اين يباع الالمنيوم و الحديد
 

بتشليح السيارات

هلابك اخوي

طيب باي مكان بالضبط

و كم يشرونه يعني كيف نظامهم
بالكيلو؟

اذا كان بالكيلو كم سعر الكليلو؟

يباع في محلات السكراب اللي في اول التشليح يعني اذا لفيت على التشليح من بعد الاشاره وتعديت الجسر يجيك اول مدخل بالتشليح تمشي 100 متر وتدخل يسار لكبينة الشرطه عشان تاخذ ورقه سماح في البيع ويتم تصوير الحديد والسياره وصاحب السياره من كمرات ثابته في الاعلى والجوانب ويطلبون استمارة السياره ويسألك منين جبت الحديد ويعطيك الورقة وتروح انت تدور على المحلات ويسومون منك ويزاودون على بعض واذ بعت تروح للميزان تازن السيارة والحديد وتاخذ فاتوره وترجع تنزل الحديد عند اللي اشتراه وبعدين ترجع تازن السياره ويطرح وزن السياره من الوزن الكلي ويحسب لك القيمه الصافية ويحاسبك طبعا فيه فرق بالسعر حسب نوع الحديد الاسود او الابيض والاسود اعلى سعر
طبعا الاسعار للطن من 900 الى 1200 تقريباً
وللعلم كل شي يباع هناك مثل الاسفنج والورق والبلاستيك والالمنيوم وغيرها

الله يعطيك العافية اخوي

لكن لازم اروح للشرطة ؟؟

و اذا كان لازم هل يبي لهم وقت ولا على طول يخلصون الشغل؟

وانت واقف تاخذ الورقه اذا معك استمارة السياره وبصراحه تعاملهم راقي جداً
طبعاً ما احد يسوم منك الا اذا معك ورقه
الشرطه او البحث الجنائي اعتقد
عندهم مسارين تدخل عليهم من الغرب وتطلع من الشرق اذا اخذت الورقه لمحلات السكراب
وهذا الاجراء ممتاز لردع الحراميه اللي كانو يسرقون الحديد والكيابل
جزى الله وزارة الداخلية كل خير على جهودها في حفظ امن الوطن وممتلكات المواطنين

الله يعطيكم الف الف عاافية