|
نبى وصف من بريده الى روضه نوره , الخريم , الخفس , ... شاكرين سلفاً
احبتى منتدى بريده ستى فضلاً لا امر ابى اقرب وصف من بريده الى المكاشيت التالية .. مزرع الملك فهد روضه نوره روضه الخريم روضه الخفس روضه قريبه للبريده اماكن بسباس او فقع شكراً لكم سلفاً |
ياحبي لي قلبك مايمديك على ذولي كلهن قضى الشتاء!
اللي أعرف مزرعة الملك فهد ( رحمه الله ) بعد كوبري أم سدره يأتيك كوبري أم حزم تطلع يمين وتمسك خط أم حزم لحد ماتجيك على اليسارواضحه وأمام البوابه لوحه صغيره مكتوب عليها Farm! وأما روضة نوره فهي وأنت جاي من بريده رايح للرياض تلاقيك محطة العتش تطلع مع الكوبري حقه يسار وتطول لحد ما تصلها كله أسفلت! وأما الباقي فأترك الفرصة للزملاء فهم أعرف وأدق وأوضح مني توصيف! وإعذرنا على القصور! وإستر ماواجهت!!؟؟ |
خلاص قضاء الفقع والعراجين باقي عليها والبسباس عندنا بالمزرعه ان كانك تبي جبت لك بـبـلاش :d
|
لاتنسانا من الفقع والعراجين انا والاعضاء حتى المدير جبلنا كلنا :d:d:d
|
ولاتنسا البسباس :41:41
|
ناوى الفجر اروح يم فيضه الخفس وروضه نوره
وما لقينا وصف دقيق الى رايح يمهن يعطينا اعلوم + وصفهن من بريده معاند وبوعلي ومدله ماقصرتو على المشاركة شكرا لكم |
هلا بكم جميع رحنا لروضه نوره وفيضه الخفس الكشته باختصار عند الساعة التاسعة صباحا وبتدائاً من اخر عمود اناره من مخرج بريده الطريق الرياض السريع بسم الله ابدينا وبعد ما جاء كبرى .. استراحة ومحطه العتش طلعنا يسار مع الكبرى وبعد30كم وصلنا روضه نوره .. روضه نوره فيها منطقة مفتوح ومنطقه مشبكه بحواجز " محميه وطنيه " جلسنا في المشبك الموقع ولا احلا بساط اخضر على مد النظر يفتح النفس هادى ونضيف افطرنا وجلسنا فيها حتى الساعة الثانية وبعد صلاة الظهر مشينا الى فيضه الخفس .. رجعنا مع طريقنا الى السريع ومع كبري العتش اتجهنا يسار بتجاه الرياض ومسكنا السريع وبعد 25كم طلعنا مع مخرج دقله ومن فوق الكبرى اتجهنا يسار وبعد 30كم متر وبعد ابراج الاتصالات وصلنا فيضه الخفس وهى على اليسار الفيضة ميلانه ناس وغير نظيفة خاصه المشبك الموقع فيه بقاله وفيه خدمات بلديه( دورات مياه + وايت ماء ) اخذنا جوله على الفيضة المشبكة وبسبب الزحمة رحنا لروضة المفتوحة يعنى رجعنا مع طريقنا وبعد 2كم طلعنا يسار فيه اماكن ولا احلا .. اشجار وربيع الخزام البنفسج مفروش على الارض يبهج النفس جلسنا في هـ الروضة ومع اذن المغرب حطينا الرواق وشبينا النار ومع القهوة والشاي ووو جلسه سوالف حت الساعة 8.3 بعدها ردينا لديارا لغاليه بريده * ملاحظات روضه نوره اخف وانظف و الطريق ممتاز روضه الخفس زحمه وغير نظيفة والطريق متأكل ولازم تنبه للطريق مع الانتباه الى .. ـ بعد 10كم يجيك تقاطع خطير ـ في الطريق .. قبل وبعد الكبرى الى يمر فوق سكه القطار فيها منحى خطير خاصه في اليل عذرا لعدم ارفاق الصور لأن الخبر ليس كالعيان ... وقفه جميع كشات يوم الجمعة انحرموا من فضل صلاه الجمعة وذلك بسبب .. تغير ابتداء الإجازة الى يوم الجمعة اتمنى من المسؤولين عن الاماكن الخاصة في التجمعات البريه مراعاه اقامه صلاه الجمعة في تلك الاماكن والله الموفق |
| الساعة الآن +4: 06:06 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.