لماذا في القصيم فقط
 

كثرة نقاط التفتيش داخل المدن والمحافظات والطرق التي بينها


لماذا في القصيم فقط

أعتقد والله أعلم بان بريدة هي من أكثر المدن عشوائية وغير منضبطين بتعاليم المرور لذلك تكثر فيها المخالفات المرورية .
وكثرة التفاتيش هي من صالح المواطنين الذين لا يشتكون من اي مخالفات وأمورهم عاديه ونظامية ، فلماذا التضجر ؟

ههههههههههههههههههههههههههههه
خف علينا تراك من قنيزة

لم تصدق يامحمد في كلامك

انا عملي في بريده ولن اجاملك او اجامل احد

القياده في بريده افضل من غيرها بكثير واخلاقهم عاليه بالاغلب وناس طيبين

للاسف اجد بعض التجاوزات وقطع الاشارات في عنيزه اما بريده فالانتظام من وجهة نظري اكبر بكثير


والاخ صاحب الموضوع مادري وين التفاتيش اللي انت تقصد بالعكس اشوف بريده هاديه وقليل جدا التفتيش عاد مادري بوقت الاجازات وش يكون الوضع هل تزدحم او لا لكن بالايام العاديه قليل اشوف تفتيش

لاتبلش بنا
خلكم ابحالكم
وراكم ماتضبطون مهرجانكم الي الدخول اب5 ريال الواحد

وشباك تذاكر وسالفه :cool:


:d

الاخ التميمي اذا ما هو عاجبك المهرجان ما حد ضربك على يدك وقال تعال رح لربيعكم قصدي مهرجانكم
الي بالطرفية !! الاخ تيتشر ما صدقت في هذا عنيزة يحصل فيها بعض التجاوزات لكن ورب الكعبة لم
أشاهد همجية وقيادة متهورة وانتحارية وقلة الادب وضرب البواري والتكبيس بشكل جنوني الا ببريدة خل نكون
واقعيين خصوصا في طريق الملك فهد وعلى الدائري همج بمعنى الكلامة انا قبل فترة كان عندي شغل
ببريدة وكنت ماسك الدائري يوم جيت أبي اتجاوز شاحنة الا وراعي سوناتا مدري من وين طلع أحرقني
بالتكبيس ويلزق صدامه بصدام سيارتي الخلفي شوي ويصدمني لا والمشكلة يهاوش !! يعني ادخل
في الشاحنة مثلا عشان بس أخليه يتجاوز ؟ أما بخصوص التفاتيش عندنا وعندكم خير

الصراحة وللامانة اشوف ان عنيزة ارحم من بريدة .

بريدة اشوف فيهم سررررعة بالسواقه غير عادية وفيهم قطع للاشارة بشكل غريب ومريب ومخيف لذلك انا اذا رحت لبريدة وفاتحة الاشارة لازم اهدي على الاخر كاني بتقاطع مو باشارة ههههههههههه

وانا من كلامي وملاحظتي عليكم هي من باب النصيحة وليس من باب السخرية أو التهكم فا بالاخير انا وانت اخوان تجمعنا الدنيا ونفترق عند الممات .

فأتمنى عدم الحساسية الزائدة وتقبل النقد بصدر رحب والعمل على تصليحة .

شاكرا ومقدرا لك

.

الاخ teacher يقول وين التفاتيش
تدور المملكة كله تمشي وانت مرتاح لادخلت القصيم استلموك
اخر تفتيش حوم كبدي امس على طريق الملك فهد بعد كبري مشعل وانت متجه للمطار يعني قبل تسافر او يسافر ضيف للقصيم لازم يفتشونك . بدون مبالغه وقفت وفدامي اكثر من مية سيارة شي يحوم الكبد

اذا كانو حريصين فبه شي اهم دوريه امن لكل اربع حارات هل يعقل

الاخ احمد من عنيزة ...

انا ابقولك اللي اشوفه واللي عايشته من خلال تواجدي

اكرر واقولك ان عنيزه اكثر في عدم الانضباط في القياده

انت تقول انه في طريق الملك فهد يحصلك احيانا مشاكل

طيب ... طريق الملك فهد يوديك لعدة اماكن ويوصلك الى محافظات ويوصلك الى الدائري ومن والدائري يوصلك لمحافظتكم

يعني الطريقه ممكن يكون مليء بالناس اللي من خارج بريده

الشي الثاني

بريده عاصمة القصيم ويكثر به الاسواق والاماكن الترفيهيه ويمكن ايضا اللي يضايقونك او يسببون لك مشكله في عدم احترام الطريق يمكن يكونون من خارج بريده ويمكن من بريده الله اعلم بس اذكرك انه العاصمه وانه الكثير يجي للتسوق والترفيه فهذا الشي يعتبر سلبي بعض الاحيان

انا ودي انك تجرب شي واحد وانت احكم بنفسك

حاول تمر من الدوارات اللي في محافظة عنيزه وتروح وتجي على هالدوارات لمدة ساعه

وبعده اتجه لبريده ونفس الكلام روح للدوارات وحاول تروح وتجي

وشف من الاكثر احترام والاكثر انضباطيه

:eek: سلامات ياصاحبي !!
أجل عشوائية !!
الحين عندي سؤال مهم ويستحق التفكير < أيهم أكبر حي الفايزيه والا عنيزة ؟ ooo1
يا رجال .. عين خير بس :d
شارع سرعته 70 يجيك ثلاث مسارات كلهم يمشون 20 ----> في محافظة عنيزة فقط ;)


أجل بريدة عشوائية : 12
مرة امشي في عنيزة لقيت طشت مجدوع !! ، آخر شيء أكتشفت أنه دوار داخل حاره :(

س / ماهي عاصمة عنيزة ؟
ج / بريـــدة



أي والله أنك صادز بس علم راعي عنيزة الي مدرعم في ثاني رد



الزبدة : من تكلم فيما لا يعنيه لقي مالا يرضيه ، أنا ضد العنصريه لكن أنت من بدأ ، الله يعطيك على قد نيتك قل آمين

في أمان الله

فعلاً التفتيش كثير .... ممكن لأسباب نجهلها ... وهذا من أسلوب فرض النظام
وبالعكس التفتيش لمصلحة الجميع ليس القصد منه مضايقة وتنفير المواطن


اللهم لك الحمد نحن في أمن وأمان وهذا بسبب توفيق ورحمة من الله ثم قيادتنا الرشيدة