|
نقاش عن عمل المرأة في هذا المجال
السلام عليكم ورحمة الله وبركاته انا حابة اتناقش وياكم بخصوص موضوع عمل المرأة موظفة استقبال بمستشفى او مستوصف واختلاف تقبل المجتمع و كلام الناس عليك انك موظفة استقبال مو راحمينك بالكلام طيب انا اخاف ربي وحافظه نفسي خايفة ع اهلي ورايحه ادور لقمة عيشي فيها شي مارحت لشي حرام ناس حولي وناس تناظر شسوي الناس ماترحم حتى الي في قبره تكلمو فيه اكلووووه اكل قطعوه وهو ميت في قبره مايدري بس حسنات تجيه ولله الحمد الناس ماتشوف شي صغير الا تخلي من الحبه قبه ع قولتهم يعني مجتمع (بايخ) سامحوني ع الكلمة بس غصب وربي الحمد لله قبل كنت ع مكافاة واصرف ع نفسي و7 ومن اهلي وانقطعت من شهرين عشان تخرجت رحت بقدم ع وظيفة قالو ماتقدرين لا لازم قياس ونظام جدارههه يوههه عاد ي جداره هذا الي معذب الناس وحده لها 9 سنين متخرجه والى الان مالقت وضيفة وش حكمكم بهذا يحق لها تسوي الي تبي من وين تصرف انا اقولكم ابوي عايش الحمدلله بس ماعنده الا تقاعد ولا يعطينا منه شي هوش نبي ناكل نبي نعيش يقول من وين اجيب لكم مامعاي شي والله وربي اني صايمه الست افطر تمرة واتسحر مكرونهه الحمدلله ع النعمه كله فضل من ربي يجني ابليس لحظات يقول انتحري اوفتكي من العيشه هذي بس اتعوذ منه واستغفر الله ماابي اخسر الجنه ي نااااااااااااااااس فاليش تصعبونها علينا ليه ماتراعون حال بعضكم ليه ماتساعدون بعضكم ي ناس ربي يقول ارحم من بالارض يرحمك من بالسماء يعني الاستقبال لقمة عيش بالحلال وانا اخاف ربي والشباب يبون البنت الي تعطيهم وجه اما البنت الي تحافظ ع سمعتها اتحداكم يقربههها وانتظر ردودكم ونقاشكم ربي يرزقكم ويسعدكم ويسهل اموركم |
من وجهة نظري ماافيها شي مادامها لقمة عيش بالحلال فالحمدالله وبالنسبه لكلام الناس مامن سلامه طيب احسدوك ردي سبوك اهم شي رضا الله سبحانه وبعده رضا والديك والباقي بهواهم وكلام الناس اخر شي بس اهم شي تستخير ووتتقدم والباقي على الله والله يبي يرزقها من فضله الواسع
|
انا من وجهت نظري انك تجلسين في بيتك معززه مكرمه وبلاش من هالشغله
وعلى نياتكم ترزقون والله يجيب لك اللي ابرك منه |
* اخت ريم بخصوص انتظار الوظيفه !! مع الاف الخريجات هناك الاف من شباب القبائل العاطلين و بدون وظائف فمنهم ينتظر ومنهم لقى حتفه " في الجهاد " ومنهم من قبض عليه بالمخدرات والله يستر من جهاد النفس " فالصبر حدود وانفجار.. وبخصوص وظيفه الاستقبال وقولك ان الشباب مايلتفتوت للبنت الملتزمة ) اقول ما بعد وصلنا هـ المرحلة فالناس اصلا لديهم عدم راحه للعمل بالأماكن المختلطة يعنى هـ الوظيفة وجع راس .. والباقي عليك وبخصوص قولك ؟ انحدار يعنى هالكلام يقال من من هو بعيد عن الله .. وقريب ومنحدر مع الشيطان روشته شرطيه , قال الله تعالى: (ومن يتق الله يجعل له مخرجاً، ويرزقه من حيث لا يحتسب)... * اللهم ارحمنا ووالدينا وجزاهم عنا كل خير |
طيب اختي فيه اكثر من مجال للعمل بس بدون اختلاط لانه بصراحه فعلاً شغله فيها اختلاط وتبادل كلمات وكذا
مثلا فيه معاهد الان بحاجه سكرتاريه ورياض اطفال مجمعات خيريه كلهم يفتقرون للاداريات ولا عمل ذاتي مثلاً اذا بامكانك تشاركين احد بفتح مشغل منك الشهاده ومنهم راس المال ولا تشوفين ذا اللي يقولون باب رزق جميل ولا كثيير فيه بس يبي شغل وتفكير |
منو قالك كل الجمعيات الي عندنا دقيت يقولون مكتفين مانبي
موظفات خلاص والمعاهد برضو اصلن خليتتها ربي يرزقنا غيرههها يارب |
ما فيه شي اذا سلمت من الاختلاط مع اخذ بالاعتبار حسب قول الكاتبة رزق لكن بشرط
غض النظر ولبس الكف - والثقة بالنفس - حتى اعين الاخرين تهرب منك - ولان اليد غالبا بدايت التركيز- بسذا اعقليها وتو كلي على الله |
أنا لا يعجبني المرأه التي تعمل مع رجال . تعمل لوحدها أفضل وتكون محتشمه وتكون مثل الشرطي ما تعطي أحد وجه.
الله يوفقك ويعينك على الحياة ياأختي .شكرآ على الموضوع. |
وقرن في بيوتكن .... الآية ..
ومن ترك شيئاً لله عوضه الله خيراً منه .. ثقي بأن من رزق غيرك سيرزقك ولكن لابد من الثقة بالله .. ! الله يوفقك .. |
الله يهديك ما ابي اقول كلام يزعلك
اختي الاب والام خط أحمر لايجب عليك ان تتجرئي بأي كلام ومثل ماقالت الاخت اقتباس:
وانصحك ابتعدي عن تانيبهم حتى في داخلك اعتزازك فيهم دليل وعيك واكتمال عقلك طبعا انا لن اعلق على الموضوع فقط احببت تذكيرك اختي بالشيء الاهم من الوظيفه وكل شيء بالدنيا الأب(h) والأم(h) |
اقعدي في بيتك ابرك
|
|
وعليكم السلام ورحمة الله وبركاته
أولاً : أنا أحبك :) ثانياً : أنتِ أعلم بحالكِ منا فإن رأيتي فيكِ القدرة على العمل في مكان مختلط والحاجة الماسة إليه فأقدمي عليه ، وإن كُنت مؤمنة أن طالب لقمة العيش تُقوّية الظروف وتجعل منه إنسان قادر على تجاهل الكثير من أخطاء أفراد المجتمع . |
لا أنصحك أبداً بوظيفة الاستقبال بالمستوصفات أصبري وأحتسبي وأطلبي الله سبحانه العون ماتضيق إلا تفترج |
| الساعة الآن +4: 05:34 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.