|
مهزلة في بريدة أبطالها الدوريات الأمنية والمرورورجل من أهل الدين
قبل قليل وأناأكتب الكلام من جوالي
اتصلت بي زوجتي ومعها ابني وهم جميعاً مع السائق صدمهم صاحب جيب ولوحته نحتفظ برقمها لدينا اتصلت أم فيصل بالشرطة وحضر4 أشخاص وتداولوالحديث مع السائق ومن ثم معها لعلها تخرج بنتيجة ولكن للأسف 4 من الأمن مكانك سر يفاوضون على قيمة الصدمة وتكلفتها لاتهمنا التكاليف ولكن يهمنا رجل الدين الملتحي صاحب السيارة جيب واللذي معه زوجته فبدلاً من التحمد بالسلامة أطلق لسانه على زوجتي بالدعاء لن أذكرماقال ولن أصدق ماقالت زوجتي ولكن مارأته عيني أن الصدمة من الخلف يعني صاحب الجيب هوالمخطيء عموماً الخطأ واردوليس معصوم من الخطأ ولكن التلفظ بتلك الألفاظ ليس له فايدة هوعلى ماأظن يسلك أسلوب ((( قابل الصياح بصياح تسلم ))) أمابخصوص المرورومالحق بنا اتصلنا بالرقم 993 وحضرت سيارة فيها شخص محترم ومكتوب عليها المرور وأخذالرقم منا وبلغ عنه وصورالسيارة وباشرعمله وننتظر النتيجة هذا ماحصل لنا اليوم ببريدة |
الحمدلله على سلامتهم ،،،
|
الحمد الله على سلامتكم للأسف ذوو اللحى في هذا الزمن هذا كانو سابقا أصحاب وقار قديما لكن الحين بعضهم خرب على بعض |
الله يسلمكم جميعاً من كل مكروه
أمابخصوص ذكري للحية ليس تقليل منها بل احترام وترفع لها عن مايصدرمن ألفاظ من شخص يربيها فاللحية تحتاج لسان محترم ليعلوشأنها لالسان بذيء يحط من قيمتها |
الحمد لله على سلامة العائلة
المرأة تنظر منك أفعال الرجال لذلك لاتخلي حقك أدب ها الحيوان الي يتلفظ على مرأة |
هالحين وش النظام ؟ كل من يتهاوش مع أحد يجي ينزل موضوع بالمنتدى عادي ؟!
المشاكل واردة طبيعي ما لنا علاقة بهالمشكلة خصوصًا بالعربي هي مشكلتك وحدك ياخي حنا وش دخلنا ؟! وش نستفيد من موضوعك ؟ بارك الله فيك رح ادبغ رجل الدين لما يعض الأرض و خلصنا . |
الكل مع صاحب الموضوع سب اللحيه فو فقتو ليش فرحتو كإن اللحيه هي السبب طيب سمعتو الطرف الثاني طبعا لا ...وهاذي مشكله انك تسمع من طرف واحد لاكن الكل فرح لانه سب اللحيه وبعدين ترى الكل رجال دين ولله الحمد وهذا رد على كلمتك رجل دين وبعدين لو كل واحد صار له مشكه وكتب كان متلقى مكان تكتب موضوع من كثرة المشاكل شكلك مشحون ؟ |
عشان ماتتحمس على شي ماشفته
خذ الموضوع من زاوية ثانية يمكن السواق ضرب فرامل فجأة وراعي الجيب صدم فيه وطبيعي رد فعله هواش |
أحسنت تريد أن نحيك على ماكتبت هذا شي محزن وذا كتبت من الجوال هل يفرق اذا كتبته الان ولا في وقت اخر وثانين الي تخجل من نفسك وأنت تسب اهل اللحيه وترك اللحيه سنه وهذا رفع لي شئنه ولايكون معصوم من الخطاء كل أنسان خطأ هو شخص مثلك :وشكلك معادي الملتحين ونا ماشوفه مخطي وحنا ماسمعنا الي من طرف واحد الله يعلم وش الي حادث ومن المخطي وأيش الحديث الي دار بينهم وفرحان ان زوجتك راكبه مع سواق لابعد ليش مارحت أنت تشوف الحادث ؟؟؟ وياليت تحفظ المشكله لي نفسك لانه شي خاص وتافه لنا ونت عندك هدف تبي تاصله لكن الله يحفظنا وهل الدين الملتحين تاج روسنا |
وش دخل الدين واللحى بالحادث يعني اللي ملتحي وملتزم مايعبر عن مشاكله وانفعالاته عجباً وجاي كاتب معروض عن خزعبلات السواق وزوجتي وبكل وقاحه تبري سواق مامسك السياره الا ببريده والله العالم
|
اقتباس:
كلام سليم ، { فلماذا نريد ان يكون اصاحب الحى ملائكه } عموما الخطاء غير مقبول من اى شخص وقفه : + ماقبله يجب الانتباه للسواقين وخاصة لاصار مع امرأه >#< فالمرأه تقود الجميع السواق والسياره والبيه .. يمين شمال " مثل المساحات " x- الدوريات الامنيه والمرور ورجل الدين غلطانين .. والسواق وزوجه البيه مُصيبين .!؟؟ ياقلب الطيبين ، . |
اعانكم الله
وش الجديد من ممن تضاهرو بالتدين وهو منهم براء بكل امور الحياه واقرب مثال مما شاهدت رجال الهيئـه فافعالهم تناقض هيئاتهم |
الحمد لله على سلامة العائلة
يمكن السواق ضرب فرامل فجأة وراعي الجيب صدم فيه وطبيعي رد فعله هواش |
ههههههه اللي صادم السواق واللي منقهر من غشامته الرجل الملتزم والمرور حل المشكله ونت مشحون من زوجتك والمطبلين طبلوا يعني ماله داعي الموضوع
|
| الساعة الآن +4: 01:30 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.