بمدارسكن لاحد يقول لي سواليف حريم انا عندي اختي تحكي علي وقريباتي كثيرات بعد فيه بمدارس البنات حركه بايخه سامجه غبيه وهذا اللي خلاني اكره مهنة التعليم كلها بعض المدرسات تحط بنات المدرسات قدام بالفصل بالصف الثاني البنات المزوينات بالصف الثالث اللي اشكالهن مش كويسه طيب ليش ما تعالجن المشكله الغبيه السامجة هذي وتفكنا من سواليف اليوم الوطني اذا عندكن حب وطني زايد عن اللزوم وولا وطني وتقولن انكن افضل منا حطن قطيه من الطالبات واشترن اوشحه خضراء واغراض اليوم الوطني وتعطنه الطالبات جاهز مجهز ويكون عندكن للاعوام القادمة او صح يسلم للطالبات ما هو تدسنه عنكن تراي اعرفكن زين كل مدرسه غثيثه ما ادري ليش اقول لا تلقائينا الله يقرفتس : ( مشرفينا حبيابي لا تحذفون الموضوع تبون تحررون حررو براحتكم بس بالله الموضوع يبقى |
هههههههه اسلوبك تحفه رغم انه كثير الا اني قريته تحمست مع الهوش ,, المهم : طلبات المعلمات بالمدارس أحب انبهك لنقطه ,, انه أغلب الاحيان البنات هن اللي يحبن هالحركات والا المعلمات مندبله أتسبدهن ’’ عندي بمجتمعي معلمات وعندي طالبات وكم مديره واعرف اغلب اللي يصير بحكم تعدد المدارس ..و والله لآني مدرسه ولا شي عاطله (عشان ما احد يقول مدرسه تدافعين) البنات يحبن الهياط والفشخره .. ويبدأ التخطيط ويحط بالمعلمه عشان الاهل مايهوشون,, ولا أنكر انه فيه معلمات بثرات وراعيات طلبات بس نادر ’’ |
ماتصير خال آعيالي ...... شكلي ابسلم عليك وبيدي بيز من الحرارة :113:
شكلك كاتب الموضوع وانت متدربي مع الدرج اسمع يابونسب (ضامن انه مهب راده ) هههه كلامك درر ويتناقط حكمة لكن يعيبه انك دخلت رام زفلت بالسالفة صحيح لكن لو الاب يمنع بناته من الذهاب للمدرسة يكون افضل ليش لاني انا وانت وافلان وعلان وزيد وعبيد اذا سوينا كذا يبي يقل عدد الطالبات بالمدرسة وبعدها يفكرون بالموضوع من جد واذا وزارة التربية والتعليم تبغى تسوي حفلات وهياط تدفع قيمة الاغراض وتسلم المدرسة كـ عهده يعني علامات وشاربات وتعليقات وغيره اللهم يغيرون الصور والتواريخ مب جيدين يدفعون مئات الملايين على مشاريع متعثرة |
اصبحنا و اصبح الملك لله أول موضوع بحياتي أقراه وانا ماغسلت كلام صحيح و مشكلة الأغلب انزعج منها الوطن وحب الوطن و الاخلاص للوطن و التقديم للوطن لايحتاج الى هذه الاحراجات اعرف ناس واجد بدو ينزعجون من اليوم الوطني بسبب طلبات مدارس البنات و اللغريب بالموضوع مدارس الاولاد مو مثل البنات بموضوع اليوم الوطني بعض الأسر يتعب من شدة تكلف مدارس البنات و موضوع ترتيب البنات حسب الفئه هي امر واقع و صحيح ويدل على ان هناك تناقض كبير في تصرفات المعلمات |
تبون الصدق اشوف قريباتي معلمات حايمات اتسبدهن من هاالمديرات والمعلمات كل اللي يسونه
مااحد طلب منهن ترى وهن يجيبين ماوراهن ودونهن..<<<ايقالهن وطنيات والله مادريت عنهن الحكومه خ خ وبعدين ترى اللي مايبي اليوم الوطني غيب عياله.. |
اقتباس:
المسألة في حال بعض الأسر من ناحية التكاليف المادية و غيرها من الذهاب للأسواق و البحث عن نوعيات معينة من المشتريات من ناحية الغياب من يسلم من المساءلة المدرسية الدولية ؟ لماذا غبتي ؟ لماذا هذا اليوم بالذات ؟ واين ما يثبت انك مريضة او انك كنتي مسافرة ؟ والدك اين يعمل ؟ ما نظرة والديك لليوم الوطني ؟ بعد رجوعنا لملفات الأعوام السابقة وجنا انكِ لاتحضرين للمدرسة اثناء اليوم الوطني ومن ثم ضبط محضر و إحالة القضية للمباحث العامة و المسالة كلها بسبب زيادة تكاليف على عبء الأسرة |
^^^ مابقي الا تروح وراء الشمس ياكافي =) الأمر سهل الغالبية مااحضروا واعرف معلمات ومشرفات بعد اللي تقوله صحيح..؟؟ |
الحمدلله نقدر نجيب.ومع ذلك غيبت عيالي...وغابت المرشدة وصار اليوم الوطني الثلاثاء......وماهنا فكة........
