بريدة ستي - مهم / للي ماختبرو قياس للخريجات والي مقدمات على وظائف تعليمية ..

بريدة ستي (http://www.buraydahcity.net/vb/index.php)

- أخـــبـــار بــريــــدة (http://www.buraydahcity.net/vb/forumdisplay.php?f=66)

مهم / للي ماختبرو قياس للخريجات والي مقدمات على وظائف تعليمية ..

//

اختبار قياس التقديم عليه مفتوح ومن الآن وليس من السنة الجاية ، وأنا قدمت وفتحت ملف لأقاربي وتم القبول ومن ثم قدمت على البطاقة الذكية والاختبار وعطوني موعد الاسبوع بعد القادم لاستلام البطاقة والشهر الجاي للاختبار ، وتم دفع الرسوم وهي 200 ريال ، علماً أنه يوجد بعض الاقسام غير متاحة للتقديم الآن ومدونة اسمائها بنفس الموقع ، فجرى التنبيه لفتح ملف والتقديم على الاختبار للاقسام المتاحة ، فجرى التنبيه ...

رابط التقديم

http://www.qiyas.org/QiyasWelcome/pages/default.aspx

1 الدخول على ملف الطالب والتسجيل

2 مشترك جديد

3 تعبئة البيانات

4 ارسال .... تم فتح الملف ومن ثم تصل رسالة للجوال برقم الاشتراك والدخول مرة أخرى للتسجيل في الاختبار واختيار تسجيل في اختبار المعلمات عن طريق تسجيل يسار بلون أزرق ..

5 تعبئة البيانات وعند الوصول الى فقرة المؤهل يجب وضع ( خريج ) وهي أسفل الخيارات

6 اكمال تعبئة البيانات والاقسام والنسبة المئوية وسنة التخرج

7 لمن ليس لديها بطاقة احوال خاصة أو جواز يجب اصدار بطاقة ذكية واصدارها عن طريق فقرة موجودة بأعلى باسم
" اصدار بطاقة ذكية " ووضع المدينة أو المحافظة المجاورة اذ لم يتاح بالمدينة ويتم تحديد موعد لوضع البصمة واستلامها ، واحضارها عند الاختبار مع صورة من بطاقة العائلة " ..

8 التأكد من موعد وتاريخ الاختبار والمقر وهل هو الصباح أم المساء ..

..والسلام عليكم
//

جزاك الله خير ’’
أنا مع الدفعه الثانيه ,,
لكن هل يلزمني اصدار بطاقه ذكيه ؟؟
يعني ماتكفي بطاقه العائله ؟؟
واذا ماتكفي من وين نستلم البطاقه ؟؟

اقتباس:

البطاقة ضرورية وحاطينها من ضمن الشروط واذا احضرتيها تحضرين معها صورة من بطاقة العائلة ، وهذي البطاقة تقدمين عليها عن طريق ملف تقديمك بقياس مكتوب التقديم على البطاقة الذكية وتحطين المكان بريدة وبعدين يطلع لك مكان الكلية الي راح تاخذينها منها واذا ماطلع في خانة بريدة شي روحي وغيري بريدة وحطي عنيزة ويطلع لك تحت اسم الكلية الي راح تستلمين البطاقة منها والموعد والتاريخ والوقت وخلاص بنفس هالوقت تروحين تستلمين البطاقة من الكلية بعنيزة ، لان بريدة حاولت ماضبطت معاي وعنيزة اقرب مكان

وشولة اختبار القياس ماالمه داعي ...من عمر التعين بدون هالتعقيد .....................
خلوا بناس المسلمين اترزق يعالم لا تعقدونه كل شوي جايبين تعقيد جديد ......

يعطيك العافيه

اقتباس:

المشاركة الأساسية كتبها للآخر معك (المشاركة 3547770)

جزاك الله خير ’’
فعلا بريده ما اضافوا مكان الجامعه ’’
لعلهم يضيفونها قريب ’’
الله يوفقك لكل خير ’’

الحمد الله تم تسجيلي ودفع الرسوم
علماً / من ارد السداد عن طريق الصراف الالي يختار قواتير ورمز الخدمه 008 والله الموفق

جزاك الله خير على التنبيه

تبون الصراحة كل هاللفه والدوران حول اختبار القياس على شان الفلوس وبس ....

والا ليش هالتعقيدات خلاص واحد تخرج يتوظف

اول مره اشوف واحد يتخرج وبعد التخرج يختبر

ياللاسف صرنا اضحوكة امام العالم

الغرب يصنع طائرات وصواريخ والشرق الاوسط ضاع نفطه بلاشي حطو لهم بصفحة العلم تاريخ وحنا بماضينا نعيد النقاااااشي

الله يوفقك يااخوي للآخر معك ويسعدك يارب ماقصرت

سؤال/ غرزت عند المعدل التراكمي :( وش أكتب ؟؟ الله يجزاكم خير
>> خرشت جوجل خرش بس مالقيت جواب مفيد !
نسبتي 75 % وكسور

بالتوفيق للجميع

اقتباس:

سؤال/ غرزت عند المعدل التراكمي وش أكتب ؟؟ الله يجزاكم خير
>> خرشت جوجل خرش بس مالقيت جواب مفيد !
نسبتي 75 % وكسور

المعدل التراكمي اكتبي النسبة واختاري رقم 100

^^
شكرًا جزيلًا لك عسى الله يوفقك ويحقق ماتتمنى

حسبي الله علييهم خلونا نمل تقديم من كثر هالتعقيد الله يعقد راسهم

معليش .. كتبت النسبة واخترت من 100
لكن يقول المعدل التراكمي يجب أن يكون رقمي << تسني كاتبتن حروف : 113:

اقتباس:

المشاركة الأساسية كتبها قـــصـــيـــة (المشاركة 3548066)

معليش .. كتبت النسبة واخترت من 100
لكن يقول المعدل التراكمي يجب أن يكون رقمي << تسني كاتبتن حروف : 113:

حطي نقطه (.)

مثال 75.45

واختاري طبعاً من 100

وبالتوفيق لك