|
استفسار لطلاب علوم الحاسب بكليات القصيم الاهلية
السﻼم عليكم ورحمة الله وبركاته حبيت استفسر عن حاجه وهي : اني ابي اكمل ان شاء الله بكالريوس قسم علوم حاسب ﻻن معي دبلوم شبكات حاسب من الكلية التقنية ورحت لكلية الشتيوي الي عند المليدا وقالوا نعادل لك 40% من الساعات والترم ب 8000 ريال وﻻزم تجيب معدل 4ونص علشان اقدر ادخل المنحه ! ورحت لكليات القصيم اﻻهلية الي بضراس وقالوا نعادل لك كل الساعات تقريبا والترم ب 14500 ريال !! وعلشان اقدر ادخل المنحه ﻻزم اجيب معدل 2.70 من 5 وحبيت اخذ رايكم : ايهم احسن .؟ ايهم اسهل ك دراسه و كا دكاتره .؟ وايهم احسن شهادة اذا تخرجت .؟ ياليت تفيدوني ﻻني بصراحه تبعت وانا افكر بالموضوع :( |
و عليكم السلام اذا تعرف احد بالكليه يقدر يدخلك تبع المنح .. الوقت ماتمشي وضعك غير الواسطات ،، لآن اعرف كذا شخص دخلها من اول ترم تبع المنح و الله يوفقك |
اقتباس:
اما كلية القصيم الاهلية انا ادرس فيها وبقول لك وبكل صراحه جميع طالبات كلية الحاسب الالي مو مرتاحين ,طاقم تدريس فاشل نصفه بكستانيين والنص الثاني مصاريه البكستانيين لغتهم مو مضبوطه لانهم بتكلمون ب لغة الأردو يعني انسى انك تفهم شيء بس انهم طيبين ومحترمين ويحترمون الطلاب اما المصريين لا شرح ولا اسلوب ولاحتى احترام ماهم جايين يعطونك علم تنتفع فيه جايين بالمعنى العربي يذلونك واحنا زيك اول ماسجلنا قالوا بنعادل لكم كل المواد الي معكم وبعد ماتدرس ينكبونك ويخلونك تعيد تدرس بعض المواد الي قد درستها بالدبلوم الي كان معك ,, وازيدك من الشعر بيت هالسنه تعين عميد جديد اسمه عبدالله العرج هذا معروف انه ضد الطالب عكس العميد السابق الدكتور ابراهيم المشيقح كان منصف ومع الحق |
ومن ناحية الشهادة كلية القصيم الاهلية جميع اقسامها معتمدة
وكنت بحط لك رابط الاعتماد بس ماسمح لي لان مشاركاتي قليله ادخل على موقع وزارة التعليم العالي وبعدين التعليم في المملكة وبعدين الكليات الأهلية التي تمنح درجة البكالوريوس واضغط عليها وراح تنفتح لك صفحة بجميع الكليات الاهليه المعتمده مع تخصصاتها ان شاءالله اكون افدتك |
اقتباس:
وعليكم السلام ورحمة الله اذا تقصد بكلية الشتيوي كلية بريدة الاهلية فاظن انها غير معتمدة من الخدمة المدنية وبالنسبة لكليتنا الجميلة كلية القصيم اوووم النصب والكذب احنا جينا من المعهد التقني ولا عادلوا شي يسوى وندرس مواد دارسينها << لان هذا راجع لمصلحتهم المادية زيادة مواد يعني زيادة اترام يعني زيادة فلوس :41 ومن ناحية الكادر فنحن كطالبات ماعندك احححد من جنبهم اذا تبي هياط وبلبة و وعوود كاذبة فادخل عندنا مصريات اولهم ايناس والبقية :eek5 كذب ونكب ومذلة وبسس : 12 والنوع الثاني باكستانيات صح مو متساهلين معنا بس محترمين ويحاولون قد ما يقدرون يوصلون المعلومة بنفس طيبة ورحابة صدر;) والباقي |
والله ياخوك لا تصدق كلامهم
اعرف لك ناس يدرسون بكلية القصيم الاهلية ومعدلهم 4 ونص ومادخلوا ضمن المنحه لان عدد الكراسي الي معطيتهم المنحه محدود ....طيب ليه ماقالوا لهم هالكلام من قبل مهب بعد مايتوهقون ويدخلون وتعامل الاساتذه هناك بالارض والله ماانصحك تدخل لان سمعتها صايره بالحضيظ ويقولون لك تعامل الجامعات الحكوميه افضل منهم |
السلام عليكم Sale74
ماراح اكذب اخواني اللي فوق كلامهم بصميم وقالوا الحق ,, بزيد على كلامهم ان لي صديقات بقسم علوم واخذين دبلون من معهد التقنيه واحد اخذ دبلوم شبكات تخيل اول ماسجلو قالو لهم وانا معهم قسم بالله قالوا تدرسون سنتين ونص وتتخرجون فرحوا وسجلوا شفت والترم هذا بدايته يتفاجاؤؤؤؤؤؤؤؤوووون انه ثلاث سنوات ونص يعني زادت عليهم سنه كامله الطالبه ماله فايده ابد كله بمصلحه الكليه سنه= ترمين الترم احسب كم رسومه ؟؟!! يعني الخطه تجميع فلوس ومصلحه خاصه واللي اخذين دبلوم شبكات قسم بالله يدرسون مواد دارسنه وما عادلوها لهم كل القسمين علوم وهندسه ما عادلو شي قالوا حذفنا لكم ترم وكل موادالترم اللي حذفوهن رجعوهن لنا مثل الكيماء قلنا ليش قالوا متطلب ام النصب طبعا بتقول انتم طالبات وتختلف الاداره بقولك انه اي شي يسويه الشؤون عندنا لازم يمر على قسم الرجال ومعادلاتنا للمواد جايه من قسم الطلاب يعني ما يشكون خيط ب ابره الا رافعين السماعه هناك انصح لوجه الله اذا تقدر تروح لغير هالكليه او تقدم ابتعاث وتدرس هناك احسن لك على الاقل ما تنظلم ومافيك تدافع عن نفسك... اذا الاداره كذا تعامله بالله الاساتذه وش ترجي منهم؟؟؟؟؟؟؟!!!!! الله يوفقنا واياااااااااااااااك |
السسلام عليكم
مين يريد ملاخصات في جميع المواد التواصل ع الخاص |
| الساعة الآن +4: 12:51 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.