|
-*-*-*-(( صور إحترافية .. محاولة مستشارية !! ))-*-*-*-
بسم الله الرحمن الرحيم ،
السلام عليكم و رحمة الله وبركاته .. قبل البداية .. الي يبي يقول الزاوية ( مستهلكة ) أبا أوريه نجوم الظهر !!:D :D هنا ثلاث صور .. اليوم الأحد 17/12/1424هـ الصبح .. العالم بالمدارس .. و حنا يالله لك الحمد نرعى من هالبس باس .. أهم شي أخوي عدسة مصور .. يالله يمديك تاخذ حقك من الإنتقدات الي جك من ooo1 الصورة الأولى : http://www.s3f.net/tarkf/amhzm1.jpg الصورة الثانية : http://www.s3f.net/tarkf/amhzm2.jpg الصورة الثالثة : http://www.s3f.net/tarkf/amhzm4.jpg طبعا ً الكمرة إستعرتها .. من أحد الشباب .. الله يجزاوه خير .. |
[c]الصور لم تظهر لي [/c]
|
أخي :
الزاوية مستهلكة===>يالله ورن نجوم الظهر===>وربي على العناد::: الصور يبدو لي أنها جميلة لكن للأسف شافتك كده قالت أبصير أكد منه:D:D:D:D أبا محمد الصور ماطلعت ::: دبرنا::: |
بنت الجنية و المرصاع ..
السلام عليكما و رحمة الله وبركاته .. هناك مشكلة بالرابط .. و قمت بتعديلها .. حدث الصفحة مرتين أو ثلاث .. |
ام عااد الصوره الثانيه
ما اقول إلا يالله الجنه يابعد سبدي ادري اني طماع بس الشكوى لله لو فيه لقطات فديووووو ما شاء الله تبارك الله صور احترافيه اعرف انك باقي شوي وتغطي علي!!! |
أقول المستشار ::
ماتحملناك بالصوتيات تجي الحين بصور بعد ;) ;) ;) ;) ;) على العموم محاولة جيدة .. لكن كنت أتمنى أنك أرفقت صوت مع الصور :D :D الصورة الأولى لو يشوفونه وكالة العيسى تسان يشرونه بمليون :cool: :cool: <--------- وش دخل العيسى بالهيلوكسات ;) أجمل الصور الثانية , لكن لي تعليق عليه وهو أنك حاولت تبين الزهرة وتشوش الخلفيه وهذا يتم باستخدام خاصية الماكرو .. لكن أنت عكست الدنيا وصورت الخلفية واضحة والزهرة مشوشة ... بإنتظار المزيد يافنان الصوت والصورة :D :41 أخوك المغدور به : :(:(:( ذيبان |
وعليكم السلام ورحمة الله وبركاته
قبل الرد على موضوعك الجميل اخي المستشار وبما اني شفت اخوي المنطول ذيبان صاحب البسمه المكسوره والكمره المسروقه والضحكه المغدوره بهذه المناسبه احب اعزيه بكمرته واقوله احمد ربك انه بالحديد مهب بالاوادم :D الله من واحد وواحد انسرق ملحقهم والله من واحد وواحد سرقت دبة الغاز من استراحتهم مهب عاد انت وكمرك !!! <=== الاخ يعزي والا يتشمت ؟!! ( وجه مستدير ) تصدق ياذيبان تصميم سُرقت كميرتي يوحش خاصه اختيار الالوان اسود واحمر السواد لون الحزن والالم والاحمر لون دم الضحايا بهالعيد والله يا انت مزجت الثنين بطريقه احترافيه تنم عن ربط الواقعه الاليمه بهالمناسبه العزيزه على المسلمين وهي ذبح الاضاحي <=== والله ياهو طلع على الردميه وبزخ بعبارة السيول :D ارجع واقولك مره اخرى كل عام وانت بخير قصدي احسن الله عزاءك بكميرتك ياذيبان وعساوه ان شاء الله اخر الاحزان بمان الله :) <=== جحد راعي الموضوع :D |
هههههههههههههههههه
معليش يا المستشار زاد اقول وش انا ناسي :D وشلونك يالمستشار ؟ عساك طيب ؟ وين حقنا من الضحايا؟!! :) نرجع لموضوعك وصور البس باس :) اجل طايحن بالتصوير؟ الحين ماهضمناك بالفوتوشوب والاناشيد تبي تبلشنا بالتصوير؟؟!!! ياخوي اركد على شغله وحده مهب كل ماطلعت تقنيه حديثه طمرت تسنك مقروص ورحت تجربه خلك ثقل ترى اكثر الاعضاء شرهين عليك ويقولون وش هالمطفوق :D على العموم مدامه المحاوله الاولى والاخيره ماودي اكسر مجاديفك وابرد عليك رد على مايقولون جبر خواطر :D <=== لا تخليييينا ياراعي الموقع :) بسم الله نبدأ :) http://www.s3f.net/tarkf/amhzm1.jpg اما هالصوره ماله داعي ابد المواتر مالين منهن بالديره مهب تلحقنا بهن بالبر ؟؟!!! ومن زين الطبايع الارض بالصوره مابه ربيع يعني صوره تحس انه جايتن عرض أو عن قولة ماصورنا الموتر :D بس خل عنك زاوية التصوير توحش جايه على شنق بس لو الله كتب وصبرت لين يخطم بعير بخلفية الصور عشان تطلع الصوره اكه لكنك استعجلت الله يهديك <==== يبيهم يقعدون ثلاث اسابيع يحترون بعير يخطم :D نجي للصوره الثانيه :) http://www.s3f.net/tarkf/amhzm2.jpg