بريدة ستي - تعالوا .. تعالوا .. قصة بسيطة لي مع جارنا حفظه الله

ما أجمل الفضفضة مع من تحب

فخذوا مني هذه القصة التي وقعت لي ..
لا تنسوا قراءة الوقفة الاقتصادية اللي خاطمة بعد القصة .. بتجوز لكم .. ooo1

القصة ابتدأت :

مع جار لي اسمه أبو صالح ، بعد الأمطار الفائتة جميعنا لم يداوم لم يدرس لم يعمل
لأن أيام الأمطار عندنا محدودة ، وبالتالي أيام النزهة كذلك ..
بعد أن صحوت من نومة بعد الفجر والتي أقدرها :41 كالعادة استعداداًت للدوام
وجدت الوالدة الله يحفظها مجهزة الحطب ومتجهه للمشب وعليكم الحساب مع دلة الحليب
فلحقت بها لكي أشعل لها النار وكأنها طلبت المساعدة مني :cool: فاتجهت بعد عملية الإشعال
وتأرجح نصفي على مركى قريب وهاتك شرب من الحليب ، وعندها راق لي أن أسحب على الدوام
كما يقولون ، فاستدنيت الجوال : واتصال عاجل بالمدير كالآتي :

رولكس :d السلام عليكم أبو باسل
المدير:i121 حياك الله رولكس
رولكس:d والله يا بو باسل بدون مقدمات منب جاي اليوم
المدير:i121 خير .. وش السبب
رولكس:d أبجيب للوالدة كبدة وبفطر وبكشت عقبه
المدير:i121 وشو ، وهذا عذر
رولكس:d تبين أتسذب ، أجل بالطواري وما أدري متى أخلص
المدير:i121 لصدقك ولانضباطك بأسمح لك علني ما سمحت لغيرك ، طيب ومعاملاتك
رولكس: 12 عطها حدى ا لشباب وقلهم رولكس يرده لكم أيام العجاج

بعدها طلعت بالسيارة للسوداني أبو إبراهيم لعلي ألحق على الكبده ، وهو معروف ما يرد
بهالأوقات ما يرد إلا أوقات البعير الهرش ..

خرجت وبدون ما أحمي السيارة دست على طول وأتفاجأ بسيارة تقودها حريم بحارتنا :eek:
ولكن استغرابي من دخول السيارة بسرعة بالبرحة القريبة من بيتنا وكأنها عملية انتحارية :oo

عدلت الطارة واتجهت لمهم قلت عسى خير :cool:

وبعد اقترابي اكتشفت أن القائد ما هو إلا جارنا أبو صالح بس أنا يزول لي اللون الأسود
من ثيابه وأيضاً من روعة بالبنت اللي راكبة معه قدام .. وكأنها تحاول مساعدته بالقيادة

وعند اقترابي توقفت ونزلت ووقفت عند سيارتي عندها نزل أبو صالح
وجاء لمي وليته ما جاء :oo

ودار الحوار الآتي :

رولكس:i125 عسى ما شر أبو صالح
أبو صالح:022: هلا بوليدي رولكس سليمة الحمد لله
رولكس:i125 وش اللي صاير
أبو صالح:022: أبد ، الولد أخذ موتري يوم طلع للجامعة وخلى سيارته وجيت أودي البنات(h)
للمدارس وشغلت سيارة ولدي ما اشتغلت وجيت أنتعها ما قدرت للحين
رولكس:i125 بس أبو صالح سيارة صالح تمتيك ما تنتع إلا تسان هي منول أيامكم تنتع :d
أبو صالح:022: وش تقول
رولكس:confused: أمزح يا عم ، بس أنا ما معي اشتراك لكن خذ سيارتي ود البنات
وأبحتريك لين تجي:i125
أبو صالح:022: وش سيارتك ياوليدي عادي وإلا مثل هالي معي
رولكس:d تماتيك ياعم
أبو صالح:022: لا منب سايقه تبنا من هالطماتيك
أبو صالح:022: لكن عسى ما نب قاطعك ياوليدي يوم أنت واقف
رولكس:rolleyes: لا يا عم طالع أجيب فطور وما عندي دوام اليوم
أبو صالح:022: أجل دامك فاضي ياوليدي خل ناخذ البنات ونوديهم تسان ما به عليك كلافه :096:
رولكس:oo صادني أبو صالح وركب البنات وقفل السيارة

