بريدة ستي - حقيقة عن الصورة الشهيرة كيكة التقاعد ( طفوا اللمبات لا يسرفن )

بريدة ستي (http://www.buraydahcity.net/vb/index.php)

- أفـــراح و احــتــفــالات (http://www.buraydahcity.net/vb/forumdisplay.php?f=40)

حقيقة عن الصورة الشهيرة كيكة التقاعد ( طفوا اللمبات لا يسرفن )

السلام عليكم ورحمة الله وبركاته
شخباركم ..؟!!

سبحان الله أحيانا تصور شي ولا تتوقع ولا 1% إنه ينتشر .. خصوصا إذا كان شي عائلي!!

بالنسبة للصورة فهي من تصويري وهي عبارة عن 3 صور وكنت حاط توقيعي على كل صورة منهن ..
لكن يوم جيت ارفع الصور للإنستقرام قلت أبدمجهن بصورة وحدة .. فيوم دمجتهن توقيعي ما طلع منه إلا طرف في ( الصورة الي الوالد يضحك وهو فاتح الكيكة ) وكنت حاطه أيضا على الكيكة نفسها لكن شبه مخفي ويمكن ملاحظته في الأسفل يمين ..

الصورة أخذت من انستقرامي ( متابعيني اكثر من 7600 متابع ) ونشرت في تويتر
إنتشرت الصورة لكن بدون ما تسجل بإسمي. واكبر انتشار صار بعد ما نشرها هاشتاق السعودية ( أكثر من 770 ألف متابع بتويتر )

بالنسبة للحفلة كانت حفلة تقاعد للوالد سويناها يوم الجمعة الي فات وكان كل واحد من اخوتي متكفل بشي .. والكيكة تكفل فيها اخوي احمد وصدقوا الناس بقولتهم عنه ( ملكع ) ههههه راعي مقالب وكذا

وهنا الصورة كما انتشرت

http://im14.gulfup.com/gYwf1.jpg

وهنا الصور قبل الدمج في الصورة

http://im28.gulfup.com/RMYf2.jpg

عند فتح الوالد للغلاف
http://im28.gulfup.com/6YES3.jpg

وهنا بعد ما جاء اخوي ( تأخر ) ومازحه أبوي بالعقال الله يحفظه ويخليه لنا
http://im28.gulfup.com/alc81.jpg

والحمد لله متابعيني بالإنستقرام ما قصروا .. وصيتهم يخبرون الناس انها بأسمي .. فما وقف تويتري ذاك اليوم من كثرة المنشن لي بسبب كثرة ردوهم على الناس وذكر اسمي..

هذا الي عندي من توضيح
هذا وصلى الله وسلم على نبينا محمد

حمود النغيمشي

والله يافطسسنا ضحك عليه الله يوسع صدوركم بالعافية مثل ماضحكتونا علييه
قروب العايلة ماقصروا بالتعليق عليه ...

عساكم اكلتوها بس = ايه طال عمرك ماعاد فيه حقوق محفوظه خصوصا بعد عائض القرني وسرقه لكتاب المصريه

ماشاءالله تبارك الله شكل الوالد شباب............شكله تقاعد قبل السن الرسمي

الله يخليكم لبعض ويديم الوناسة

مشالله ابوك صغير شباب
الله يحفظه لكم

بالعافيه على قلوبكم

الله يخليه لكم

تسلمون والله
الله يسعدكم نورتوا

من رايي أنك خليت الناس تضحك على أبوك وهذا ليس من البر هداك الله

ههههههههه مت ضحك

الله يديم الوناسة والمحبه بينكم

إبداع

وبالنسبة للي يقول خليت الناس تضحك ع أبوك من جدك أنت!!!!!
ماتشوف ضحكة أبوه والله ماأتوقعه أبد إنه مجامله أو رحمه
وآضح إن الجو ضحك وفله ولا فيه عقوق ولا شيء شف الملكع مدنق يحب الرأس
أرجو إننا مانصعب البر ولانسهل العقوق بهالتشدق والتزمت اللي ماله داعي

أكرر إبداع ياحمود
أخوك: عبدالرحمن البليهي

الله يحفظ لكم الوالد ويطول بعمره

ههههههههههههههههههههه
روووعهه
واننا منن متااابععينكك بالانستغغرامم
""