|
حادث شنيع على طريق الدائري !!!
أخواني الأعزاء أسعد الله أوقاتكم بكل خير .
كنت في مساء يوم الاربعاء طالع مع الشباب الى الربيعيه وكان معظم شباب بريده هناك مليت من القعده مع العيال وبديت أور شوي بالسياره وكان في بعض الشباب الله يهديهم مسوين زحمه يعني يفحطون (جمس-وجيب ربع) صارت الساعه 3 الفجر تقريبا ..... دق على أحد العيال وقالي في حادث على الطريق اللي يطلعك من الربيعيه الىالكبري المقطوع مشيت أنا للحادث لقيت الزحمه طفيت الموتر ونزلت أناظر !!!!! فلم أصدق مارأيت لقيت نفس الجيب الربع اللي كان يفحط لقيت الجيب متقطع بالارض من كثر القلبات وداخل بالردميه ولقيت الكفرات اللي قدام في الشارع والجيب بالردميه :eek: وسألت واحد من الشباب وقلته وش صار على اللي بالموتر يقول ماأدري :confused: ركبت السياره ومشيت وصلت البيت وأنا امشي عشرين لان الموتر اللي معي جيب نفس اللى شفته قالب . نسأل الله السلامه للجميع ،،، اذا كان في واحد يعرف وش صار على الركاب يقولي . |
الله يستر بس
أنا والله سمعت بالحادث اليوم يا أخ فرفوش بس الظاهر انه صادم ماصوره .
الله يستر على فطنه كم رقم اللوحة;) ;) ;) ;) |
الله يستر على عليك يابعد قلبي وعلى كل مسلم
واحد من العيال جا لمنا بالحارة وهو ماسكن راسة ... قلت وش السالفة قال أبد جيب ربع لو تشوفه ما تصدق . بس ماشفته والله لأن مكانه بعيد .... ((السعيد من وعض بغيره)) وتشكر يا بعد قلبي على الخبر ...... واحد من البزران حقين الحارة يقول انه ماجاه شي ،، يقول بس كسور بسيطه .. والحمد لله على السلامة . . . . . . . . . . . . . . |
والله انك صاز
السلام عليكم ورحمة الله وبركاته
عندي ملاحظه يافرفوش ترا الجيب الي معك مادري وش سالفته انا اذكر لوحته د ا س ؟؟؟ بس وش السالفه وراوه معطيك الجيب لازم تفيدنا ولكن انا اتوقع انك مستأجره منه على العموم ياهاني اقصد (فرفوش) ترا اليوم الخميس الساعه1.30 فجرا شفت الجيب الي تقول مهوب الي على طريق الربيعيه وانت رايح للكبري المقطوع ترا الى الحين هناك الجيب وترا لقيت عندة عالم *تعرف بريده والشرافه* بس الي قهرن واحد معه كميرا يصور والله ياهو شبث مايستحي تصدق معه دايو من القهر الي فيني زعقت -فحطت- بوجهه بـــــ3 طبعا سيارتي هايلوكس لازم بــ3 اقول يافرفوش ترا يوم الخميس طلعنا للربيعيه وراك ماجيت معنا فاتك عبد الله تشطيف بالمكسيما > عشت ايامه:D لاكن فاتك عشاء مشوي شوى لنا صالح والدجاج على محمدال* ومعنا فهد وراح معنا ثامر *** ادري انك ؟ او موب لازم والله ياثامر استانس وناسه على كيفك وبعد جا معنا نايف عاشت ايامه والله مانقصنا الا انت خلاص الوعد يوم الأربعاء الجاي زين:D :confused: لاتنسى تراسلن طبعا تعرف بريدي صح يالله بااااااااااااااااااااي ابروح انام الساعه3.00 اضغط هنا وشف الحوادث&&&& |
الله يستر على شباب المسلمين....
هذا والله النتيجة الحتمية من التهور والسرعه , وإلا لو فكر وش يستفيد ما أظن إنه راح يلقى جواب مقنع. لكن الحمد لله على كل شي... أخوي ( سلفستر القصيم ) ..... ماشاء الله عليك الشباب يهرجون عن الحادث وأنت قلبته رحله.... المهم ولا يهمك الله يسعدك ويونسك .. بس لو خليته بينك وبينه كان أحسن لإنه الظاهر ما يستفيدون الأعضاء من تفاصيل الرحلة..:D ;) |
الله يستر...
الله يستر... الله يحفظنا..وياكم. |
ابشركم
ابشركم شباب صار اللي صادم بالمستشفى يقولونه
والله يانا شفت الحادث امس ياهو حادث شكله يمشي4000!!!!!!؟؟؟؟ |
رقم اللوحه
يقولن رقم لوحته درع 112
بس ماني متأكد لأني ما شفت اللوحه بس قالي واحد نفر ،،، |
الله يستر
|
أكتشفت أن اللي كاتب الموضوع وجميع من رد عليه من صغار السن والدليل (الربيعية) والله يا أنتم قديمييييييين قوووووه تذكروننا بأيام (رفع الجيوب :mad: / الجميلي ::D) أنصحهم بصراااااااااحه بأن الثقل والركود زين حتى من يقول أنا بس أبروح وأتفرج على التفحيط فقط سمعنا وشاهدنا الكثير من لقوا حتفهم بسبب التجمهر وتعليق على كلام سلفستر القصيم بقوله بأن (بريدة شرافه) أرجوا لكلامه يا شباب يقول وصلت للحادث ولقيت تجمهر بمعنى هو من ضمن الشرافه والتجمهر ويسب المتجمهرين هاهاهااااااااااااااااااي |
اقتباس:
وانا اقول الربيعيه راحت ايامها والناس تركوها . . . . وبعدين الناس تفتحت عقولها صارت تفهم مو مثل قبل جاهلين ما يعرفون إلى الدوران وتضييع الوقت .................... |
| الساعة الآن +4: 10:09 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.