مأساة المكافآت بجامعة الإمام .. (( صورة مضحكة للطوابير ))
 

السلام عليكم ورحمة الله وبركاته...........

قبل أيام نزلت موضوعا بعنوان (( افرحوا ياطلاب جامعة الامام المكافآت نزلت اليوم )) ولم أكن أعلم بالحاصل والا لكان الموضوع احزنوا بدل افرحوا..

حقيقة مأساة الرواتب مدري ايش اللي عاجبهم فيها .. أغبياء بكل ماتحمله الكلمة من معنى .. يعني مايدرون ان فيه اختراع اسمه حساب بنكي ؟؟؟؟؟؟؟

الله يقلع ابليسهم يمنون به عليك مايعطونك اياه وبالعين قطرة ....
على العموم الغبي غبي والا هذا تصرف ؟؟؟ الموظفين مسوين حالة استنفار قصوى والطلاب الواحد مايكمل حله لعل وعسى يكون ترتيبه بالسرا الأربعين (( محظوظ )) .. ولو أودعوا المكافآت بالحسابات لاستفادوا من الموظفين في أشغال أخرى وأراحوا الطلاب من هذا الهم.. المشكلة تتعقد أكثر بالنسبة للقادمين من خارج المنطقة فهل من المعقول جعله ينتظر أكثر بسبب دريهمات يسيرة؟؟

*******

اليوم هو رابع أيام التوزيع .. قلت قد يكون العدد أقل من العادة .. ولكني رأيته لم يتغير فلم ألبث أن ذهبت إلى السيارة وأحضرت الكاميرا ( وقلت اللي يصير يصير )..
لقيت الطابور طالع من الغرفة ( اللي فيها التوزيع ) إلى الجدار - حوالي 15 متر- ثم يمشي الطابور محاذيا للجدار حتى مخرج عمادة القبول ثم يمشي بخط مستقيم إلى المكتبة - حوالي 20 متر- ثم يصعد الدرج إلى الدور الثاني أو قبله بقليل ..
وجدت فرجة بين زميلين لي في المستراح الأول فدخلت وأخذت صورة عجلى للطابور الخارج من العمادة حتى المكتبة .. ثم لذت بالفرار بعد أن رآني أحد المسؤولين..

http://www.s3f.net/LG/LG/rateb.jpg

علما بأن هذا الازدحام هو لأحد الأقسام فقط وليس كلها ..

والسلام عليكم،،،،،
ميمو

السلام عليكم

صوره اكثر من رائعة

كل ذولا يبون ياخذون

( القرنقش) :D

والله ياانتم ماعمركم

شفتو العيشة ‍‍‍!!


:D


محبك : M O P T A K E R
:)

الله يعين وييسر ..

وفعلا مثل ما قلت:
فيه اختراع جديد اسمه (حساب بنكي)
لكن لعلك ترفع للجامعة تعلمهم عن الاختراع
يمكن ما يعرفونه الى الحين

الله يرحم المسلمين
 

والله فعلا عالم ضايعه بجامعة الامام
كل حقوق الطالب ضايعه
الدكاتره ضلمه وضالمين
الجامعه تحتاج ترتيب جديد
ليش الاهمال كل هذا
المشكله ما احد يقدر يتكلم لان الي امامه مقتنع بقرارة نفسه انه احسن الناس

والله أنها لمأساة

إلى متى تحل هذه لقضية ؟؟؟؟؟؟؟؟؟

صورة روووووووووووعة مشكوور يا ميمو

ميمو الصراحه مالك حق

ظلمت الشباب في قسم اللغة العربية

اكبر سرى بالعالم كله

تقريبا 5000000000000000

طابور مهب طالب

وكل يوم تلقاه اكثر من الي قبله

وانا الصراحه عندي اقتراح إذا ما سمعت الجامعه

بهذا النداء

الصراحه ان قسم علم النفس الوحيد الي يشهق

الصراف لاجاه طالب يبي راتبه

فاضي ما به احد

ولا نموت عرق من القهر واخر شيئ

يالله الدوام انتهى تعالو بكرا!!

اللهم لك الحمد على أن أنجيتنا منها وأخرجتنا سالمين .

الشباب الله يجزاهم خير ..

وسعوا صدري ..

أحسبه بس أنا داج ... واثر الجماعه كلهم خويا ..

*************

وين أنت يا مدحت ..

تدري أن أم شباصات يحوّل له الراتب بالحساب سيدا .. وحنا هاللي تشوف ..

والله أني طلعت الله ما أخذته ..

بغيت أحلف ما آخذه ..<<<<<<<<<<<< شّلق . كثّر منه . مهب علينا ..


وما قصرت ميمو ...

ميمو دبرنا ما طلعت الصوووورة ،،
وأبشركم اليوم السروات خفيفة ،،، بقسمنا ،،

يعني قدامك بس حوالي 30 واحد ههههههه

بس جاهدنا لما وصلنا الدرهم ،،،




ايه ........ الله يسهل ومثل ما قال المعاصر أم شباصة يحول لرصيده وحنا نمسك سروات >>جمع سرى ههههههه

ياشباب لايصير طموحكم فوق المعقول يعني ( impossible ) وشو حساب بنكي ورصيد والطـــــلاسم ذي .......

خلونا على هالوزنة أهمممممم شي _ لاتقطع المكافأة_ صح إنه دريهمات معدودة


لاكن هذه الدريهمات وإن قلت تحل أزمات وإن كثرتooo1

السلام عليكم

مرحبا بالجميع.....................................

الحليل: البلا من جهازك حاول ثانية..




ألف شكر لكم كل أبوكم

لا اله الاالله
هذولاء كلهم يبون المكافاءه:confused:
والله ياخي هالزحمه مهب معقوله
والله أني لوشفت الصوره قبل كذا كان أقول أنها
صورة في أحد المستشفيات ((المواعيد))
أو للضمان الاجتماعي
أو رواتب المؤذنين

ميمو ///////

ياسرعك انا حررت ردي بسرعة يعني طلعت الصورة ،،،

شكل لك مراقب هنا ،،،

أعوز بالله ِ>> جار ومجرور

اللهم اخرجنا منها سالمين