بس ترى ماهنا كلافة ابو ريالين ماخلى بخاطر احد شي احس امتلت الشاشة رذاذ |
اقتباس:
بس لازم تكونين مؤدبه معي انا رجال تراي ما تضحكين معي ولا تسولفين معي كثير بحدود المعقول ببس وبالهرج عن موضوع المدرسات اقولك لو صح منك الهوى ارشدت للحيل لو كانن صادقات تسان عرفن وشلون يدبرنها يقولن يا بنات هذي اوراق لاوليا اموركن لا تجيبن شي واذا شافن ان السالفه مهمه لازم خلاص الله يجزاهن خير يجمعن قطيه من البنات وتصير اشيا حلوه وخفيفه ويجيبن كم وشاح اخضر ويعطنه الطالبات المزيونات لزوم التصوير انا قلت مزيونات لاني عارف عقلياتهن ما يبغن يطلع قدام الكاميرا الا وحده كشخه اعوذبالله منكن انتن وعقلياتكن : ( والله يرزقك الجنه يا اختي بالاسلام |
اقتباس:
دا انت يا عابر القارات حاجه فنتاستك حاجه كويسه حاجه اشكر المولى انه منحني شرف لقاك والتعرف عليك وباذنه تعالى انال شرف كبسه من صنع يديك الطاهرتين :p بس سوال عجزت من البارح افكر فيه وشلون اصير خال عيالك ;) طيب ما يمكن تصير انت الخال لان الولد يقولون لا طاب طيبه من خواله وانت رجال طيب وابغاك تصير انت الخال :p اذا فيها احراج عادي بروح استقدم خوال من روسيا انت شف مقدمة الموضوع وش قلت انا فيها الهوى روسي وحبنا حب الدراويش :) حبيبي الابو مسكين يبغى بناته يقلدن صديقاتهن يعني والله حاجه تحزن وتقهر : ( يعني بنتي ولا اختي ما تشري وصديقاتها من بكره يسولفن يقولن حنا جينا وحنا شرينا يعني مسيكينه البنت من المدرسه للبيت ومن البيت للمدرسه وان طلعت للحديقه جلست متغطيه خلها ياشيخ تستانس بالمدرسه يفداها اليوم الوطني بكامله وصح عليك اذا وزارة التدشير والتخريب معجبتها السالفه هي اللي تتكفل بالاغراض اي والله فلوسنا راحت للمغرب ولبنان وحنا جالسين بمدارس حتى اسماهن يخوفن الحاديه والعشرين حشى ما هن اسما مدارس بنات هذولي كتائب حزب الله السادسه والعشرين الخامسة والعشرين وسلم الطواري هذا حق وحوش ما هو حق بنات رقيقات ناعمات قسم لو فكرت انزل معه تسان ماوصل اخره الا انا كلي مكسر هو انا ميت ميت بحال الحريقه يا من الحريقه ولا من السلم بس الموت بالحريقه ابرك الموت بالحريقه شهيد وبالسلم ماجا فيه ان اللي يطيح من السلم ويموت يستشهد بعد تسبدي هذي ورود لك (f)(f)(f)(f)(f)(f)(f)(f)(f)(f)(f)(f)(f)(f)(f)(f)(f )(f) (f)(f)(f)(f)(f)(f)(f)(f)(f)(f)(f)(f)(f)(f)(f)(f)(f ) (f)(f)(f)(f)(f)(f)(f)(f)(f)(f)(f)(f)(f)(f)(f)(f) (f)(f)(f)(f)(f)(f)(f)(f)(f)(f)(f)(f)(f)(f)(f) (f)(f)(f)(f)(f)(f)(f)(f)(f)(f)(f)(f)(f) (f)(f)(f)(f)(f)(f)(f)(f)(f)(f)(f)(f) (f)(f)(f)(f)(f)(f)(f)(f)(f)(f)(f) (f)(f)(f)(f)(f)(f)(f)(f)(f)(f) (f)(f)(f)(f)(f)(f)(f)(f)(f) (f)(f)(f)(f)(f)(f)(f)(f) (f)(f)(f)(f)(f)(f)(f) (f)(f)(f)(f)(f)(f) (f)(f)(f)(f)(f) (f)(f)(f)(f) (f)(f)(f) (f)(f) (f) |
يا بعض المعلمات يدبلن التسبد :(
أذكر مره من المرات وحده على قد حاله و حنا يا الطالبات نعرف ظروفه .. و تجي هكالمعلمة و تكلفه تجيب ثلاث لوحات بهن صور الملك عبدالله و يحسب له نشاط بالمدرسة ... هي يا حول إستحت تقول ما أقدر بس وش تسوي مجبره توافق عاد يوم صار اليوم اللي بعده و تجي البنت و ما جابتهن :'( عاد أذكر المعلمة تهوش وراه ما تجيب له اللوحات ^ يقهرن المعلمات اللي يجن ويتطلبن على هالطالبات اللي حالتهن المادية ضعيفه :eek5 |
اقتباس:
عذرا اخوي ! ماتعديت تراي حدود الأدب .. أنا ماضحكت معك .. ضحكت على اسلوبك وتراي قلت لك اسلوبك,, أما اسولف معك !! ...> هذي متى ؟؟ |
بالنسبه لمدرستنا
حنا الي جبنا كلشي يالمعممات اقصد المعلمات قم للمعلم ووفه التبجيلا كاد المعلم ان يكون رسولا وبالمناسبة اليوم الوطني آجباري والكثير من المعلمات تغيبن ترفعا واولا واخيرا المعلمات لسن كلهن سواسية فيهم الخير وفيهم الشر اما سالفة المزايين وبنات الابلات لا تعليق بالمكان !! |
صدقت في حديثگ /
أتمنآ ثم أتمنآ مايطلبون علي طالبات گذآ() () الدنيآ ............... ظروف |
| الساعة الآن +4: 05:24 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.