عاد طلعت الأخلاق وانضباطية القيادة ومن اللحظات النادرة اللي أستخدم فيها الإشارة
الضوئية :094:

وبعد إيصال جميع ربع أبو صالح قلت تبيني أوديك لقبة رشيد ياعم أو المتحف
لأنه ما فيه تسبدة خلاص طارت الطيور بأرزاقها ،

أبو صالح : وش تقول
رولكس : أبد وين تبي يا عم أوصلك
أبو صالح : البيت يعني تحسبنا بنحتريهم عند الباب بعد :d
رولكس : والله ينكت هالشايب
رولكس : وهاتك يا خض بالشايب لين وصلته لبيته ، على أمل ينزل ما نزل رجل برى السيارة
والرجل الثانية جوه ومن يبي يحلحله عاد ..

ودار الحوار الآتي :

رولكس : يالله توصي شيء ياعم .
أبو صالح : ما قصرت ياوليدي وبيض الله وجهك وأنت من حمولة طيبة وما يستغرب عليك
رولكس : الله يسلمك :(
أبو صالح : إلا يا رولكس أبسألك سؤال
رولكس : سم يا عم

أبو صالح : أنت ما تزوجت
رولكس : :eek: هذا بيدبسنا بحدى بناته ، شكله داخل على طمع :bad
أبو صالح : وراك أسكت
رولكس : ما أسكت الله يجزاك خير ، أقول ما بعد لقينا بنت الحلال
أبو صالح : وراه البيوت ملبده ، وش ما لقيت أخاف إلاك ما هتويت
رولكس : ما بعد جاء النصيب يا أبو صالح
أبو صالح : اجزم وتعوذ من بليس
رولكس : إن شاء الله

أبو صالح :والله إنك من حمولة ومحافظ على الصلاة ، ولا تتن (تدخن) وعاقل
حسب ما أسمع من ولدي ، ما بك عذروب إلا إن مالك لحية ..
رولكس : لا وبعد أصوم رمضان وحجيت وإلى هالحين معي تصريح الحملة تسان تبيه :i121
أبو صالح : وش تقول
رولكس : أبد الله يسلمك
أبو صالح : يالله اجزم بس ويرزقك الله وإلا أبقول لأبوك
رولكس : :eek:
أبو صالح : يمكن الناس يردونك ياوليدي علشان مالك لحية
رولكس : (عندها خربتها بكل أريحية :( ) بس يا عم مالي لحية بس أجي للمسجد قبلك ولا عمره فاتتن
صلاة الجماعة بعكس عيالك الله يعظم أجرك ويهديهم

أبو صالح : وراك زعلت ياوليدي
رولكس : ما زعلت بس أشوفك تعذرب ، فخذ من وآخذ منك
أبو صالح : يا وليدي أنا أتأخر علشان ...
رولكس : ما سألتك الله يحفظك عن تأخيرك بس ، ودي أودي للوالدة الفطور قبل أكشت
أبو صالح :والله إني أعزك ياوليدي بس من حرصي قلت اللي قلته
رولكس :جزاك الله خير ، وإن تسان ما قامت سيارتك لا لقيت اشتراك قبل المدارس تطلع فهذا جوالي
أجيب لك بطارية لأني أبطلع بعد الصلاة ،،،
أبو صالح : إيه والله ما قصرت ، مع السلامة .
رولكس : بمان الله .

قضت القصة ، ولكن لم أزعل من جارنا على نصحه بقدر زعلي على تغاضيه عن طوام مقابل
أمور لا تقارن بها ، زاد على ذلك عدم اختيار الوقت المناسب للنصيحة ، بدليل ردة فعلي
الغير مبررة ، والحمد لله التقيت به في المسجد ، واطمأننت عليه أنه أصلح موتره ، وكذلك
لمست منه أنه ليس في نفسه علي شيء ، ولعدم وجود ردة فعل مرتقبة من والدي حفظه الله ;)

وقفة اقتصادية بعد صدور الميزانية :

يقولون لكم أن الميزانية مثل الحلا اللي يزينونه أهلك إذا مديت إيدك بتاكل
صرخوا عليك هذا مهوب لنا هذا للعزيمة ،،،

ألقاكم ..
رولكس