|
معلمين و معلمات بريدة يا ليت تسااااعدوني .،!!
السلام عليكم و الرحمه .،
أنا من خريجين جامعة القصيم تخصص لغة انجليزية لعام 1432 سجلت بجدارة و بديت أرتب رغبات التعيين و ودي تفيدوني و خصوصا" المعلمين و المعلمات بأقرب الادارات التعليمية لمنطقة القصيم - بريدة ترتيب رغباتي الحالي حسب الادارات الموجودة و تكون قريبة للقصيم أقصد كذا -: ادارة التربية و التعليم بالقصيم ادارة التربية و التعليم ب عنيزة ادارة التربية و التعليم بالبكيرية ادارة التربية و التعليم بالمذنب ادارة التربية و التعليم بالرس ابغى احد يرتبها لي لاني اشوف تعليم الرس مثلا ابعد قرية تابعة للادارة تكون كم كيلو .،،!! اخاف اصير بعيدة مرره ابغى شي مقدور النقل اليه :).، و شكرل |
طيب في خانات اختيار الرغبات مافي برضو تحديد ادارات التعليم التابعه لتعليم القصيم اللي هي بريدة مثل البدائع الاسياح عيون الجواء ... الخ ؟ اذا النظام الحالي يتيح لك اختيار الادارات الرئيسية فقط ترتيبك فوق هو المناسب |
و عليكم السلام ترتيبك صحيح ، و الرس تبعد عن بريده 86 كيلو للمعلوميه الرس تعتبر محافظه ، و يتبعها قرى اخرى ولها اكثر من طريق من البدائع او عن طريق المدينه - القصيم السريع |
ترتيبك هذا مناسب , لكن لازم تعرف إن كل ادارة تعليم يتبع لها عدة مكاتب لكن الترتيب كذا ممتاز وموقع ادارة التربية والتعليم بالقصيم يفيدك أكثر وبالتوفيق |
بالتوفيق للجميع
|
طيب انا الحين مثلك ابقدم ان شاء الله بس ماحطووو عن تعليم المذنب والبكيريه وعنيزه
وشلون بتحطينهن وهم ماحطووو لهن احتياج !!! ردي علشان ودي ابسجل |
ياختس ترى القصيم بكبرة بكل محافظاته طالب انقلش بالقطاره وانتي مشغله عمرتس بترتيب مناظق القصيم الناس غاسله يدها من القصيم
اكثر البنات بيقدمن برا القصيم مع ان اغلبنا ماعندها محرم بس وش نسوي على الله نتعين ولا يجينا هالقياس انا خريجه انقلش 1431 ماتعينت وقليل من دفعتي تعينو ينعدون على الاصابع وفي بنات تقاديرهم جيد جدا انقلش بالقصيم من عام 1428 ماتوظفو المسابقه التعليميه لقسم الانجليزي فى القصيم صعبه لان كثير من معدلات البنات مرتفعه وفي كثير معهم عنصر الاقدميه يرفع نقاطهم مابي احطمك بس ابي احطك بالصورة اونصحك قدمي على مناطق اخرى اضافه مع القصيم لاتعتمدين علي القصيم وبس يعلم الله انى لك من الناصحين والله يرزقنا من فضله ولا يحجنا لاحد سواه |
الله يوفقك ويرزقك الوظيفة
لكن بأختيارك الرغبات لابد ان يكون على حسب الجدول الي حاطته وزاره الخدمه المدنيه لن فيه من الاختيارات الي حاطتهم مافيها احتياج ابد وبعض المناطق الي اخترتيهم احتياجهها ضعيف اذا كان ماعندك مشكله بالذهاب الا مناطق اخر فيه مناطق احتياجها كثير فرتبي رغباتك على حسب الاحتياج والله يوفقك ويسهل امورك ويرزقك الوظيفه ويرزقك الجميع يارب |
| الساعة الآن +4: 06:14 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.