سرقه الغرفة التجاريه للمواطن قمة الفساد
 

السلام عليكم ورحمة الله وبركاته
إخواني اليوم جأت حملة من الغرفة التجاريه الى المحلات وسجلت مخالفات على جميع المحلات قيمة المخالفة 1000 الف ريال بسبب عدم كتابة السعر على السلع بدون سابق إنذار او تنبيه كذا بس وكلمناهم وقلنا لهم كيف تحرر مخالفه بدون أشعار من قبل او تنبيه قال هذا النظام اذهب وكلم المدير سبحان الله سرقه عيني عينك اين المسؤولين اين الامير من هذا الفساد لماذا تغيرت الأحوال الى الاسواء كلن جالس بكرسيه ويصدر قرارات عشوائيه وسرقة أموال المواطنين
لكن الله لايحللهم ولا يحلل الرضي بهذا الفعل وحسابكم عند الله

صورة الى الامير كلكم راع وكلكم مسؤول عن رعيته

العنوان لا يعكس الحقيقة

وزارة التجارة اعلنت قبل فترة وحتى بالجرايد انه بتطبق النظام بتاريخ 1 / 6 / 1434



أطلقت وزارة التجارة والصناعة حملة إعرف حقك “لا تسأل بكم” حيث أصدرت قرارا يقضي بإلزام كافة المنشآت والأسواق والمحلات التجارية بوضع بطاقة سعر على معروضاتها من السلع.

وتناشد وزارة التجارة والصناعة كافة المواطنين بدعمها بالمساعدة في الإبلاغ عن كافة المحلات التجارية التي لا توضح على أسعار منتجاتها عن طريق بطاقة السعر.

وأكدت الوزارة على التبليغ عن المخالفات عن طريق تطبيق البلاغات المتاح للهواتف الذكية ،أو عن طريق موقع الوزارة الرسمي ، أو بالاتصال على الرقم المخصص لذلك بالوزارة 8001241616.

الجدير بالذكر أنه سوف يتم تطبيق هذا القرار على كافة المنشآت والمحلات التجارية والأسواق وجميع السلع بداية من 1/6/1434 هـ .


و لو مشاركاتي كثيرة كان حطيت لك الاعلان حقهم فديو

و انتشر الكلام هذا بتوتر و الفيسبوك و غيرها و حتى المنتديات و يكفي تكتب بقوقل ( لا تسأل بكم وزارة التجارة ) تشوف


الله يعوضك خير

حسبي الله عليهم صكوني مخالفه ب ١٠٠٠ ريال المشكلة المحل كله مسعر وكانت عندي بظاعة رجيع لرياض وقال حتى الرجيع تسعره ابي افهم من الغبي الي يسعر الرجيع للجملة بالرياض

حسبنا الله ونعم الوكيل

عبدالله الحربي والي ما عنده وقت يتابع اعلاناتهم الخايسة الي عيني عينك سرقة وش يسوي
ياكلها يعني ويسكت تاكد اكثر من واحد قالها والله لا اطلعها من ظهور الزباين شفت وين وصلنا
بسبب همجيت وغبا قرار

انا ما اتمنى خسارة لك أو لاحد ثاني

و الي يقول والله لا اطلعها من ظهور الزباين اقوله كيف بيطلعها من الزباين إلا بالنصب و الغش
و هذي ما يقدر يسويها إذا كان فيه اسعار على السلع أو 1000 ريال غرامة في انتظار التاجر

أنا وش دخلي بتويتر وفسبوك المفروض مثل ما طلعت حملة تعطي مخالفات تطلع حملة للتنبيه وتوزيع أوراق تعهد بالزكام المحل بوضع التسعيرة على السلعة كل المحلات اليوم مقهورين من اللي صار يقولون ما درينا ولا علمونا يعني مهب واحد او اثنين كل اصحاب المحلات يقولون معلمنا بالقرار هذا

لكن حسبي الله على الظالمين اللهم اجعلها في انفسهم يأحي ياقيوم ظلم وسرقه في في هذا الوطن الدنيا تغيرت

[size="6"]لاحياة لمن تنادي




لكن الله حي دائم يرى ويسمع ويعلم

الى الله المشتكى وحسبي الله ونعم الوكيل اللهم ارنا بالظالمين عجائب قدرتك اللهم سلط عليهم الامراض المستعصيه
اللهم ياحي ويقيوم ارسل عليهم اللهم والغم والامراض لكل ضالم سرقه عيني عينك [/size]

لا تعليق

بريداوي وسع صدرك حتا انا مقهور بس وش تسوي

والله يعوضنا كل خير

اخوي دربك تدله / لو كان لك محل. ماجلست. تشكر الغرفة التجاريه

لو البلا و بي أنا كان اقول منب مطلع لكن جميع المحلات كلهم مهب مطلعين المفروض من الغرفة التجاريه مثل ما تطلع حملة للسرقه. ليش ماتطلع حملة وتعطي كل محل إنذار باللي يبون مهب يجون خذوه فغلوه وبعدين حنا ما نعترض على قراراتهم الفاشلة لكن كل كلامنا نبي تنبيه فهمت وش المقصد

بشكرهم لان بتخلص من اروح اسأل العامل بكم هذا ؟ و يرد عليك بغير نفس !! كاني اشحذه
و سبق بلغت عن كذا محل مانزلو تسعيره


بسألك ما تتابع المواقع مثل تويتر و الجرائد ؟ ماوصلتك رساله بالواتس اب بالخصوص ؟
الشوارع بالاشاره فيها لوحه عن حملة [ لا تسأل بكم ]