اما هالصوره وقسم بالله توحش توحش توحش لين دليم لقطه احترافيه ولا تصدر الا من مصور متمكن وصاحب خبره اشك انك سبق واشتغلت باستديو تصوير مثلا تشخص للي يجون يصورون :) والا تشب لمبات الاستديو :) والا تقص الصور اربعه في سته اذا حمضتوهن :) المهم انك اشتغلت باستديو خل عنك .. والله ياهالصوره مثل ماقلتلك توحش ذكرتن هالصوره بنشيدة وردتي وردتي :) تصدق هالصوره تصلح غلاف لدفتر واجبات عندي لك راي وراي ماتشوف حدا هالمكتبات ( القرطاسيه ) اللي بحارتكم وتعرض عليهم هالصوره وتقترح عليهم يطبعون دفتر واجبات ويكتبون عليه اسم المحل وصدقن تبي تستفيد ماديا واول الغيث قطره الراجحي وهو الراجحي اول مابدأ حياته صراف بسيط ومع الوقت والصبر صار مثل ماتشوف لاتحقر روحك ياخلفهم وزين اللي قلتلك <=== يبيه ينجلد :D نجي للصوره نبر ثري :) http://www.s3f.net/tarkf/amhzm4.jpg اما هالصوره ابدااااع وخيااااال ياخوي منين تجيب زوايا التصوير هذي <=== يسمع بزاوية التصوير :D عندي احساس انك تمشي وعدسة الكمره بعينك بهالصوره تسنك مطمبس وتدور فقع والا تدور شيء ضايعن منك لانه لقطه جايه من اعلى مباشره بس خل عنك .. لقطه رهيبه بقوه اقترح عليك تروح لمطبعه وتطبع هالصوره على شكل كرت معايده وتكتب عليه ( عيدكم مبارك وكل عام وانتم بخير ) وتطبعه لعيد الفطر الجاي والله يا انت تبي تكسب درهمات :) عاد لا تنسان من النسبه تخبر انا اللي شايرن عليك بهالرأي <=== الله لايعيدك انت ورأيك :D هذا مالدي وصلى الله وسلم على نبينا محمد والسلام عليكم ورحمة الله وبركاته <=== يحلفون انه واقفن على منبر جمعه على هالهرج :D :D:D :D |
ياكثر قرقك يابرجس
وااااااااااااااااااااااااااااااااويلي أقول خل نمرح بعفيف أحسن بس أحسن الله عزاك أخينا ذيبان وخيره بغيره وبدل الكاميره خمس <ّ<ّ<ّ أبو يهدي ولده صادم :D إوالله ماتدري وش الخيرة به يمكن به شر ينتظر أشر من سرقته ماتدري يقالي كثير قرقي حلوات الصور بس خلك بالهندسه والتصميم أزين واااااااااااااااااااااااويلي |
الباشق
قداااااااااام ياخلفهم :D |
يسعدلي مساءك حبيبي " المستشار "
تقدم جميل جداً .. والصورة الثانية جميل فيها الزاوية .. إلى الأمام سوياً .. لك خالص محبتي .. oweyd |
ماشاء الله ... إبداع ...
الصورة الثانه إبداااااااااااااااااااااع .... انت تبي الورده صح ... :) |
صور خيااااااااااااااااااال يالمستشار
ومشكووووووووووووور على الصور لكن صورة الجيب لم تعجبني :D :D :D :D :D :D |
-*-*-*-(( #ابومالك# ))-*-*-*-
هههههه شكرا .. لك .. أنت أستاذنا في كل شي .. -*-*-*-((ذيبان))-*-*-*- تخيل صوت .. بس تصدق الصوت حركة .. أبا أدخل أم سويد .. و قال الشاعر البدوي .. //*// يا أم سويد يا منافقيه .. .. كم من واحد بالبر قتل خوية //*// و أما بخصوص ... الماكرو .. أنا كنت أدري أن الكمرة الي معي تحمل هذه الميزة .. لكن .. خويك ما يعرف له .. :D وبشأن الكمرة .. بتعتك .. أصبر و أحتسب .. ب -*-*-*-(( برجسوه ))-*-*-*- و جع .. أنت شكلك قاعدن تنقل من دفترالتعبير حقك .. كيف قضية العطلة ؟!! ندااااااء إلى المشرف العام الرجاء نقل رد برجس .. إلى الطرائف .. هذا . . موضوع متكامل .. -*-*-*-(( الباشق ))-*-*-*- و الله أنك صادز الهندسة أحسن .. و الله شفت التعزر .. و الويل .. يا ما أنجضعت ذات اليمين و ذات الشمال .. وشكرا .. لك . . -*-*-*-(( oweyd ))-*-*-*- أشكرك من الأعماق على الرد .. الحلو .. و الصراحة ما أدري .. و شلون خطمة الزاوية الي أنت تقول .. يالله قوه إلى الأمام :D -*-*-*-(( الزهبي ))-*-*-*- و الله أنت الي إبداع ... أيه صح أنا أبي الوردة .. و أبي سلامت عمرك .. -*-*-*-((الإعصار))-*-*-*- وووووووينك يا مسلم .. أنا قلت أكيد الرجال به بلا .. بالعادة ردك هو الأول .. يجي أيقونة إضافية من المنتدى .. هالمرة ... بغينا نفقدك .. أما صورة الجيب .. ما أعجبك .. و الله أنك إن سان محترم .. قل عن الصورة الي تبي بس كل شي و لا توقل لي .. الزاوية مستهلك .. و شكرا .. لكم .. |
| الساعة الآن +4: 12:32 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.