بريدة ستي - قاعة بانوراما ..الرجاء الدخول للاهمية

بريدة ستي (http://www.buraydahcity.net/vb/index.php)

- أخـــبـــار بــريــــدة (http://www.buraydahcity.net/vb/forumdisplay.php?f=66)

- - قاعة بانوراما ..الرجاء الدخول للاهمية (http://www.buraydahcity.net/vb/showthread.php?t=322991)

قاعة بانوراما ..الرجاء الدخول للاهمية

السلام عليكم ورحمة الله وبركاته ..

حسبي الله وكفى ..

امس كان زواج بنت عمي في قاعة بانوراما الي بالشقة ..

راحوا للقاعة العصر كانت مقفلة ..غير منظفه ..وعيا يدخلهم راعي القاعة واسمه (الاحمد) ..وهم مأكدين الحجز ودافعين الفلوووس كله ..ولمن دخلوا عيا يشغل لهم الكهرب بحجة لازم تأمين ..

وصارت مشكله وهددهم بسكين
وراح استدعى الشرطة ..

راحت الشرطة

لكن تخيلوا مافيه صبابات ..مافيه قهوة ولا شاي ولا عاملات ولا اي شي ..راحت مرت عمي تدق على امي وحريم عمومتي كلن يجيب معه قهوة ..تخيلوا هذا يصير بعرس ..

ولا بعد غرفة العروس خربان المكيف !!!مايشتغل الا حار ...

والادهى من ذلك راح وتركهم مافيه طباخ للعشاء للرجال .. راحوا جابوا من برا للرجال عشاء..!!!!

ونعمة من الله وفضل انهم كانوا حاجزين بوفية من العزيزية للحريم ..
تقول مرة عمي كان مشغلنا ليش ماتاخذون بوفيه من عندنا ..!!!

مرة عمي بحال مايعلم به الا الله تقول هاذي سابع حبة آكله تهدي اعصابه ..

وضعم لايحسدون عليه ..

حسبي الله على راعي القاعة...وبأذن الله ماراح نخليه ..

كتبت هذا للتحذير..وعلى فكرة ترى صايرة مشاكل قبل لهالقاعة ..

ودعواتكم لبنت عمي بالتوفيق ولعل مااصابهم يكون خيرة وتوفيق له بحياته ..

وصلى الله على محمد ..

خير ان شاءالله وش هالمهزله؟
الله يوفق بنت عمك. ويعوضكم خير

والله كانت في بالي هالقاعة لزواج اخوي ،، شكرا على التنبيه ومعوضين يارب

:
*

من الشكوى قرانا عدة ملاحظات .. بعضها متضارب
ويقال العقد شريعه المتعاقدين

وبعض القصور فيها قصور
وبعض المستاجرين .. يبالغون فى الطلبات .. ولايهمهم سلامه القصر
وهنا لا اعرف هل هناك جهه مسئوله عن تنظيم القصور والاستراحات

اللهم وفق الجميع منهم المعاريس ، والمستثمرين

:

اقتباس:

وصارت مشكله وهددهم بسكين
وراح استدعى الشرطة ..

راحت الشرطة

:confused::confused::confused:

ايش الكلام هذآآ ؟:confused:

كلامك صواب يتحمل الخطأ وكلامي خطأ يتحمل الصواب دائماً بالأمور هذي عندي تحفظ شديد

حسبي الله ع من تسبب

قبل كم يوم فيها زواج وشوي يفشل الزواج بسب هروب الطباخين ولم يقلط الضيوف الا الساعة الثانيه عشر والنصف

ستر الله

الله لايوفق صاحب القاعه ويجعله في ماله وصحته
فلقد غث اهل العروس وفشلهم امام ضيوفهم
قاعه تفشل المضيف وتقصر بحق الضيف
والله يستر على الزواجات القادمه في هذه القاعه
وصاحبها المتعنت

مهزله ذا مووب قاعهه ..

الله يعينه على نفسه بسس ..
وشكراً على التنبيهه ..

*

وانا اقرى انقهرت حسافه يخرب الزواج :(

حسسبي الله عليه

مهزلة - يجب الحذر من الصالات والقاعات التي تبحث عن المردود المالي على حساب ضعف المرافق والوجوده

قهر والله لو انا مكانكم كان خليت قاعته مكان عزاه حسبي الله عليه يغث هو وقصره الفاشل

استهبال هذا ...