|
الـطـائـر الـجـوال .. والـغـلا
بسم الله الرحمن الرحيم نحن كعملاء نثق بمن نتعامل معه كـ بعض المحلات التي تعتبرها كبيرة نوعا ما ولكن عشمنا يخيب مع بعض المحلات وثقتنا بها تهتز عندما ينالنا بعض "الغبن" ولو كان يسيرا من هذه المحلات "الطائر الجوال" أسعاره تفرق عن البقية وعلشان أكون دقيق سوف أذكر بعض رأيته بنفسي : 1-جوال جالكسي 3 جديد عندهم زيادة تقريبا عشرة ريال عن غيرهم 2- غطاء لاصق لشاشة بلاستيك الاصلي 40 ريال عندهم وعند ىغيرهم 20 ريال وغير الأصلي عندهم 15 ريال وعند غيرهم 10 ريال 3- تحميل البرامج لجوال اس3 عندهم 50 ريال وعند غيرهم 30 ريال 4- الصيانة عندهم مع الأسف يحدث منهم أخطاء مثلا ركبت عندهم شاشة جوال بسعر 550 ريال ولكنها لم تصلح وعاودهم ولم أفلح لإيجاد حل ومسكت الباب ! وقس على هذا البقية غالبا أسعارهم لا مفاصلة فيها ! وليس لديهم مرونة ببيع وشراء المستعمل وطبعا العميل ليس مجبور يدفع هذه الزيادات وعند المحلات الآخرى يجد الفرق وأنا كـ عميل لهذا المحل اليوم قررت تركه لما سبق ذكره وحتى لا يفقد الكثير من الزبائن أوجه هذه الموضوع كتنبيه لمن يهمه أمر المحل التجارة والكسب أمر مشروع ولا بأس ولكن بالمعقول مع مراعاة الزبائن والدقة بالصيانة والله من وراء القصد |
الصراحة انا اعتبرة محل متكامل ....لكن عليه الغلاء....
|
^ كل ما تجده عنده ستجده عند غيره ولكن الغلا والصيانه تجعلنا نفكر في بديل كعملاء |
لاكن المحل مضمون من ناحية الصيانه
|
اقتباس:
مرحبا فيك اخونا سامي بالنسبه للصيانة عندهم هبلوا فيها وانا ماعندي استعداد ارجع لهم كل اسبوع والثاني علشان خلل في النظام مادري عن المحلات الثانيه ولاكن المفترض انهم يبدلوا الجوال كامل بما انه خلل فني في الجوال ولاكن اكسيوم يستبدل الجوال على طول ولا اعلم عن باقي المحلات مع العلم ان اكسيوم دائما يكون مرتفع سعره |
بعض المحلات لمن تجدد الديكور او تكبر اللوحه او تغير الرخام والسراميك ترفع الاسعار على حساب عملائها بدون تقدير لهم ولا وفآء مفروض يضحون على حساب كسب العميل يسلمو |
اقتباس:
والله لا مضمون ولا شيء شيء صار معي ما أقولك قيل لي مسكوني الباب من غير مطرود بعد ما خسرت أكثر من 500 ريال لشاشة وصاحب المحل على علم بما حدث ومحل آخر أكد أن الخلل في الشاشة !! يعني هذا يدل على أن الصيانه عندهم سيئة أو قطع الغيار عندهم مضروب واحد من الأثنين |
اقتباس:
أي خلل بالجوال الجديد مفروض هم أو غيرهم يستبدلونه ولكن بعض المحلات لا تراعي عملائها وترفض الإستبدال ومن كلامك أنك تتردد عليهم من أجل أصلاح الخلل بالجوال هذا يثبت أن الصيانة لديهم ليست على ما يرام سواء برمجة أو صيانة الله يعوضك خير |
اقتباس:
صدقت أخوي وبارك الله فيك |
يعطيك العافيه قلبي
|
يالحبيب لقى ناس تلعب عليهم وشاف الناس ضغط عليه
فهو زاد السعر |
من ناحية زيادة السعر قد نقول تجاره حره والزياده بسيطه لكن لي رأي خاص لهذا المحل كان عندي جوال نوكيا اجي اركب سماعه اصليه من عندهم اروح اجلس 15 يوم تخرب ثلاث مرات تحصل لي شخصيا من ناحية الصيانه ما آثق بهم وقد سمعت أنهم ياخذون قطع اصليه ويركبون اردى تعرفت على يماني امين وصاحب ذمه مبدع ونصوح وللحين اتعامل معه |
بعض المحلات اذا صار عندهم زبائن كثير يطمعون بس ما يعرفون ان الزبائن مثل ما جت تروح والسوق مايرحم الجشعين انا اشتريت منهم جوال ومن بكره رجعته واشتروه مني بخساره اكثر من 300 ريال مع انه الجهاز ما سويت فيه شي بس شغلته ولا عجبني ورجعته |
اقتباس:
وليش ما يكون العكس الزبون شاف نفسه ملعوب عليه في هذا المحل ويتخذ موقف منه الله يعطيك العافيه |
| الساعة الآن +4: 04:27 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.