يابنات احذرن من أساتذة الجامعة
 

مواقف حصلت لي ولزميلاتي....الدكاترة يعطوننا أرقامهم باسم الاستفسار والخقيقة إنهم يعاكسون...يابنات أنا كنت أدرس ماجستير لغة وكان فيه دكتور يمدح بنا ويسب الطلاب والحقيقة إنه كذاب
كان يقول لنا درجاتكم مضمونة بدون دراسة وأنا أبحث لكن
كان يقول الكلام للطالبات اللي يكلمهن وأنا وحدة منهن وبالأخير عرفت قصده الخبيث لما بدأ يتغزل بي
والحمدلله ماعرف زوجي...والله لو عرف كان طلقني وذبخ الدكتور
والله والله إني صادقة
المشكلة البنات ماهمهم إلا الدرجات...وكثير بنات يلعبون عليهن
والمشكلة الجامعة ماتعاون معنا والمصيبة إن اللي يغازلون يستغلون مناصبهم والله بعض الدكاترة اللي يغازلون رؤساء أقسام وفيه واحد صار عميد
لكن نا أقول إلا خسبي الله عليهم
والمشكة صاير مغازل وشغلة مراهقين بين الدكاترة عشان يكسبون ود الطالبات
والله إن المشكلة صارت مع بنات كثار الله يستر عليهن
وعندي شهود من بنات بالشريعة واللغة والتاريخ...والخافي أعظم
ياليت تنتبهون يابنات
والله إني أكتب الموضوع وأنا محترقة قهر

ياليت ينشر الخبر للتحذير
 

أتمنى يابنات...مايتوقف الخبر عندكن..أتمنى تفعلن خير وتنشرن الخبر عن جامعة القصيم اللي تكاد تكون بوابة فساد لمجتمعنا المحافظ....وياليت تطالبون إنه مايدرس البنات إلا دكتورات حتى لو استدعى الأمر التعاقد مع دكتورات من الوطن العربي
الله يوفق من تسعى بالخير

تحياتي

الله يسستر على بنات المسلمين يارب
المفروض الوزراه تعين بنات على انهم طالبات مهمتن
مراقبة الاساتذه الرجال بالمحاظرات

بس وش نقووول ليتنا نسلم من ظلم الدكتورات

طيب اذا كنتي متأكده بلغي الهيئه.قبل يقع الفأس بالرأس.
وهذي بحد ذاته مشكله لمانعرف حقيقه هالكلاب ونسكت عنهم.
ياأختي ضروري تبلغين عنهم .

مشكورات خواتي...لكن وشلون أبلغ الهيئة...
ياخواتي والله ان ظلم الدكتورات أرحم من واقع الدراسة عند الرجال اللي مالهم من الرجوله الا الاسم..قسم بالله يستغلون البنات ..الله لايوفقهم...أتمنى حملة تشهير بأسماؤهم عشان يوقفون عند حدهم ويكون عقاب لهم وموعظة لغيرهم..وكذا تنظف دراستنا ويسلم تعليمنا من هالاشكال

صادقة دائما الرجال عندما يجدن الفرصة يتحرشون بالنساء مهما كان موقعهم .حسبنا الله ونعم الوكيل .

لابد من التبليغ عنهم يأاختي الساكت عن الحق شيطان اخرس.
والدكتورات اللي يظلمنكن عليكن بسهام الليل فأنها لاتخطي ابداً. ومن ترك شيئ لله عوضه الله خيراً منه.